算啦呢啲排名無意思,特別係藝術呢家嘢真係好主觀,呢啲咁嘅排名又係鬥fans多,晒氣
要講畫功又有富有當代美感嘅,三甲我會揀
井上雄彥、
村田雄介同
小畑健。除咗基本嘅技術之外,構圖、分鏡都係屈機。
村田個感覺好識利運用美漫嘅元素(例如人物動感同大黑),每頁都好似一張插畫咁,求其一張都做到WallPaper。另外上面有師兄提過……佢啲畫一定有用電腦做後期(例如早期少少嘅一拳,好多動態模糊、光暗陰影位等等),最有印像之一係打隕石果段,啲建築物真到好似景相咁,但又不失作為漫畫嘅元素,配合度100%;
小畑健果種寫實細膩畫風都唔使多講(個人認為最高峰係《爆漫》果期,代入感真係好強),未計佢啲彩頁,真係跟住畫都做唔到。最記得特登係日本買嘅佢Live畫畫嘅DVD,痴線啲上色諗都唔使諗就落落去,但又配得啱啱好,不論光暗同漸變等等;
井上老師就更加變態,可能係真係隨手畫都做到,所以由浪客行開始,直頭超脫咗商業漫畫(所以咁慢
?),每個畫面都帶有詩意,個感覺就好似由marvel電影進化到王家衛咁,大家可以參考吓浪客行嘅《Water》同《墨》畫集。
而最可惜嘅應該係
冨樫義博條L樣,明明好有才華,畫功同漫畫故事結構都好好,少數畫打鬥畫得唔悶嘅人,又加埋食腦元素……唉唔講喇
ps. 9up多咗,小弟畫畫都係因為呢幾位神人而開始,感慨嘅係…有能力同無能力嘅分別,有啲嘢點努力但車尾燈見唔到