利申:一直都好支持黃色經濟圈,喺膳心小館買過幾盒蛋捲,同屋企人食過飯⋯⋯
1.房協招標簽幾年合約,交比餐廳營運同提供膳食比老人院同樓上老人家(即係我老母)
屋企人喺樓上住咗十幾年,房協管之後轉過唔同嘅餐廳,包括銀杏館(請長者做侍應間社企)。屋企人話番比我知過往都係2-3年合約完左就再公開招標,會出通告又會喺例會通知,唔會係貿貿然收番膳心間舖⋯⋯
2.<樂頤居>嘅餐廳都由房協自己營運
仲有親戚住樂頤居,屋企人間唔中都會去樂頤居搵佢地食飯,經常讚人地餐廳好味。屋企人話好多老人家開會都有問過房協會唔會收番來自己做,可以提升番個質素(因為啲老人家,包括我老母成日話餐廳唔好食),房協話要計下數,無正面答嘅
3.房協係NGO唔係政府機構
房協唔係政府機構,好多人會撈亂佢同「房署」⋯⋯依個時勢我地都擔心「政治迫害」延伸去生活每個角落,但我地更加唔可以自亂陣腳,繼續打哩場仗。
4. 多謝手足 膳心野食好味咗
未有黃色經濟圈之前,去親膳心都包場咁濟,野食認真麻麻,難怪啲老人家話想房協收番嘅!近幾個月多咗手足幫襯,好食咗好多,連我老母都多左落去食兩餐呀!(之前佢覺得難食,風大雨大都要堅持行樓梯去淘大,無佢咁好氣)
光復香港,時代革命
今日又要買爆黃圈