想養小型鸚鵡 有咩建議?

近來好想試下養隻鸚鵡 覺得佢地好自癒 但見打理佢地都唔少野搞
主要係想養D易打理親人唔太嘈 但我又冇任何養雀經驗 驚養唔掂
上網睇左堆資料 牡丹愛情鳥, 太平洋鸚鵡 會唔會比較適合?
不過都有D問題想問下大家 :
1) 牡丹鸚鵡會唔會係比較嘈/ 有攻擊意慾?
2) 太平洋鸚鵡係香港會唔會難搵D?
3) 新手買BB鸚鵡定大個D嘅? (聽講由細養大會親人D但唔適合新手)
4) 香港價格大概幾錢? (冇太大budget, 望<$400/500)
5) 雀仔街買信唔信得過? 果頭有冇得一次過買曬D雀鳥用具?
6) 邊種鸚鵡會易訓練D? (e.g.上廁所果D)
7) 你地養鸚鵡有冇話睇雌雄?

為咗娛樂你 叫隻雀仔唔可以飛

緊係BB仔啦
餵下奶,之後成世痴住你

愛情鳥叫好大聲, 好嘈

其實未知養BB鸚鵡係點樣 驚果段時間養唔好會反而斷送生命

https://t.me/joinchat/EGEhakOgZ7PKPry1rQOhAQ

連登鸚鵡谷
入面會有巴絲答你

養寵物前諗清楚先啦
有無咁多心機時間
唔好養養吓又棄養

咩省都會好嘈，同會好痴身

1）聲尖而亮，如果住apartment,打開屋門你預全層都會聽到/天性係較aggressive, 愛情鳥係地盤意識重同如果想打架，咬人係會往死裏打/咬

2) 唔難搵，視乎你洗唔洗要d特別色

3)買剛斷奶，如果愛情鳥即喙仍然有黑色，毛已完全長成為斷奶階段，買未斷奶而唔識喂，常見意外為打奶入肺，奶溫過高穿素囔，餵食頻率/量不適當etc,而後果係死

4）400/500樓下你預愛情鳥，太平洋如果你追色你預1k至2k，鳥類好海鮮價，以愛情鳥為例，價錢取決於色,係未人手喂大，親唔親人等，你話如果一般原生綠，黃化，費沙氏，唔係人手喂大，唔特別親人，雀仔街你預賣200左右，如果係人手餵大，親人，你預就400/500，如果再要特別色，價錢又再貴d

5)考眼光，賣花一定讚花香，無論雀街，鳥店，或者依家近呢6，7年興起既所謂自繁戶，老實咁講一句，全部都係會水你，只係水份有幾高，通常會水你既內容為病鳥當正常，報細年齡，明明隻雀驚人又話好乖唔驚人，為求快速脫手，未學識食糧就話已經學食糧，叫你快快攞返去，天性有缺陷話係正常，用差唔多樣既亞種去當貴價品種而抬高價錢等，所以要用自己對「眼」去睇，如果自己無相關眼光，就借助人地既眼光，而雀街最大問題係衛生，易有病鳥，如果你見一籠雀，你睇岩左其中一隻，睇到好似無病無痛，而同籠住緊有另一隻病緊既鳥，個下已經係「買大細」時間，而雀街可以買晒所有用品

6) 通常智商愈高，愈易訓練，而通常體形愈大既雀智商會高d,但如果你目標係小型雀，就不要抱訓練呢一環太大期望，小型雀都可以訓練基本野，但你唔好預會好速成

7）大多數鸚鵡，男女外觀無咩分別，例如愛情鳥，要血驗先知，亦有人用摸盤骨去估，但其實都純粹係估，會有誤差，如果你講大平洋，男係眼位有藍色而女無，有人會追求專養男/女，因為因品種而異，男女性情有d分別，同埋學語能力都有分別

多謝你咁詳細解答我啊
我住緊公屋都幾驚嘈到人同屋企.. 屋企係咁反對驚嘈驚禽流感XD
今日有去過雀仔街睇過下咁 但冇間間比較 不過唔係好見到有太平洋賣(問左2間咁)
同唔知雀仔街係咪得咁短 好快行晒 唔係點搵到D人話信譽唔錯果幾間X記
不過D價錢真係幾懸殊下 問左2間愛情鳥嘅 一間500一間2000 分別可能係佢地年齡唔同 同埋一邊係同其他愛情鳥住膠箱 一邊住籠掛? 聽完你咁講真係分唔到邊D先係信得過:(
原來太平洋咁貴架 都唔知邊種先合心水啦:( 依家唯有都係諗住再睇定D先

忍唔忍到嘈係好重要既一個考慮因素，好多人最後棄養都係頂唔到佢地叫，佢地一叫未必只叫幾下，係連續一段時間不斷叫，叫可以靠後天去減少，但始終唔可以完全避免，如果忍唔到嘈，反而橫班，太平洋會比愛情鳥好

