（分享）24歲淋巴癌患者 完成8次化療+18次電療

我反而係who fucking care
日日問自己開唔開心

我下巴都生咗兩粒野
醫院幫我抽組織，但又話抽得太少check唔到
本身濕疹撚，但我本身隔甩底，鼠蹊
淋巴都成日腫

祝你身體健康

試下去私家check
驗左血未？

我分享少少比大家，好多人覺得我痴線

基因病->換骨髓->急性白血病->換骨髓->淋巴can->打標把->打免疫

當醫生同我講時，心諗我咁後生都中，今次仆街喇，但我知我要冷靜面對，醫生講乜就做乜，唔多問，我知千祈唔可以上網揾有關資料，睇得多只會自己嚇自己，入院前，同好朋友食飯道別，我唔知可以講d咩，因為佢地仲擔心過我，我會食晒我鐘意食同想食嘅野，因為就算出返嚟都有排先有好野食，我係醫院會諗下如果出得返去會買一件平時我唔捨得買嘅野，當自己入去渡假，所有治療嘅辛苦同痛我會忍，家人每次問我痛唔痛等等，我唔可以話痛同頂唔住，因為我知道佢地比我痛更多倍

驗血check到？？？
可以唔使割出黎驗？？

血都驗到好多野既
問下醫生喇

剩左3盒速癒素橙味 免費送贈
21年1月到期
有需要可以pm或留tg 唔想晒左

等我問吓 先thx

你個經歷都好犀利
配服你呀

LM

我睇開個中醫都話糖分係真係一個誘發癌細胞嘅主因之一，除咗天然食品（e.g.生果）本身就含有糖分嘅可以食之外，其他都盡量戒咗佢，連白飯都盡量唔好多食；
如果屋企人得閒煲就隊多啲湯水，紅菜頭啊赤小豆杞子紅棗凡係紅色食材好似都係補紅血球；
魚啊（唔記得鹹定淡）、肉啊（食得到肉就盡量食）、蟲草海參就補白血球；
可以唔倚靠癌奶嘅就盡量唔好飲，食到正常嘢個人都開心好多，食唔落嘢就飲下湯水濕下口都好。
加油啊，多啲陪佢支持下佢就已經係最好，你哋太過緊張佢本人可能會更大壓力，保持正面唔好一齊灰，祝你爸爸早日康復！

我可以你都可以，大家都可以

我覺得有樣嘢好緊要，保持自己嘅心情，心情同病情絕對係有關係，唔好亂諗嘢，要諗，就諗下自己，自己雖然唔好彩，但比自己唔好彩嘅人大有人在，例如行行下街比車撞，冇啦啦有意外離開嘅人，對比果d人，其實自己1d都唔慘，最起碼，真係唔好彩時日無多，自己都知有個限期，可以做埋想做嘅事，見想見嘅人

仲有，人越知得多其實有時未必係好事，就好似小朋友咁，唔知咁多大人嘅野，唔駛諗唔駛煩，唔好太刻意上網揾病情資料睇，睇得太多只會令你思緒混亂，令自己代入唔同情況之中，病情一偏離你預期就會容易影響你自己同身邊嘅人嘅情緒，由你入院一刻條命已經交付左比醫生，你要做嘅係相信醫生

其實醫生有佢嘅專業，作為病人同家屬，如果唔信主診，一係轉醫生，唔轉就要信，唔好質疑同”比意見”，我唔相信一般人上網睇到嘅野醫生會唔知，病情每一個唔同，醫生都係人，如果每次都問”可唔可以咁...”、”點解唔用乜....”、”網上話乜乜乜...”，其實會增加醫生嘅壓力

家屬要做係照顧好病人，增強病人嘅信心，要控制自己情緒，因為自己情緒都會影響到病人情緒，而病人情緒係絕對會影響病情

香港公私醫院醫生已經係好top, 慶幸自己喺香港

過兩日見醫生聽報告
想了解下有冇咩問題可以問醫生

見你問SUV值, 係咪照左PET/CT 正電子掃瞄?
如果有事醫生正常會有治療方案
大路可能係抽針驗組織
等病理報告
如果係惡性就決定點治療
手術/化療/放療 都係呢3樣配搭

手術就問清楚程序, 切唔切得清哂, 會唔會切到內臟呀咁
仲有手術風險, 併發症果d
做完手術要留院幾耐, 傷口/或者骨呀要等佢生返埋果d休息幾耐

化療就問個schedule, 使唔使住院 例如有d 每個禮拜3日兩夜咁
做幾多個cycle(佢地會叫打幾多針, 1個cycle姐係1針)
用既藥係咩, 問下副作用, 不過通常醫生都係會答d好行既野
都可以自己google下
因為副作用太多, 隻隻藥又唔同, 個個人都唔同, 都係做個心理準備

放療都係同化療差唔多
有個schedule, 每日去照一照咁, 通常唔使住院, 除非同化療一齊做
不過留意返化療係全身性, 放療就淨係照你有需要既位
但係都唔好以為放療好輕鬆, 如果照胃/喉嚨/口鼻呢d會好影響食慾味覺
同埋唔同癌對化放療有唔同反應, 所以都係要睇醫生建議

當然如果良性/無事最好, 咁就定期check住就得

仲有免疫治療 標杷藥我就不太熟, 因為無接觸過

今日電第10次 味覺開始好淡

食唔落野就飲下奶
我都會無曬味覺

加油 撐住

巴打 祝你早日康復
加油

咁多人淋巴
我自己腸肝轉移 腸就手術切左 做緊第二線化療
打完第一針入3次廠 全身痛到仆街 又肚屙左2個禮拜 而家呢半年仲keep住貧血+發燒 醫生又check唔到咩事 好辛苦 體重4x跌到3x 出入都輪椅

絲打覆診成點?