3年前的台灣單車環島Grad trip

希望你疫情之後可以順利去到啦！
從遠方支持你

謝謝

四國北面條路 係邊到，
我自己都係跟大路踩，但唔覺咁差

沖繩好踩，但係我比較鍾意四國，因為多D野食
同埋四萬十川好靚，島波海道值得去
不過除左呢兩個地方，四國就少D好正既位

我自己經驗黎講，最鍾意係環富士山踩一圈，又可以去富士山既湖

支持

Day 16 台北：象山 + 101

繼續第二日既毒遊行程
呢一日決定上象山遠望101
出發前先去7-11 食返個早餐


象山位於台北市信義區
所以附近都係豪宅


象山都算一個容易行既山
都算行得幾輕鬆
只係有太多梯級姐



終於見到101啦
天氣十分炎熱
已經行到大汗揼細汁



呢一日雖然係平日
但都有好多人
所以好容易就搵到台妹幫我影相
(隻手曬到唔同色)


之後落咗山就係101附近行下
感覺好似係中環、金鐘行街咁
周圍都係名牌店同大型百貨公司





夜晚就會合SKY哥
食咗碗排骨酥湯麵
真係好正好好食
仲叫碟涼拌青瓜


食完就去咗西門町某大廈既天台
個邊有一個棒球練習場
都幾好玩，雖然好難打得中個球
由於下一層係機舖
所以順便打咗陣機再返Hostel
(係入面冇影相，張圖係上網搵既)


第16日完。

八年前環
得自己一個 無踩蘇花少少後悔
台東好靚 台北落台中最悶

而家諗番真係唔識死
壽峠番去行親大車側邊個被佢扯一扯

個輪好多人踩去歐洲

台北落台中係悶 呢個真
始終都係東岸既風景靚d
壽峠路窄真係要好小心

但歐洲就唔敢啦我

又唔好咁講，其實都係有無錢既姐

以前有個瑞士人叫我一定要去阿爾卑斯山踩，真係太靚..

覺得歐洲會好易蕩失路
btw 阿爾卑斯山好靚，但踩上會唔會好難？

師兄 帶左咩去環島 有冇帶單車鎖?

推

留名先

單車舖老闆有提供埋單車鎖
但去之前有特登買手機架扣係架單車上面
方便用手機導航

Day 17 台北 -> 香港 (Last day)

終於正式到咗旅程既最後一日
係呢一刻真係好唔捨得台灣
因為返到香港就要開始搵工
開始永無止境忙碌既生活…

朝早10點幾先起身
之後就同SKY哥去咗永和豆漿食早餐
(唔知點解台北有咁多間叫永和豆漿既食舖)
雖然已經過咗10點鐘
但都仲有好多人排隊叫餐

於是，我叫咗蘿蔔榚同豆漿
佢地既蘿蔔榚係連蛋煎既
真係好好食
之後每次過年食蘿蔔榚
我都會連蛋煎黎食


於是食完早餐之後
就要開始係西門町附近買手信任務
包括咗老母order既洪瑞珍三文治
傳統既鳳梨酥等等呢類老土手信
另外，仲即時去7-11曬咗POST card寄返香港


午餐就去咗呢間頂呱呱
佢係台灣好似係好出名既快餐店
叫咗炸雞、炸饅頭同蕃薯條
但個人就唔太鍾意食
炸饅頭好油、炸雞好乾、蕃薯條太甜


於是食完野休息咗陣
就去咗光南大批發連鎖店掃平野
再係附近行下
係傍晚6點前我地就到咗機場



8點鐘上機
食咗個頹飛機餐


10點鐘落機，之後12點鐘先返到屋企
返到屋企，老母冇見我成半個月
就俾我呢個黑人嚇醒曬
之後好肚餓…
忍唔住食咗個滿漢大餐先去訓教


熱血自由、又輕鬆既17日正式結束了。

感謝各位留名既巴絲打支持
聽日再講多少少旅程既感悟

可以寄去台北邊到
如果諗住拎埋gip最後幾日台北買野咁
可以存放GIP o係邊

寄返去單車鋪
同老闆講聲就ok
至於gip單車鋪會幫你keep

四國+島波海道同首爾＞釜山分別用多幾多日到
算係HEA踩定點
好少見網上有人講呢2條路線

今次係樓豬我第一次寫遊記
而呢次旅程可以話係畢生難忘
其實中學個陣係一個唔鍾意運動
係一個無自信又怕事既肥毒
相信中學認識我既人
知道我會去台灣單車環島可能都會好驚訝

但隨著年紀不斷大既時候
好希望可以改變一下
唔想自己繼續毒、繼續自卑
所以之後先不斷試唔同既挑戰
好希望突破一下自己
最後係隊友既建議下
就去咗台灣單車環島遊
以前踩單車最怕就係爆軚同甩鏈
但過程中都可以自己同隊友一齊處理好
另外，亦感受到台灣既風土人情
旅程亦令到之後都變得大膽咗自信咗…
宜家次次睇返D相都會諗起呢首歌
https://www.youtube.com/watch?v=f6qn6C_sU-4

宜家既武漢肺炎令到大家去唔到旅行
甚至係停學、失業
但相信疫情一定會有好既一日
係嗰個時候，希望大家都可以把握時間
做自己想做既事
去自己想去既地方

另外
多謝呢到巴絲打留名支持
呢到有好多好有單車環島經驗既巴絲打
希望可以係呢到繼續交流心得

最後
光復香港，時代革命！
五大訴求，缺一不可！
記得登記做選民，5月2日截止！

首爾>釜山 踩咗7日，毎日大約90km
有得買本pass，去到每個地方吸印仔，踩完有證書獎牌
唔知HEA踩既定義係點，不過同行有個女仔，無踩開車都覺得唔辛苦
成段路都有好多指示，唔怕迷路，最麻煩係住同食

黎緊都想試下台灣單車環島
平時好小踩 想問下樓主踩邊條線同埋多唔多要上斜
爬山真係大死穴黎

自己都係跟住環島1號線黎踩
其實條路都會有指示，所以跟住踩好安全唔會迷路


上網搵到懶人包
https://www.taiwan.net.tw/att/files/%E8%87%AA%E8%A1%8C%E8%BB%8A%E7%92%B0%E5%B3%B6%E6%8C%87%E5%8D%97.pdf

上斜真係幾辛苦下
台北至新竹、上嶹卡同台東既路段都比較多上斜
好多時攰起上來就會推架單車上山
我諗唔好拎太多隨身行李應該會好少少 、無咁吃力

有證書獎牌
都幾正喎

稍為search 左小小資料
我初步都係打算踩環島1號線
plan 用12 - 14日踩 新手上路希望唔會太chur

如果治路上有旅館等的補給 應該可以掛

疫情過後努操車

雖然要比錢買，不過有啲嘢記念下都好