佢地雀仔街放得入膠箱，通常係未生齊，仲要餵奶個d, 2000蚊一隻愛情鳥除非係稀有色，如果唔係既話係極貴，不過咁講，其實係雀仔街買雀d雀販都預左你講價，不過如果去雀仔街，星期六，日下晏去會好d，多d野睇，因為好老實，佢地有d雀，如果漁護揸正黎做，根本係唔比賣既，而佢地會襯政府部門休星期六，日先放晒d雀出黎


不過睇定係好既，急唔黎，養寵物好睇過唔過電，特別鸚鵡呢d 食物鏈下層動物，如果你選擇佢既時候，佢亦過電既時間，先易養同養得長久，同埋嘈真係要好好考慮，打理唔難，忍嘈先難

Lovebird通常都一對養 都嘈嫁（基本上所有雀都會叫 太平洋係會靜啲但喺香港相對難搵）lovebird比較上係觀賞用 因為佢地會好痴對方 變左你就難啲上手
新手養BB好易顧唔到 建議養戒左奶嘅 至少兩個月到隻雀先叫穩定
價錢好睇品種 如果喺雀街買 細雀一隻300-500蚊就有交易（仲有找）但雀街就真係睇你好唔好彩 有啲雀可以好長命 有啲雀一買番去先知係病雀如果你擔心隻雀有病/無信心雀街啲鋪 可以上facebook睇啲雀群 好多時都有人放啲自繁雀出黎賣 價錢當然貴好多 但叫做求個安心 有啲賣家會幫你驗埋性格同有無病添同埋你話訓練嘅話通常細雀都好難訓練（因為無大雀咁叻）
買雀仔用具推薦雀街拾六兩 嗰到好齊
希望幫到你

原來係咁 遲D再去望望咁 不過可能星期六日人多D店主唔得閒招呼我呢D麻煩友
我都擔心嘈呢個問題 唔知夜晚會唔會嘈到人瞓唔到咁 加上自己作息遲瞓 驚自己瞓佢又咁啱醒

唔該晒
上網都唔多資料有關香港太平洋雀咁/都少見有人養
今日都follow左D facebook雀群咁
如果細雀難訓練 咁放佢出黎咪好混亂XD

我打錯左 係驗性別至啱
又未必會好混亂 因為都好睇性格 通常仔仔就會曳啲中意周圍去（因為好奇心重）女女就靜啲無咁好動 但都未必準 因為每隻雀性格都可以好唔同 只能夠講邊個品種會乖啲咁細雀無咁醒只可以做到基本嘅訓練 所以唔好預佢會好似大雀咁聽你話
同埋都好睇你點養佢 如果你好寵佢佢就會恃寵而嬌（我嗰隻就係比屋企人寵壞左）你最好睇定品種特性先

仲以為依家咁高科技 幫雀仔做心理測驗點定
基本訓練係指上手/食野？
寵壞左係咪好有性格

細雀通常就只會識跟唔太複雜嘅指示 例如教佢有邊啲地方唔可以飛過去 唱少少歌仔 同埋你可以用零食黎教佢地做啲咩先有零食食
寵壞左就係會成日痴住全屋最錫佢嗰個到（當擋箭牌咁）然後脾氣會比較臭 唔比佢玩就咬人但佢都係好可愛嘅我嗰隻係雞尾黎

咁如果佢唔聽你講 你會點樣阻止佢 咬人大唔大力?
係雞尾!!? 諗下都覺得得意 貴ma?
其實我最開頭好鐘意雞尾 個樣已經好有魔性可惜屋企人氣管問題唔太適合養:(

一開始都會話佢 嘗試唔好比佢咬 因為佢個嘴都幾尖所以咬落黎都咪話唔痛但後尾都慣左由得佢咬
我嗰陣都係喺雀街買炸 400蚊唔洗送埋個籠但我諗我算好彩無買到病雀 隻雀都幾精靈
係呀雞尾fing毛嗰陣都幾多羽粉嫁 氣管唔好就唔太適合

Oh... 咁你係日日都會放佢出黎架?定佢一直都好Free
同埋想知道夜晚會唔會嘈醒到佢就會開始叫?
不過咁抵嘅 400蚊送埋個籠 可唔可以講下係邊間比我參考下

天黑蓋籠布就唔會點大叫

係日頭出太陽就狂叫

同埋我屋企隻和尚好叫識叫

以前養橫斑就好靜 不過互動小啲

買籠可以買好小小，因為生鏽可能會令到啲雀

睇下你會唔會好想同雀有互動

食左啲重金屬會中毒

想有互動啊 本身考慮緊LB 太平洋 橫斑 但聽完你咁講⋯er...又要再諗諗

小型鸚鵡唔好強求好快會上手/有互動

除非你由bb養奶開始養起

不過都好可愛

嗯新手嘅我又無信心養到bb雀
不過我以為和尚都好靜

唔好比佢呃到

好Q多野講