如果你小學加中學練咗12年英文,都仲係覺得英文唔好,咁不如還原基本步,用返外國人自然嗰套:
先練聽同講,自製語境。
(0. 揀定係英式定美式。)
1. 搵個你自己有興趣嘅topic,搵下有冇youtuber用英文講,搵個岩feel嘅先好留低聽,聽晒之後,再播,呢個時候佢一開口你就開口,catch up講英文嘅節奏。
2. 聽英文歌,搵啲慢嘅情歌,佢唱一句你唱一句。
3. 跟返樓上咁多位巴打關於聽同講嘅建議,佢地已經推介得好好,但睇唔睇AV就自行決定
個人感覺:聽得明鬼佬講乜,同埋流利表達自己,繼續學習個動力係高過你睇得明一篇文。同埋流利唔係指你每次都搵到個準確嘅辭彙句子去表達,就算你native中文,我賭你都會攝啲廢字落去拖,等你個腦組織到自己想講乜,而英文都大把字係用嚟拖時間,睇youtube時可以順手學埋。