[瑞典香港村計劃] 有興趣嘅你入黎睇睇

多謝瑞典巴。
你講嘅就係exactly點解我一開始構思要有香港村嘅原因，如果就咁移民過去係要完全融入當地。
In this case有機會有巴絲唔慣當地生活，咁香港村at least都會有香港文化support到。
咁樣at least都會做到fusion of cultures

天氣我相信唔係大問題啦，唔難overcome，我係英國都係咁

如果可以全民投票選村委會+全民投票選村長

好似美國果邊有韓國城之類 ？其餘果啲都係餐廳嚟嘅？

深層次問題
技術上，香港人好多人都可以技術上解決技術上嘅問題

問題係，你點解要揀佢去解決
香港有好多人
我相信願意去嘅都好多
但點解要揀佢？
我話你知我識起樓，你點確定？
又或者，我點信你唔會偏心？
所以，係深層次問題，唔係技術性問題。

不過，我相信香港有心人係無問題
大家互補長短就可以
只係同時香港人(部分)好計較
如果實行，你必然要面對

反而係，現階段我唔認為會有太多人參加住先。
同埋如果話識自己技能但其實唔識，我覺得其實無必要呃人。如果係無料嘅去到當地都生存唔到啦。

我諗嘅template係好似墨西哥Maxicali咁樣

我覺得時間係一個問題
可能最尾個plan出到黎係要5年10年搞掂既
可能好多人未必等到咁耐
可能到時已經變左一國一制

其實首先呢個計畫目前都無咩noise，要有人參加先要推上熱門...

你岩，唔洗咁多人住
同埋真係有心先得

咁原本條村既人呢?

集體賣村

當地總有人想走唔想走, 到時要逼走佢地？2

巴打可以上返christie’s個網睇，唔係集體賣村都唔會拎出黎啦
再講其實呢個只係一個構思，換咗一個地方有塊地都可以再諗

明白, 謝謝解答.

malmo行過一個大商場

其實好難界定識技能呢樣野。唔可以排除有人自我感覺良好，話自己識做又有料，但做落係唔得嘅，咁佢又唔算呃人。

都係，最好嘅方法係睇嗰個人過去成績，咁就呃唔到人。

我希望你唔係一個洞察人性兼且諗住開個呃錢po既人

有興趣既人可以自己睇下經濟，產業同工作機會既關係。然後就係地理位置，貿易同運輸成本。

可以諗下點解咁多國家d小鎮既年輕人同中年人大部分都要去省城工作賺錢，而唔係留係呢d所謂既理想鄉/世外桃源？

如果呢一刻你係假設所有人都可以安坐家中賺錢，少部分人提供衣同食咁當然可以無視

呢位巴打的擔憂係有理由，任何計劃都要有一定經濟效益先有成功機會，正如我地睇黃色經濟圈一樣。
呢個計劃的難度肯定比食黃店難得多，因為唔單止講到錢，仲有生活同前途。但我好像鼓勵巴打繼續搞落去，如果計劃係多人而成功，係可以同當地傾下點樣同想幫助的手足移居過去，咁先叫做有意義的移居計劃。如果唔打算幫人的話，咁大家開間公司run一兩年再加20萬咁上下就可以過去瑞典，無需要搞咁多嘢

我覺得巴打你呢個提議 絕對有得諗
其實1000-2000人 or above 唔難搵
係點樣實行先難 , 同埋呢堆人要夠晒資格移民去瑞典先得
或者咁講 , 當做得成 , 可否實行到承諾會提供工作機會比唔夠資格移民既巴絲?
create 一個香港村係好好既概念!

利申: 運動教練+會計佬 (非常有興趣你呢個計劃)

巴打嘅擔憂係有道理，亦都好多謝你覺得我洞察到人性我只係Uni學生，寫essay寫到悶睇連登見到有個瑞典post之後就用咗個幾鐘去構思呢個idea

我從來都無講過啲錢要交比我，錢銀方面就一定係交俾tg gp內巴打諗交俾邊啲第三方基金管理人去manage

如果驚係無嘢做嘅，其實我都有一樣嘅擔憂，因為大城一定工作機會會比初期嘅小鎮多同埋闊，但香港村初期我認為嘅工作量係足夠。希望其他巴絲都係做曬功課，深思熟慮先好加入，同埋都可以係tg gp分享下意見。

留名

本身喺英國住緊
覺得個Idea好好
有巴打提出嘅 Visa 問題絕對係一個好需要考慮嘅事
因為如果咁簡單其實好多人做咗
我唔熟瑞典visa 但參考英國工作簽證
要做好多 market test 同優先請咗本地人先
之後先可以考慮出簽證俾其他國家嘅
呢樣嘢要熟瑞典 visa 嘅幫手睇下

另外一點我雖然好支持香港村呢個 concept
但係唔認同要唔理瑞典生活/語言
繼續自己香港文化香港人圍威喂就算
因為要人地國家同人民接納
首要嘅係你要俾人覺得你係有心融入人地個文化
唔係霸撻地就算

要幻想下如果有外國人嚟香港
你會接受一班繼續自己劈酒自己圈子嘅
定一班學咗廣東話繁體字同你一齊食茶記嘅？

有興趣，留名