我係一個喺4chan浪費咗12年光陰嘅廢青，對於「香港人文宣唔識玩meme」我有嘢想講。

我會用一個紙盒去形容一幅meme嘅原圖，大家可以放啲嘢入個盒度去傳遞信息出去俾人。但好多人犯嘅錯誤係將一啲唔啱形狀嘅東西塞入個盒度，結果搞到個紙盒變晒形，令到受眾失去共鳴，人地睇到都唔知你exactly想透過幅meme表達啲咩。有樣嘢伍公子幾個月前已經有講，就係整Meme其實類似句式仿作，大家知個句式結構係點就塞返合適嘅內容落去僭建自己意思去令人一睇就明。