[求意見]精神病患者嘅家屬，分享下自己經歷

同為患者家屬 相信大家都辛苦了

小妹有個難題
我有位屋企人係精神科常客
隔幾年就入醫院住院，出出入入
好啦，曾經嘗試到佢傾，根本無辦法溝通
令我開始懷疑佢根本唔會有好轉嘅一日

佢而家係公立精神科住緊
而家諗緊咩時機先接佢出黎
接受呢個現實
以往慣例
接佢出黎佢嘅情況只係隨時間變差

好明顯佢住左幾個月情況都無分別
真係唔知點搞 接左佢出黎
我同其他屋企人都會好大壓力
但唔接又唔知點咁 始終屋企人

大家有無相似經歷可以分享下，比我參考下

辛苦晒

咩事？

你講多啲佢係咩事？

排宿舍？

咩精神病

佢點有呢個病

不如你直接搵醫院社工傾？

港怡醫院有精神科病房

佢廿幾年前係產後抑鬱 過左十幾廿年 而家個情況係成日幻想老公出軌 隔離屋想害佢 有人跟蹤佢 有人偷佢野 搞佢銀行存摺
間唔時會開大門係走廊掟野 大叫咁
話係思覺失調

可唔可以分享下大概使費要幾多？
想聽下Ching 分享再作打算

重症係辛苦，因為溝通唔到，只有默默忍受

係呀，佢入左院我地個心情係平復番好多
至少精神壓力無咁大
唔使怕佢唔知係屋企搞啲唔知咩出黎
忍得太耐有排我都開始覺得自己要接受輔導
但係長期由佢住院又好似好不近人情咁

佢個人死唔認自己有問題
基本上可以預視佢一出院 一開頭都可能覆下診 見下社工 但過多排佢就會堅持番自己係咩事都無係正常
人
唉 睇下有咩方法

我老母又係，由我8歲開始已經出出入入醫院好多次
基本上係3年就會入半年至一年，有次最勁係兩年
我好記得個晚我同個妹訓緊教，佢突然間黎料
不停沖涼好多次 出黎唔著衫 自己自言自語話有人要害佢 仲要坐係我地床邊望住我地訓 我擘大眼個陣嚇到仆街 又唔敢出聲
我即刻send WhatsApp 比我老豆叫佢搭的士返黎救我 因為佢返夜班
佢有精神分裂 但係醫生話唔會斷尾 要keep住食藥如果唔係會惡化
佢出院會好幾個月 會乖乖食藥 同埋我地要mon住佢
記得有次就係佢偷偷扔左啲藥搞到又發作
跟住又黎料 唔信自己有病 話自己食完藥病有副作用唔願食 然後又Loop
我地都唔想成日要佢入院 我去探佢都好唔忍心見到佢咁辛苦

我媽嘅pattern 同你媽都好相似
但你個case真係好恐怖我成日都幻想呢個情況出現 真係真恐怖過鬼片
真係辛苦了你還好嗎？

我對我媽對佢發癲，係到笑係到自言自語都開始麻木 ，唔影響隔離同唔太針對我地，我地都盡忍
係佢搞著我 不停針住我個時真係好討厭好委屈
住左而家個到十幾年
我媽間唔時大力ban大門鐵閘
有時搭𨋢見到隔離屋都好唔好意思

有時真係諗
點解我呀媽會係咁
唉

但真係改變唔到..
我媽仲試過搞對面鄰居，我聽返我爸講係去嘈佢地，又禁佢地門鐘，搞到我哋同對面鄰居見到都面左左
而家我媽出左院差唔多年半，情況幾好 佢有乖乖食藥
以前細個唔識野會好驚佢 但大個慢慢了解左
會好體諒佢 知道佢都唔想 雖然發作時都會嚇一嚇
ching一齊加油撐住呀

加油💪🏻
佢而家入左院五個月到 有打針
同呀爸提議過睇私家
我爸唔同意 話以前其實咩方法都試過
佢表示無好轉，病情反反覆覆佢都好無奈

我同我爸暫時都想佢留院多排先
要多啲時間勸下我爸比我媽試下現時嘅私家醫生
佢有好強mindset 覺得我媽無得醫
我同我細佬都要心理準備下重拾要對住我媽嘅生活🙈

同埋比佢出黎真係好難搞 始終我地番工都早出晚歸 同難睇得住佢
我爸講到以前試過我媽一出院就會走左去唔知邊，要搵番佢

我屋企情況同你好似
未入院前你媽咪有無返工架？
我建議我媽去返下part time
因為佢自己留係屋企又會亂諗野 跟住又黎料
佢而家出左院 返左工 有食藥情況都唔錯
我老豆都係 佢覺得我媽無得醫 所以唔肯睇私家

無呀 佢無做野好耐喇
呢廿幾年加埋可能得一兩年時間係番過下part time 係唔知點解番一番工佢跟手就會入院咁🙈
早幾年入院出番黎 我都有提議叫佢去社區中心上下堂學下野佢都唔肯
同埋佢個人本身啲交際都斷曬咁滯
屋企人同朋友都係
個個佢都睇唔順眼咁

想佢接觸番人群都唔係咁易 🙈🙈🙈

我就係驚佢唔social係屋企會亂諗野
所以我先叫佢返工 加油呀Ching同你一齊撐住

我老豆由2、3年前開始成日失眠，上年12月中我老豆突然成身無力，胃又唔舒服，心悸同呼吸困難，入院check左出黎冇事，前前後後咁發作左6、7次，急診都話幫佢唔到。

之後轉醫院睇腸胃科話佢幽門螺旋菌，同埋佢情緒好緊張，咁食左藥，狀態好返兩星期又黎過，佢自己成日認為訓唔覺所以咁，就去睇精神科，醫生開左d重藥比佢訓覺，情緒藥都有，但都只有頭幾日訓到，最後d藥又亂停（我老豆好鍾意亂食藥）。

咁可想而之呢d精神科藥物食下停下就慘（果時冇為意呢樣野），一發作又話心悸、呼吸唔到手又震，又送左去醫院，今次就話佢冠心病，通左波仔，但其實三條血只有一條塞左四成，影響唔大，所以通完出黎情況都係冇改善。

狀況繼續到上個月，有親戚搵左政府既精神科醫生睇佢，判斷左佢有嚴重抑鬱同焦慮，仲入左去精神病大樓住左一星期，其間我上網睇左好多資料同從醫生開d藥既藥性去睇，佢應該係由上年12月開始就「自律神經失調」再加上抑鬱焦慮。所以拖拖下拖到依家咁嚴重。

因為入面環境太差住唔落去，就接返佢出黎，病源就搵到，用藥都啱，但問題佢完全唔聽人勸，亦都拒絕人地既解釋，唔接受自己有呢個神經系統既症狀，仲係好固執咁認為自己係因為個胃有事同訓唔到，d藥會食到佢越黎越差。

尋日又係度話個胃唔舒服，今日先又同佢去睇腸胃科，醫生話跟本冇事，只有少少胃氣。

其實我地依家都冇辦法，呢d藥最少最少最少食三個月先慢慢有效（如果佢仲係唔接受...分分鐘都冇效）而且佢係好無耐性既人，我都唔知一個月之後會係點，何況仲食一年？講又唔聽，聽又唔信，好無奈。