疫戰都市 - 這個殺手不太濫

納粹集中營

仲係有入冇出嘅隔離營

第八章 - 兩度交手

槍聲過後，前地的人群向四周圍逃奔，此時出入口突然多了很多路障和警察，後方有警察揭開帆布等遮蓋物，露出多架裝甲車。

「大家即刻伏低！邊個四圍走嘅話警察就開槍！」警察向人群廣播。

「飛燕姐，我同平仔擋住警察，你同花拉去救人！ 」李老闆說。

趁前方有途人擋著警察視線，五十嵐飛燕和花拉一同上前檢查二人情況。

「黑柴……」五十嵐不斷叫著黑柴的名字，對方卻毫無反應。

「飛燕姐，鐵仁胸口中槍，要快D送佢去急救，黑柴佢點？」花拉說話的同時，放了一塊透明啫喱狀物件在鐵仁的傷口上，啫喱迅速凝固，將受傷的血管暫時封閉，遏止其傷勢。

「對唔住，黑柴離開咗我哋，妳先扶住鐵仁走，我幫妳開路！」五十嵐說畢，隨即衝往路旁，可惜此時出現在他身旁的人卻是擋路的金不換。

兩人立時施展踢腿和肘撞等近身招式對打了六七回合，互相不分高下。此時金不換邊打邊向五十嵐飛燕輕聲道：「唔好走大路，前面有埋伏，穿過我身後嘅草叢同蘺芭，嚮嗰邊有小徑可沿路離開。」

「點解我要信你？」五十嵐邊說邊向金不換下盤攻去。

「咁妳嘅雷霆開天勢到底係跟邊個學嘅？」話畢，金不換用完全相同的招式擋隔，兩人的打鬥竟然看似一人對著鏡子出招般合拍。

「咁你係……」五十嵐呆了半晌。

再推，等多D人睇

多謝你呀！

希望多Ｄ正皮

「放開佢！」不知何時，狂龍忽然出現，雙手極速攻向金不換。

拍拍兩聲，二人四手互相過了數招。此時金不換身後突然多了一人。

「金不換原來你遇到麻煩？需要我幫手搞掂條女嗎？依D小問題你開句聲我立刻幫你解決。」說話的人是機關幹部一員，人稱鬼影，頭髮有一半染成紅色，左邊耳朵配戴了一隻鑽石耳環。

「我嘅事跟你阿媽有關嗎？」金不換邊打邊回答，雙眼完全沒有望向對方。

「哈哈，有性格！」鬼影突然上前加入跟狂龍對打起來。此時五十嵐飛燕、花拉和負傷的鐵仁已向草叢走去。

「想走？竟然唔跟我打聲招呼？」話畢，鬼影掏出手槍，隨便指向二女其中一人並叫道：「留低個女嘅跟本大爺玩下先。」

鬼影瞄準五十嵐飛燕預備開槍之際，那手槍卻被金不換踢走。趁鬼影和金不換分心留意五十嵐飛燕一眾人等的同時，狂龍亦連忙逃脫。

「前面示威者人數眾多，嚮度開槍唔通你想誤傷途人？」金不換警告鬼影。

「跟你玩下咋，你太緊張啦，輕鬆D，何況佢哋已經有人質喺我手，我唔怕佢哋唔上釣。」鬼影說話時一隻手不斷拍著金不換的肩膀，另一隻手則指著遠處正被警察捉上裝甲車的平仔。

第九章 - 美瑾

「總統閣下，總理陶美瑾求見。」總統秘書在大門通報。

「跟佢講話我今日好忙，冇時間見佢。」畢凡說。

「總統閣下，總理已到，依家喺大門外……」總統秘書說話時面有難色。

「總理今日到底有咩貴幹？」畢凡向著陶美瑾說，面上的表情顯得十分不耐煩。

「總統閣下，到底咩事我國必須頒布緊急法？」美瑾說。

「總統差D被恐怖份子行弒，同黨在逃，依個理由夠唔夠充分？」

「總統閣下，另外我希望你能夠公開明確解釋一下國內醫療物資同糧食嘅價格問題，依方面早於成立聯合政府時已講明係屬於國家內政，係歸入我嘅代表黨處理，你依家重組醫藥及糧食局，又任用一班體制以外嘅人事加入國安局，咁係咪有D......」

「濫權，係咪？」畢凡直接打斷美瑾的說話。

「總統閣下，行使咁樣嘅權力係需要國會三分之二嘅議員同意先可以執行，仲有興建甲城圍牆同埋有關隔離平民嘅法案係唔可能以行政命令通過。」

「講得冇錯，但一旦國家頒布緊急法後，總統就係政府權力機構嘅唯一掌控者，我只須喺臨時指令外加上緊急法依項條款，我係唔會受到權力制約嘅。名義上，我更加係軍方最高指揮者。」畢凡一派囂張地道。

感謝支持！

銀翼幫部份隊員先後逃離國會大樓前地。黑夜中，眾人從地下水道入口來到一個秘密地方，這裡被銀翼幫人稱為大本營的地點，實際上是收藏軍火和武器的倉庫，加上地底能隔絕手機的追蹤，故此一班成員便以這裡作為集合和藏身的位置，如今，五十嵐飛燕和花拉幾經辛苦背著鐵仁走到這裡。

