點解以前讀書個陣無教英文拼音

唔覺得學英文要特登學拼音砌隻字點讀出黎

(開頭學德文係呢個方法, 結果成篇野讀岩9成但係唔撚明點解)

吓，呢個唔係讀VV?

double u 有乜問題

幼稚園同小學都有教過，細個好多時見到啲字識讀唔識解。

德文除左借用法文嗰啲字, 好多字真係照字母拼埋一齊讀, 你唔識個字可以照讀得啱
但係現代英文真係唔同地方嘅字撈埋一舊, 唔睇拼音淨係睇字母估讀法可以錯到離晒譜

巴打我意思係淨係識讀，同識果種語言相差十萬九千里

同埋你問英文真係叻果 d人
有幾多個係有特撚登去學拼英文音？
根本唔需要刻意去學自自然就識讀
用砌個音出黎入手咁樣學外語唔仆街至奇

學個字點解, 同學個字點讀冇衝突架喎
唔好話英文德文, 你一樣可以讀晒成篇古代文言文出黎但唔知講緊咩

//根本唔需要刻意去學自自然就識讀//
^唔係好清楚你呢個概念點得黎

英文有個特別/ 麻煩地方就係歷史文化原因, 佢好多字根本唔係"英文"黎, 有時有個字母又唔發音
如果照字母點串咁砌個讀音, 唔少字例如quay, genre, soldier, chi-square, colleague, aisle 會讀錯晒或者唔知點發音
所以中小學生其實最好係起碼學到識睇拼音, 至少查字典都識點讀
(雖則而家字典係可以發埋音好方便)

英文冇spelling reformation都幾on9
留低啲瘀血幾百年都冇清過

因為無必要教好殖民地既人

好似好多人都冇講
學英文拼音會唔會易啲記到隻字？
例如：
聽完生字可以串返出嚟？
睇到生字可以拼到嚟讀？
背字輕鬆啲？
港式口音同識唔識拼音有啲關係？

學英文拼音會唔會易啲記到隻字？會

聽完生字可以串返出嚟？可以，我中學默書聽到隻唔識嘅字，有時就係靠個音估返個字出黎

睇到生字可以拼到嚟讀？可以

背字輕鬆啲？
（如果你指背=串字）夾硬一隻一隻字母背，我會覺得係小學幼稚園做法，學到咁上下係讀到就識點串。
（如果你指背＝記埋個意思）咁就靠睇得多用得多先得，單靠拼音係冇用
港式口音同識唔識拼音有啲關係？我只能話如果你識phonetics，知道"標準"點讀，你會相對容易糾正你嘅讀音，幫你戒左所謂港式口音。

不過講到尾都係多聽多睇多講。你唔練習，只係識得IPA（國際音標）呢樣野而冇去接觸英文，都係冇用。同埋好多人冇學phonetics，英文依然可以好好。

利申：純粹個人經驗，中學有phonetics教

oh 我明明地啦
你地講緊有人教
我諗錯左係自己自學查字典嗰陣
我自己就中小學老師有大概講過下拼音, 同埋有講過下有啲字唔係英文黎
中學嗰陣中文老師都有教過"三幾檔牛腩麪 北角食", 所以習慣上會保險少少睇埋個字拼音點讀

大學啲英文堂老師舉過英文字例點串同點讀可以差好遠, 所以印象幾深下

題外話, 身邊就係有啲朋友一路都係靠個串法估讀音, 然後genre solider真係分別照讀jen華同焊野嘅solder 而完全唔覺得有問題
所以都係覺得中小學起碼學到識睇拼音先, 至少個腦會有概念"英文咁串未必咁樣讀"

有
但學極都唔識

啲讀音真心唔會全部估得到
最盡都只係好似中文有邊讀邊，多數時候過到骨但都係唔可靠
而且都要返啲英文底，知道啲字點嚟

例如話 g 呢個字母
英文自己有/日耳曼字就全部都讀/g/ (girl, gift, get)
喺經法文/拉丁傳入嚟嘅字入面
ge-, gi- 就讀 /dʒ/ (geography, gender)
其他時候就讀 /g/ (grace, gorgeous)
有時仲變咗 /ʒ/ (genre)
(其實法文 ge-, gi- 係讀 /ʒ/，不過大部分法文字都係好耐之前傳入英文，然後喺英文嘅演變中由/ʒ/變成/dʒ/，而genre呢啲就比較近期先傳入嚟，錯過咗由/ʒ/變成/dʒ/嘅過程，於是繼續讀/ʒ/)
所以你要好準確咁估隻字點讀，你唔只要知隻字點嚟，仲要知隻字幾時嚟
呢啲唔係就咁學拼音就搞得掂

其實有做過，printing開始流行英國嘅時侯係有由民間改革過，但係問題係各有各做加個個標準唔同，然後19世紀之後又無reform過（美國有少量reform，英國基本上無掂過），搞到而家咁

呢啲野冇官方認可好難成事
同喺連登有條友提議邊隻係正字一樣
都係冇人理

其實係鬼叫英國人性格太保守，凡事可以小修小補得就唔會去大改，寧願死忍

無人會改字嘅發音改嘅係字嘅串法，目標多數係將個字改成一望就知點讀同埋統一各地同一個字嘅串法，呢樣嘢法國、德國、印尼、馬拉、葡萄牙、俄羅斯、西班牙都做過，基本上你噏得出名嘅歐洲國家都有做過

呢個PO D人係咪ON9架
W真係讀double u架喎

你學廣東話時有冇學過拼音？

利申： 學過