有冇絲打因內分泌失調同暗瘡食緊避孕藥？

大概幾百定百幾 突然唔太記得
會唔會係搽太厚呢凡士林 真心建議用蘆薈 muji中國好似有市場 可能有動物測試 自己衡量下喇絲打
剃刀 好多youtuber有教咖

睇公立專科係咪要有私家轉介信先可以架 定直接走入去普通門診等都會轉介

主要係暗瘡位會少少癢 之前睇新聞話蘆薈有酒精同埋佢好多品牌都唔係用蘆薈 假野黎之後就無再買黎用啦 不過呢啲真係睇牌子

muji呢個 一陣搵下資料先 佢陣味有少少膠

不過剃刀唔係完全連根拔起喎 咁皮真係唔會粗咩

係呀，你用力掐住粒嘢，會有一個位特別白
果個位就係膿頭位置，要買支好尖好幼嘅針先做到（近排搵唔到嚟買，屋企果支鈍咗）
掐住佢篤啱位有時會卜一聲啲膿爆晒出嚟
(篤唔啱就會損鳩晒，等佢越谷越大再不停loop)

面毛唔好搞住先喇
線面、激光 任何脫毛都會刺激到皮膚 等陣暗瘡爆得勁d返唔到轉頭呀絲打

你一步一步黎啦 無得心急 好多人要醫一年keep住食藥先開始好返

哇 文字表達都feel到痛
不過篤爆佢 吱晒啲膿出黎
但一處理唔好 個印就好勁

想左好耐架啦 不過廢是暗瘡又爆多輪就唔敢整

不過絲你個陣用咩護膚品

我自己食完勁甩頭髮 即刻停藥 嚇死

有冇同醫生講呢個問題 係咪你個隻避孕藥有呢個副作用啊 你食邊款

我唔記得個名 但唔係萬寧屈臣氏買到嘅牌子

你自己買藥 但食之前有冇睇過佢啲副作用

唔係自己買呀 婦科醫生開架
果時因為媽咪後生同埋身邊朋友都有食過 都話無咩副作用
點知到自己果時嚇L死 甩左1/3髮量

絲打我都爆得好勁特別係左邊腮位好無自信

我副作用係會頭痛同埋心跳好快 成個感覺好唔舒服 有時情緒又好鬱悶 不過就一時時
藥真係個個人食副作用都唔同 如果你覺得食緊呢隻副作用嚴重 真係要同醫生講轉藥 真係驚會食死人

我完全明白 我暗瘡生晒係下巴 腮 同埋 2邊臉頰位 差唔多一年都無咩好轉 之前唔洗帶口罩都仲有得化下妝遮下啲印 但凸起既瘡完全遮唔到閉口粉刺多到嚇死人 勁密集 到依家帶住口罩 無化妝 朋友食飯 一除口罩就好尷尬
比暗瘡問題困擾左好耐 到依家都未好番 真係的起心肝去睇醫生

絲有冇諗住睇醫生啊 如果用護膚品同facial都搞唔好 真係睇一睇醫生好啊 拖落去你會後悔自己咁遲唔去睇醫生架

我細細個15 16歲爆過 19歲食避孕藥食咗一年好返 停咗半年又爆
絲打幾歲

我由青春期開始就一粒一粒咁keep住生 細個都覺自己皮膚差 大個左就開始黎料 除左暗瘡問題 黎m唔準 多毛 肥胖 中左好多內分泌失調既症狀 所以食左避孕藥先 搞得好番晒呢堆問題 就唔係好想食A酸啦 不過你有冇去睇埋皮膚科啊

我呢幾日會去家計會睇啊 想平啲買避孕藥 同埋睇下有冇得照超聲波 無都會出去私家婦科睇既 之前都有考慮中醫 但好似要食好長時間 又要睇好唔好彩同個醫師夾唔夾 自己比較信西醫個套既

Hi絲我同你一樣唔想食A酸，冇錢係其一，另外唔想食半年藥又怕副作用 (本身已輕微濕疹加乾肌)
一個月前突然爛面爛到個個都問我：你咩事⋯⋯
食緊四環加外用A酸，第十一日，有好咗但真係好慢好慢。
依家經過所有鏡/仼何反射到個樣嘅嘢都唔敢望
兩星期冇出過街，連同屋企人對視嘅勇氣都冇。
仲拎埋sick leave 添工都唔想返，暗瘡真係害到我人生都冇哂。
日日都會崩潰一兩個鐘係到喊，
每日就係喺屋企到屈住唔開心，
做女仔爛面真係好想喊，食藥睇醫生咩都有做，但未見明顯成效，
我都想出去，想約下人，想返工賺錢，想有自己嘅人生，但依家真係樣衰到覺得自己有損市容。
有時都想知，究竟做錯咩先搞到咁，我知情緒好影響個病情但咁嘅樣點開心得落呀屌！

