建構一個互信、真正親密既關係之後，再諗性都未遲。而且，即使係佢要求你既野，你都有自主權決定係咪要回應。
佢用佢愛撫你就要求你幫佢打飛機，如果你唔回應就有後果，其實你覺得難受嗎？你覺得真正一個相愛既關係係點樣既呢？
我自己做野會搵一個目標，我為拍拖訂既目標就係想認真到最後結婚。咁你拍拖又為咗咩呢？如果係想有人錫，咁依家個男朋友又係咪錫你呢？如果為拍拖而拍拖，咁係咪需要為咗呢個人放棄一啲自己覺得重要既野、或者受佢氣呢。呢啲你都可以諗下。
青春好正架，面對好多未諗過既野同抉擇，但希望你識得保護自己，做啲對自己好既決定。
同埋讀女校可能令你既交友圈細啲，少啲接觸到異性，但平心而論呢個真係值得諗下係咪要繼續落去。
希望有引發到你諗多啲
