（分享）24歲淋巴癌患者 完成8次化療+18次電療

Take care 呀巴打！

可以留TG
我可以分享下經驗俾你

絲打加油好多人支持你㗎

我想問下SUV值20.1係咪代表好惡性
我好驚我媽咪。。。

詳細等小草絲分享多D啦，我講少少

化療反應個個都唔同 好彩的話胃口會好左 唔好彩的話味覺會變，或者無胃口食野

最緊要係，化療其實係將你好痛壞既細胞都殺清光，所以免疫系統會受影響，所有未煮熟/醃製/高風險食品就記住唔好食啦，避免有任何感染，另，聽講過化療期間唔好食柚類食物，聞說會減低化療功效⋯ 我自己就真係完全無食的

其次，因為身體會受化療影響好大，記住要補充足夠營養，尤其蛋白質：買下/煮下佢鍾意食既野，如果無胃口，試下飲癌奶（例：速X素）/肉汁/湯水補充主要營養，多食少餐，想食就食，有力先可以打到仗架

最後，屋企人既支持真係好重要，多D抽時間陪佢，鼓勵下佢，就已經好有用

加油呀

SUV值主要係反映Activity，當然越高惡性可以越大，但唔係絕對

以我印象20.1好似唔算超高，但都偏高，希望伯母無事

我都係，而家先發覺有個好老細係幾咁重要

我呢一年，返工係用緊以前50%力，但佢無減我人工反而出多左 同事間都好有愛 我好感恩

太大壓力係淋巴出事主因

我就無遺傳因素，但本身個人Chur，搞到返工太大壓力出事

真係要學識放鬆

我都係，反而我喊都都喊過，當晚仲要安慰翻屋企人女朋友

好彩佢地一直好支持我，希望繼續好落去！

直到而家 我都仲係返緊工
不過經歷左呢個病 真係有好多野都睇化左 無以前咁上身/執著 所以就算而家返工壓力都無咩Lu

我都希望我媽咪可以冇事
下個禮拜去醫院聽醫生講惡化到第幾期但我想問下有冇得唔俾我媽咪聽架？因為佢份人好悲觀主義者 我驚佢會受唔住個打擊

我本身都係做嘢好快手，但而家真係谷唔起

食譜我就無特別跟 因爲我胃口不跌反升 所以主要係屋企人有留意D湯水

屋企人就有特別煲紅菜頭湯 （Either 肉，花生，無花果，蘑菇 or 粟米，紅蘿蔔 and etc.），都係聽網上D人講補血補白血球

另外我都有食海參，蛋白質多，同埋都係D人講幫助修復細胞

但真係唔洗特別戒口 反而趁未做療程前胃口未變應該食定多D野做儲備 咁樣先有力打仗

倍力康果D 就唔洗跟足佢個食法 始終果D野都好多糖（同埋其實極甜，如果你信糖份會激發癌細胞，就真係要留意）
亦都唔洗未開始就食，真正做療程果時先啦
我當時係一日一包做早餐就算 補充下D修復細胞所需營養
除非胃口好差 如果唔係唔洗跟到足，份量減半都可以

純分享，希望幫到你

而家我Efficiency 都仲有，不過個心態唔同左
以前好比工作表現牽動自己太多個人情緒，而家學識左 What happens at work stays at work

Take care

營養師話食多d 抗氧化既菜，可以幫助修復正常細胞，
水果就食多d 有維他命c既水果，維他命c都可以幫助提高抵抗力同修補健康細胞，
肉就唔好戒口，一定要食肉，牛肉，雞肉，豬肉，魚肉，都食得 如果驚既話就買d 無激素既肉，
所有加工食物同 醃製野都要戒
營養奶就唔好一次過買咁多住，因為味覺會變，可能下次就覺得呢隻味既奶好難飲

你已經講曬大概既野
最好乜柒都食
爭取到最好既營養
其實無野毒得過化療藥
最毒既都入曬血
我朋友係去到叫外賣食
睇住自己個指數
咩都食
唔食邊有營養打針嫁！

最重要最重要係心態
一定要保持良好心態
最好當咩事都無
開心！

風雨過後
總會幸福

係！！！！！！！
我都係太大壓力 差啲逼死自己

Same
但我選擇連工都唔番😎😎😎
唔再執著

某程度上你暪住佢都唔係好事
佢要問 佢問一問都會知道
好過佢係你唔知既情況下知左

最後陪住佢 解釋俾佢知發生咩事
人老左點都會有啲病痛既
反而佢知左慢慢接受會好啲

癌奶係真係好瘦先食嫁
到今日一啖都無飲過

唔好戒口
連我中醫都叫我咩都食
食啲天然野就最好