【本土書店聯合書卷】集思廣益，罷買三中商，拒絕紅色書卷

除左整合香港本土書店名單，我們有冇可能行多步，設立本土書店聯合書卷

作為一個毒書撚，久唔久唔會收到親朋戚友轉贈三中商既書卷比我，所以有時都會無奈地入對家鋪買書。

但咁並唔代表我免費買書，因為賺左既喺三中商。書卷點來？大部份都喺向三中商比錢買！

你可能覺得好少姐，幾張書卷豪比佢。其實賣書卷賺既錢你想像中多。

- 大大小小學界比賽獎品（最大sector應該喺呢到）
- 中小學獎學金（前派先用＄300換左表妹既進步獎書卷）
- 私人贈禮、抽獎

求其搵個例子計下數 Eg.
賽馬會「喜伴同行樂容融」繪畫比賽
冠軍――獎座乙個及書劵港幣1,000元
亞軍――獎座乙個及書劵港幣750元
季軍――獎座乙個及書劵港幣500元

加埋輕鬆超過＄2000（之前見到序言做義賣捐612基金，營業額都係＄8000+）
香港中小學啲立立雜雜既比賽多到你唔信。數學比賽 辯論比賽 音樂比賽 徵文 常識問答 標語填色...



睇下呢個密密麻麻既中小學比賽日程表，估下三中商暗盤賺左幾多
假如有左本土書卷，至少大家可以多個選擇，可以搶番個餅來做
而且家長如果收到呢d卷，以後識得上本土書店買書比小朋友，絕對一種對本土書店既宣傳

要發行本土書卷，至少有以下問題要解決：
加入準則：邊啲書店可以join，個標準喺咩
統一發行／運作模式：將書卷變書店間既次貨幣，解決A書店買卷，但B書店用卷既問題
利益分配問題：A書店收好多書卷，B書店完全無得益
防盜偽冒
宣傳

作為一個書撚，呢個啲iea其實喺我腦入面一段時間，但呢派見到多左人討論本土書店，就認真諗下究竟可唔可行。暫時只喺諗到咁多，最苦惱個位暫時喺運作模式，想睇下大家點睇

另外分享，有巴打整咗個非三中商教科書店list
https://lihkg.com/thread/1311716/page/1

有冇巴打搞過類似嘅兌換卷

我舉腳支持呀
利申書蟲，一個月買幾本書

推
平時上博客來多

用錯不推文

慣咗唔影響行動post
推多次，覺得巴打有point，我都好想送啲本土書券，有啲人唔鍾意台灣博客來呢啲網買

頂

巴打
我都用開博客來，仲有Book depository，又快又方便
出開街就會去樓上書店買

其實你提出既問題根本唔係問題

1. 應該咩書店都比入 唔好曬鳩氣搞審查 你認為藍/紅既會黎join你？

2. 搵間獨立公司/部分發行 書店收到卷憑卷黎返換錢咪得

3.你有無諗過 你最需要考慮既係

書卷市場最大消費者「學校」會唔會肯用/夠膽用

書券呀書卷

自罰寫100次

就咁諗，好大機會唔肯用。最好嘅情況，都可能喺細比賽細活動，某啲老師揀我地嚟用

你點解會認為有「某d老師」會揀你黎用？
你market好大？ 定你夠平？
如果都唔係 你覺得 老師或者學校會冒險？

好現實既問題

書卷氣

我認為你兩個前設—三中商market大&平，都喺唔成立。

睇睇價錢，本土書店唔代表貴啲，同一本書，本土書店價錢好多時仲平過三中商，我就搵咁搵本熱門書《人類大歷史》比較下

序言書室定價$188，會員170
三中商定價$200

我唔敢話大部份都本土書店平啲，但睇你語氣你覺得本土書店貴啲喺不證自明，但好明顯唔喺。

規模方面，你可以打開本土書店地圖，比較三中商門市地圖，有啲地方例如油尖旺，本土書店喺更加密集，如果學校喺呢啲區，本土書店未嘗唔喺更方便。

有啲地方的確喺比唔上三中商，尤其教科書小朋友書未必咁齊，但我地都可以理直氣壯講有啲書三中商永遠都冇。

當然有啲學校特別紅底，老師想轉一定好大壓力。但我相信有啲相對自由嘅學校，老師搞活動喺會考慮轉用本土書店書劵。今時今日喺可行嘅情況下，大把人會考慮本土利益，我相信多個選擇，絕對有老師有興趣。

我唔係話人地大同平
我從無了解過

你要做變革
你就一定要 大同平過人地

而且 站在學校角度 書店d書平唔平
唔係佢地考慮範圍

係你張書券要平啊

如果能夠統整到大部分本土書店 做大個market
再比到大過三中商既折扣 比學校
學校先有「正當理由」轉用你啦？

轉用本土書券
唔可能係老師個人決定黎
就算學校唔係紅底
校長或者校董會都會怕比人投訴 或者教統局有麻煩
大把人會考慮本土利益 你要諗下個大把人
包唔包學校高層

民國香港連綫同自稱民國派請入一入嚟
https://lih.kg/1944726
- 分享自 LIHKG 討論區

順帶一提
學校以外
搞緊d 九唔搭八比賽比中小學生參加個d 例如作文個d
唔少都大陸嘢黎 睇個名就知
「中華乜柒柒會」

sor9，罰抄緊，冇得改番錯別字好痛苦

其實我都明，學校高層對呢啲好敏感，一定好怕食投訴/比人搞大件事。我諗唔到有啲咩簡單方法解決到呢啲，喺唯有做大個市做到大家認受，多謝巴打

方法咪就係 你要比到個「正當理由」人地轉lo
例如大家入標書鬥 你平過人都係其中一個原因

你唔可能話一句「好多人都支持本土架啦依家」、「唔係間間學校都紅底」 ed咁即原因 說服人地用

人地用你 一定唔可以係因為政治層面既考慮，因為100%比人投訴，所以你千祈唔好有ed無謂既幻想

有啲問題上面位巴打都提咗
有諗過類似嘅idea
但係問過下啲老師 因為簽咗約嘅關係 所以學校好多嘢都唔做得/提得
垃圾三聯 所以嗰陣出咗去自己買書
不過印象中每年都有一兩次係獨立書店過嚟學校搞嘅迷你書展 所以都唔係好清楚條界線係點

另外如果係老師私底下送係應該OK掛 但夠唔夠支撐呢個市場係一個問題

同埋三中商係一間間大公司
本土書店係幾十間加埋
如果好似上面講嘅咁開一間公司去處理書券
錢銀上嘅嘢都要好清楚 又要用筆錢
隔離唇茶都有同四十間餐飲推coupon
但呢啲一次性嘅嘢變長期就複雜好多
不過可以參考下 一齊brainstorm下