3年前的台灣單車環島Grad trip

Day 10 台東 -> 瑞穗

呢一兩日絕對係旅程最炎熱既日子
天上面無咩雲又無咩風，其實仲辛苦過落雨踩單車
皮膚幾乎都要曬傷，所以一定要搽防曬
呢種天氣好容易會中暑
所以呢一日我都不停地飲水


踩咗兩三粒鐘都仲係上緊斜，真係幾辛苦



之後就踩到一個景點
<悟饕池上飯包文化故事館>
係一個介紹池上鄉生產米飯既歷史既博物館
於是我地都入咗去入面參觀
順便涼下冷氣
當日真係有好多遊客




出面有一卡台鐵車廂
食客可以坐係入面食火車便當




我地都係呢到叫咗個豬排飯便當
台幣95蚊，味道唔錯
但唔太鍾意食底下既酸菜


食完午餐就要起行，太陽比起朝早更加猛烈


但相信自己、唔怕！
繼續同陽光玩遊戲
但真係熱到PK






成日大概踩咗100公里
係太陽落山前到咗瑞穗的民宿
民宿有3層樓高




晚餐就食咗個鐵板麵
真係好正


第10日完。

7,8年前去過
想再去

我就全程都冇試過爆軚
但黑仔只係踩咗半個島，已經爆咗兩次軚

我就係果1%

落機買左幾支CO2 結果踩曬一次都冇爆過
走果陣送曬比果個單車鋪老板

G持
我第一個LM

好可惜 咩都食唔到

唔知關唔關胎壓事 冇去研究過

每次出車都打夠個胎壓

我之前踩過幾年單車 一次都未試過爆胎

Day 11 瑞穗 ->花蓮

大約早上7點就起行去花蓮
呢一日同前一日一樣，都係非常炎熱
所以KEEP住都要搽防曬同飲多D水
食埋個三文治就出發



風景亦都同前一日差唔多
主要都係山景同草原為主
而且車都比較疏落




踩到中午，我地就係Family Mart 休息
因為出面真係太熱，所以我地至少逗留咗兩個鐘
自己都忍唔住，都係要食碗冷麵消下暑



直到大概2點後，我地先繼續起程
下午既雲多返少少，所以冇咁曬






全日踩咗70多公里，終於到咗花蓮
呢個時候，太陽都開始落山啦






之後去咗東大門夜市
東大門夜市於2015年7月開幕，距離開業不足兩年
所以感覺新同較商業化
夜市入面都幾大，占地約9公頃
間隔好整齊，設施齊全
仲放咗唔少擺設
但當日人流好疏，同平時一般既台灣夜市相比絕對係另一種感覺
就好似將香港市政大廈既街市同領展街市相比既感覺一樣
好似行緊一個比較整潔既市集







之後就去咗食炸雞軟骨
印象中仲食埋炒麵，不過就冇影到相
食完就返咗酒店休息



然後宜家睇返呢張相
發現當時真係曬到好鬼黑
仲黑過呀嬌


第11日完。

咁咪走馬看花，我見台灣人自己係揸電單車環台，感覺正好多又快

平時踩單車一陣，個屎忽痛足幾日
你地仲環島遊，好犀利

揸電單車真係快好多 仲舒服好多
但單車環島都算係體能既鍛練，係兩種唔同既感覺
如果踩單車唔想走馬看花，咁應該要用30日環島先做到

都係呀
但去之前買咗個單車厚墊墊住
我諗應該都叫好少少

如果中途想去廁所點搵
請問用咩影相？

Pre-day 12 花蓮

零晨4點幾左右
係我訓到成隻豬既時候
SKY哥就自己一個人出咗海邊睇日出
享受一個人的浪漫



寂靜的單車徑


寧靜的海邊




同樣等緊日出既叔叔


太陽出來了




第12日準備開始。

好彩當時冇咩水土不服既情況
同埋可能係出得汗多既關係
所以都未試過有急屎急尿搵唔到廁所既問題
我地多數經過便利店或者其他補給站時，都會去定廁所

其實好多相都只係用手機影
隊友們用iPhone 6 & 5
前期黑仔都有用下Canon 既單反相機，唔記得咗型號
但我個陣仲用緊老爺手機 Samsung S4

相好靚
好羨慕有人同你環島
自己一個唔敢，又驚迷路，又驚爆胎

都係呀！要搵同伴願意一齊出去環島冒險真係唔容易既事
都好慶幸當時做咗呢個決定
如果係得自己一個，我可能都未必會去
希望巴打遲d可以搵到志同道合既人一齊試一次

我以前去台灣踩，但係一個人去, 同埋踩左上武嶺

有無諗會踩其他地方(不過依家邊到都唔洗去)
利申: 踩過兩次環島，日本(東京->京都，四國，沖繩)

踩開，裝備，耐力，姿勢，重量
都會有影響，如果有心踩長途，點都要訓練下先

屎忽痛代表你踩得唔夠落力
因為個人既重量大部份時間都係個屎忽度

Day 12 花蓮 -> 宜蘭

第12日正式開始
呢一日要去既目的地係宜蘭
但由於去宜蘭必須要經過蘇花公路
而蘇花公路存在定既危險性
所以仲係單車初手既我地決定放棄呢一段路
改搭台鐵前往宜蘭

上網同呢到有經驗既巴打都講過
蘇花公路真係好靚
所以冇去到都覺得有少少可惜
(網上圖片)


但搭台鐵之前
我地就去咗花蓮文化創意產業園區鳩HEA下
做下文青






之後食完午餐
我地就去咗花蓮車站 Stand by





上車





大既坐咗一個半鐘就到咗宜蘭
沿途風景都幾靚，但可惜影得唔清



之後就去咗一間叫做一品香牛肉麵既餐廳食晚餐
好似係宜蘭一間幾出名既牛肉麵店




叫咗牛肉拌麵，大約120台幣
牛腩又夠JUICY而且咬得開，個汁幾香又有少少辣
雖然台灣食物黎講係貴咗少少，但整體黎講都幾好食


第12日完。

有諗過呀！
希望疫情之後可以試下沖繩、濟洲島單車環島

原來係咁！學到野啦
初初仲以為張櫈太硬
有機會再研究下

岩岩1月去完，已經好懷念了