朋友因為分租一房所以同呢個人渣共合租一村屋，朋友於28/05即今日凌晨00:46因有事需要外出一陣，於是朋友將佢個隻原本人見人愛既黑色貴婦(汪汪)放左係床上，然後就出門了。
但當朋友03:56回到家後，嘴邊一直叫著汪汪，汪汪，但當佢推開房門，平日聽到朋友叫著自己既名就會非常熱情擺尾甚至會激動到有尿尿既汪汪竟然郁都唔郁訓左係床尾既時候，朋友已即刻察覺不妙，上前打算抱起汪汪，但發現汪汪已經全身失去知覺郁唔到，只有眼珠識郁甘望住朋友。
當下朋友已經淚流滿面咁問人渣點解汪汪會咁，人渣既答覆係，隻狗賴尿係床啊，我無打佢啊我只係掉佢(汪汪)落床咋！我朋友聽完已經馬上抱起汪汪去24小時寵物診所，最後醫生檢查完出黎話比朋友知汪汪救翻機會低過一半，因為頭部受到重創，胃部出血，眼角爆裂已變型，仲有就係汪汪頸部有一個十蚊銀咁大既size比人扯甩曬啲毛。。。。。。朋友好錫汪汪所以經常帶埋汪汪出席好多活動，因此我自己都十分喜歡汪汪因為佢真係好乖好聽話而且聰明，汪汪只有半歲大就要比呢個人渣虐待至死，雖然朋友已經報警交由警方處理，但由於人渣事後對自己行為一啲悔意都無仲同朋友講咁點啊元朗差館見啦！又同朋友媽媽講，我宜家殺左隻狗咋馬，唔係殺左你個女啊馬！
