有無人長期失眠......應該搵邊個好

身體差左好多
早一輪不斷頭痛頭暈心悸，
依家仲要晚晚又訓唔到，晚晚都係咁
好難入睡，就算訓左又好易醒，訓得好短
再訓都成日會係半夢半醒既狀態......
食左melatonin 5mg都係無用...
我女朋友擔心所有野都係過度焦慮引致
如果我咁既情況係應該睇精神科醫生
定係睇臨床心理學家(CP)好

發洩下
廿幾歲仔，明明平時無病無痛
做開運動，又有自己想做既野
點知幾個月身體極速差左好多
真係好撚好撚辛苦
明明呢段時間應該好好利用增值自己
結果乜撚都做唔到又搵唔到自己咩病
屌那星

同你一樣 少少聲都會即刻起身

可以打去所熟地區嘅精神健康綜合社區中心同社工傾下先。佢地可以同時幫你係輔導方面傾下，如有需要會幫你聯絡埋相熟醫生。

加油巴打，呢段時間大家都唔容易。

search ICCMW + 自己地區名

我都係難入睡果啲 明明睇電話好眼訓 一放低諗住訓又訓唔到

我唔想留public record 想睇private

我上星期都係咁，訓得唔太好，訓醒條頸好酸軟咁。睇中醫話係濕氣重，呢排日日飲啲去濕茶，個人真係舒服咗好多。

我大學開始就失眠 唔食藥根本就訓唔到
試過一個禮拜加埋訓唔夠五個鐘
個人混混沌沌 真係覺得自己好似死左咁
所以我明訓唔到係咩感受
我認為最快解決你問題嘅一定係去睇醫生等佢開藥比你食 我就係睇psychiatrist 嘅 最緊要係搵個可以開藥嘅心理醫生 其餘嘅就乜都假
之後啲安眠藥食得愈多就愈無效 咁個醫生就發現其實我訓唔到好大原因係因為焦慮 所以就開始比我食抗焦慮藥
但其實藥愈食愈多我自己覺得唔好 所以慢慢開始試下weekend嘅時候唔食藥 夜晚訓係張床到放鬆下自己 唔好咁早訓 唔好驚訓唔到會點或者同自己急
要記住 今晚訓唔到唔緊要 聽晚都訓唔到 後晚一定訓到啦掛
同埋平時唔好成日係張床到 令到你下意識張床淨係攞黎訓
加油！記住情況一定會好轉架！

巴打（定絲打）你最尾解唔解決到
你失眠個陣你係自己都感覺自己焦慮定係感覺無乜野都失眠？
因為我覺得我自己個人好似就算好放鬆咁都係失眠
好辛苦真係好辛苦

最明顯就係每晚訓之前幾個鐘就不斷諗今晚訓唔訓到 諗得愈多就愈驚跟住就好難訓著
更多嘅時候係就算覺得無咩壓力好放鬆 個腦都好似控制唔到停唔到落黎 咁我就會碌起身出廳坐下
有時攤係張床到幾個鐘都訓唔著就唔好係咁迫自己
試下轉個場坐低深呼吸玩下電話 先再番去訓
我明訓唔到係真係好辛苦淨係睇你講都feel到個種無力感
我最嚴重嘅時候晚晚坐係張床到喊 因為真係唔明點解我想訓個覺姐都搞到咁陰功

到依家個問題都差唔多三年 斷斷續續都有食藥
早排又食足兩個月安眠藥 呢兩個禮拜先慢慢自己戒番 所以答唔到你斷唔斷到尾
但慢慢會搵番訓著嘅感覺架 呢啲真係急唔黎
可以上網睇下點樣深呼吸幫助入睡 我自己覺得有幫助

仲有就係melatonin真係完全唔work
唔好浪費無謂錢啦

巴打係食邊隻安眠藥？怕唔怕有上癮/副作用

試過五六種唔同嘅藥 ambien就最有效
但一開始食又暈又嘔仲開始夢遊
同埋情緒會有影響
依家就食番弱少少counter有賣嘅doxylamine succinate 不過我係外國所以我諗你都係要醫生開

I know that feel bro
依家瞓唔到回你

我之前都失眠左一斷時間
試過好多方法都無用
最後睇中醫針灸+飲藥好返

戒J Telegram群
https://t.me/joinchat/EMOE2Ulb4sxDctTi6g3A-A

中醫：腎虛百病叢生
精既作用係用黎滋潤五臟六腑，所以丁得多會導致整個五臟六腑變差，就會出現好多症狀。
每射一次就傷身一次，包括做愛，夢遺（含精量唔多），而節制打Ｊ只不過係延遲你出症狀既時間／嚴重程度。

每人體質唔同，症狀都唔同，以下為最常見：
早洩，變樣哀，猥瑣，臉色灰暗，自卑冇自信、腰痛
腦力下降，暗瘡，有口氣，脫髮、耳嗚、任何神經症
體臭，易怒，夜尿，表達能力差，社交恐懼症，雙眼無神，前列線炎

戒丁必睇資料：

戒為良藥
https://www.qiusuoo.com/2

我呢排都失眠好嚴重，天光先瞓到

之前醫生開過藥，食完係好少少，但都要碌3個鐘左右，同埋一無食就完全瞓唔到，覺得效用唔大但會依賴，所以都停咗

我都想知有咩方法入睡

希望大家快啲有覺好瞓

各位巴打絲打你地失眠一排之後有無頭暈頭痛心悸既情況

唔夠訓實會頭暈頭痛, 要揾出你失眠的原因先得

臨訓前試下拉筋
至少十五至三十分鐘, 係勁拉個種
前排勤力咁做, 真係一直訓到朝早

利申: 平時一晚醒幾次, 屋企人太嘈, 隔離屋又晚晩凌晨鬧交

我有呀 已經幾年 有食Zopiclone
已經接受左現實 其實都無得解決
只能夠盡量改變生活習慣提高睡眠質素
平時好早上床 11點左右
訓唔著就會起身做下野再訓
到2,3點都訓唔著就會食藥
同跟返醫生指示減藥 呢家食4分1粒已經ok