tg我有啊

A酸好似副作用都幾多 但確實又真係好多人食完暗瘡就斷尾 我都唔想嚴重到食A酸

錢銀問題都最重要 皮膚科連藥一個月都千幾蚊 無番工無咩錢真係負擔唔到 依家食住避孕藥睇下改唔改善到先

上面有絲打推介過啲supplement 我都想試 但食緊避孕藥唔知食唔食得 同埋依家食緊隻藥副作用都幾大 我feel到

我知佢係轉介出去其他私家照 book個陣我都有問過 都好既 多過選擇同埋唔洗自己搵 而且價錢都差唔多

你睇婦科個陣係咪都有多囊卵巢症？

之前因為壓力同情緒 爛面爛得好勁 日日都困係屋企唔出去 夜一夜都唔訓就坐係窗邊喊 雖然依家都唔見得好 不過過左一排情緒同壓力都好番好多 塊面都仲係會不停生暗瘡 但無個陣生閉合粉刺咁密集 石頭瘡都仲會生 依家仲有幾粒係塊面谷緊啊

真係明白爛面個種情緒 有時啲朋友問我塊面做咩 我都唔知點答 好尷尬 有啲朋友生一兩暗瘡就話自己皮膚差 爛面啊 我真係灰到一個點 咁我係咪要去切臉皮 我老母仲要話係熱氣啊 唔夠訓啊 呢堆說話真係聽到好激氣 暗瘡係由細生到大 但爛面真係差唔到一年啦

除左生暗瘡 身體仲有好多其他問題搞到個人好煩 點解要係我咁多問題架 依家都幾乎日日都係屋企 妝又無化 又無戴口罩谷暗瘡 洗臉同護膚都做足 點解都仲會生暗瘡真係好灰

完全明呀救命
睇你個po之前我先啱啱喊完，
因為真係覺得好灰好想釋放自己嘅情緒。
真心覺得嗰啲爛係了解暗瘡亂咁俾意見人嘅死撚咗佢啦，係咪冇洗面啊係咪食得太多熱氣野，聽到火都嚟埋。
係基因啊係天生啊係壓力呀，唔好再亂咁話人哋生活習慣，唔生暗瘡嘅人真係唔會明我哋有幾痛苦。
我上個月爆得好勁嘅時候我都係日日喺屋企，乜都冇做我諗應該係壓力問題，其實我唔使知道個成因嘅，我只係希望佢可以快啲好返姐⋯⋯
尤其是係望住身邊嘅朋友或者街嘅人都唔會有好似自己咁嘅爛面，覺得自己好異類，
成件事好似望唔到盡頭咁樣，唔知幾時先可以好得翻，
好努力說服自己真係要樂觀啲面對，但係易講難做因為你一望到自己就已經乜嘢心情乜嘢動力都冇。

如果想搵人傾訴 我上邊有留到tg啊 我幾明白呢種感受 有時同朋友講完 唔知點解情緒無變好好似講完就自己尷尬咁 可能佢地唔明白掛

每一次聽到朋友定家人話自己生暗瘡係熱氣又點又成就會燥燥地 食得都清淡個陣又話熱氣 正常睡眠時間 訓得足又話係我夜訓 真係佢先係醫生佢講晒 如果真係咁易唔生暗瘡冇皮膚病既話啊 皮膚科個啲好多都可以關門啦

壓力大 情緒差 我都唔知可以點調節呢個心態 用左好一段時間令自己放鬆 無論做咩事定同朋友去玩都好 呢種情緒一直都係自己個腦度咁 同朋友傾訴過 佢知我發生咩事同情緒好差 但其實做唔到啲咩幫我安慰我 自己一直都比呢件事同呢個情緒同壓力困擾住自己 初頭個陣以為自己有情緒病 不過過左幾好個月 自己都要接受同睇化現實 先叫變番個正常人個段時間仲要爛面爛得好勁 真係好崩潰啊

之前唔洗戴口罩都仲有化妝遮下 但依家化妝再帶口罩 真係再爛面爛得仲勁 見有啲朋友懶護膚 皮膚仲好過我個陣 真係好撚灰啊 不過依家戴住口罩 啲人見唔到我塊面都仲好啲既 起碼無人知我爛面麻

一齊圍爐我都係勁無自信唔想見人 唉