我呀媽有癌症末期 唔知有咩可以幫到佢

曾經經人介紹睇過一個中醫 連末期癌症都醫到（聽講） 我自己就去睇小病嘅 都幾快見效 駛唔駛影張卡片比你

樓主撐住

頂住啊樓主
我啊媽都成日周身病痛 見到佢咁真係寧願有事嘅係自己

樓豬自己生腦癌未期呀開左開post人影都唔見

加油！

堅強啊巴打
陪多啲媽咪 同照顧好細佬
要比媽咪知你會好好睇住細佬

其實想問好耐

冇事冇幹點解會無啦啦有癌症

好似乳癌，上面巴打話咁冇食煙都會有肺癌


到底係點黎

佢唔煙唔酒
我都想問

有可能係呢個原因

http://hk.on.cc/hk/bkn/cnt/news/20161017/mobile/bkn-20161017143901528-1017_00822_001.html
劉美明表示，香港輻射濃度高是由於香港土地有大量花崗岩，花崗岩會釋出氡氣，吸入體內會衰變成放射性物質產生輻射，而香港樓宇的混凝土和瓷磚亦會釋放氡氣。她引述九十年代的香港研究指，香港有13%肺癌病例是由於吸入氡氣所致。

去外國
用大麻醫

去外國
用大麻醫

認真？

去外國
用大麻醫

認真？

認真
如果真係冇得醫
仲可以用所謂迷幻藥去做臨終治療
體驗死亡去準備自己嘅心理環境
減低恐懼
外國大撚把人做緊

其實想問好耐

冇事冇幹點解會無啦啦有癌症

好似乳癌，上面巴打話咁冇食煙都會有肺癌


到底係點黎

簡單嚟講，癌症係細胞唔依規矩不斷增生搶晒其他正常細胞嘅資源最後攬炒。

剔除遺傳嘅話，當DNA受到損害(複製出錯，UV, chemical, radical oxygen etc), 而呢啲損害咁啱喺啲重要嘅基因入面(DNA修復基因BRCA1/2, 免疫基因p53 etc) 嘅話，細胞就會異常複製。當啲異變細胞儲齊一set卡(迴避有程序嘅自我死亡 apoptosis, 迴避免疫系統，重新啟動telomere去將自己immortal化等等) 嘅話，佢就會變做cancer.

咁有咩具體既方法可以預防？

冇
完全唔俾基因變異的話物種唔會演化
理論上可以減低但冇得預防
同埋人體都有好多check point/ repair mechanisms去修復/殺死變異咗嘅基因/細胞

樓主, 大家同病相連, 我阿媽都係癌症末期
昨天醫生已經講左得返幾日就走

襯你媽媽仲清醒, 睇下佢有無咩想做

樓主加油

加油

老老實實
樓主，唔係我黑心，得罪講句
你要同你阿媽傾下佢有咩想留低畀你同細佬
趁佢仲清醒嘅時候立份遺囑
唔係叫你謀佢身家
而係交待清楚邊啲係留低畀邊個
第時唔好有拗撬

同埋你要開始習慣冇咗阿媽嘅生活
衰啲講句，佢邊日死咗就係死咗
你同你細佬都係要過日子
你跟住落嚟就開始要搞清楚屋企嘅開支，點交水電費，點轉名之類之類
屋企層樓落邊個名？供完未之類你都要知
總之就係要保障到生活，唔好伯友一走就群龍無首咁

入到骨髓呢個階段都冇咩可以做
理性黑心嚟講再畀錢去醫都係浪費金錢
佢仲有咩想做嘅就陪佢去做啦
食得就食瞓得就瞓
如果伯友睇得開嘅
可以問定佢葬禮嗰啲想點搞，有冇咩特別細節

有啲野
係要死過屋企人先會明
你遲早都要面對

樓豬加油

除左入骨之外 入侵淋巴到咩程度?

淋巴醫生就話問題唔大 無咩點提

咁其實又未去到最差既情況既,d人成日話末期,其實一有擴散就會當左末期(state4),就算bone metas都要睇下入到咩位
依家做唔到化療都好,最緊要多休息調理好身體,盡快煲返好RBC數上去睇下再做唔做到
中醫既話唔太熟(反而見得多半路走去睇'神醫'既最後都係入hospice),反而飲食方面可以試下所謂既布緯食療(偏方入面算ok),可以叫拖慢下入侵情況

樓主唔係話plt count低所以做唔到chemo咩？
Hb正常但plt count低都係做唔到㗎喎

樓主唔好聽上面班人講咁易放棄

生命得一次 用咩方法都要醫

試下search下外國唔同嘅自然療法吖

反正化療都講到明醫唔到，咪試下聲稱可以根治嘅自然療法囉，好過咩都唔做等死。

唔係話咩都有得醫架
你話唔痛苦嘅都可以試下
千金散盡換嚟周身都痛拖多幾個月最後插滿晒喉咁走
真係不如開開心心有屋企人陪住過埋嗰一個月然後冇乜點痛咁走

樓豬自己生腦癌未期呀開左開post人影都唔見

點撚樣呀你 當睇故追post呀？

陪佢多d

老老實實
樓主，唔係我黑心，得罪講句
你要同你阿媽傾下佢有咩想留低畀你同細佬
趁佢仲清醒嘅時候立份遺囑
唔係叫你謀佢身家
而係交待清楚邊啲係留低畀邊個
第時唔好有拗撬

同埋你要開始習慣冇咗阿媽嘅生活
衰啲講句，佢邊日死咗就係死咗
你同你細佬都係要過日子
你跟住落嚟就開始要搞清楚屋企嘅開支，點交水電費，點轉名之類之類
屋企層樓落邊個名？供完未之類你都要知
總之就係要保障到生活，唔好伯友一走就群龍無首咁

入到骨髓呢個階段都冇咩可以做
理性黑心嚟講再畀錢去醫都係浪費金錢
佢仲有咩想做嘅就陪佢去做啦
食得就食瞓得就瞓
如果伯友睇得開嘅
可以問定佢葬禮嗰啲想點搞，有冇咩特別細節

有啲野
係要死過屋企人先會明
你遲早都要面對

真㗎
如果樓主阿媽真係唔好彩咁過咗身，
之後有好多嘢要搞，銀行啲嘢都有排搞，
佢銀行或者有保險嘅嘢一定要keep住。
我果時 我媽就係因為意識唔清醒，
冇交帶到原來有筆卡數未找。


我媽2015年頭發現有癌症，年中做咗手術
點知一年都唔夠就復發
到2016年尾 啲癌細胞已經擴散到全身
擴散到腦又有，肝都有
如果癌細胞一擴散到肝 就多數88得
因為講嘢開始語無倫次，成身都好痛好痛。。。
2017新年嘅時候 最後都送咗佢入院
之後嘅情況一日差過一日，
入咗昏睡嘅狀態。


我就係佢耳邊講啲令佢放心嘅說話(因為我都知佢撐得唔會好耐)，
買佢鐘意食嘅嘢，
每日放工後都趕去醫院。
如果冇乜嘢想講，因為好多說話一切都係心入面，
只要拖住佢隻手都足夠。
最後係2月中走咗。


樓主加油