「我哋要去邊？」花拉說。

「跟我嚟。」五十嵐說。

經過一段迂迴的路線，二女合力把鐵仁救往一處地下室，花拉說：「原來地下水道大本營有路通往依度。」

「依家救人要緊，希望妳唔好向其他兄弟提起有關依間密室嘅事。」

「明白。我收到李老闆嘅加密通訊留言，佢話平仔被警察捉走咗。」

「講得冇錯，但一旦國家頒布緊急法後，總統就係政府權力機構嘅唯一掌控者，我只須喺臨時指令外加上緊急法依項條款，我係唔會受到權力制約嘅。名義上，我更加係軍方最高指揮者。」畢凡一派囂張地道。

唔知點解諗起777

黑警暴行

「吓？咁李老闆佢依家點？」

「李老闆話佢成功走甩，但懷疑被人跟蹤，所以暫時唔敢返大本營。」

在地下室內，鐵仁被一位看起來像醫生的人搶救著，經過三小時後，那人放下手上的手術工具，向著五十嵐說：「依位兄弟嘅身體果然夠硬淨，佢總算撐過咗。」

「多謝教授，鐵仁今次能夠執返條命都係全靠你仗義幫忙。」五十嵐道。

「哈哈，原來我司馬亮平時嘅研究仲可以應用嚮救人方面。」教授說。

「花拉，麻煩妳留喺度照顧鐵仁。」五十嵐說，待花拉回應後與司馬亮進入另一房間。

「依家咁嘅情況，我相信我哋要嚮第二度避一陣風頭，往後嘅行動要改變策略。」五十嵐向司馬亮說。

其實777真係俾人唔少創作靈感

「冇問題，咁當然係安全至上，妳都唔好為死去嘅兄弟過於自責。」

「我知道。」說話同時五十嵐垂下頭，然後面露痛苦神情。

「妳又出現副作用。快D吞咗依粒藥丸，佢能夠減輕妳體內增幅器對身體嘅負荷。其實，對妳嚟講報仇真係比健康仲緊要嗎？」

「我需要力量。由於我唔係一個馭者，所以一定要通過改造先可以擁有跟佢哋一樣嘅力量。」

在總理辦公室內，美瑾正與黨友開會，商討如何罷免總統的方法。此時，隸屬智囊之一的文治求見。

「大家散會。」美瑾說，接著與文治單獨會面。

「罷免總統依一著行得通嗎？」文治說。

「好可惜，總統已於三十分鐘前宣佈解散國會。依家只能等待軍方表態，我哋任何罷免舉動都可能成為總統製造剷除異己嘅藉口。講返起嚟，你嘅接頭人有冇最新消息？」美瑾憂心忡忡地說話，面上那倦容仍舊留下昔日美麗動人的神采。

「司馬教授已經跟特別行動隊伍成員聯絡上，經此一役，我哋損失咗一名特攻，另有隊員被捉。」

「想唔到螳螂捕蟬，黃雀在後。除非盡快搵出『機關』嘅犯罪證據，否則軍方可能會宣佈支持畢凡依隻老狐狸。」

第十章 - 十大殺手

機關的本部，一個與太保平日出入的豪華府邸截然不同的地方，附近戒備森嚴，高層出入有大批保安和便衣陪同，加上全天候監控，那裡更藏有各式武器，儼如一個小型軍事要塞。在這天，一個新人正要加入這組織。

「多得大家配合，銀翼幫已經被我哋剪除羽翼，仲差少少就能夠瓦解依個幫會。今日我要為大家介紹一位新人，佢已經通過甄別正式成為我哋一份子，歡迎金不換。」太保一邊說話，一邊吸食雪茄。

金不換獨自站著，他望向其他同僚，本應是出人頭地的他，然而此刻心情卻百感交集。

「依個係機關嘅加入儀式。」太保說道，手中遞給金不換一顆藍色藥丸並補充：「我要求手下絕對效忠。」

金不換接過藥丸，想到自己已無法回頭的時候，徐徐吞下。

「為你介紹兩位同僚，鬼影相信你已經見過，另一位戴帽嘅係獵鷹，你哋三位都屬於十大殺手依個字號。」

配戴闊邊帽加獵人裝束的獵鷹雙眼銳利，像是有看穿人心裡想什麼的能力。

「獵鷹嘅槍法準繩，國會大樓附近嘅狙擊手就係佢。論槍法，金不換今次你真係遇到競爭對手。」太保繼續說下去。

「幸會。」獵鷹說，雙眼一直在金不換身上打量。

「合作愉快。」金不換以眼神回敬對方。

「講開又講，上次捉返嚟嗰條銀翼幫嘍囉，鬼影你會點樣處置佢？」太保改變了話題。

「屬下已經佈置咗一個別出心裁嘅機關，我想今次可以食住花生睇好戲。」說話時，鬼影展現其招牌陰邪笑容。

又幾啱FEEL

「係陷阱嗎？佈置陷阱一向都係鬼影你嘅拿手好戲，就等你好消息。」太保邊說邊吹出煙圈。

在銀翼幫的地下水道大本營內，五十嵐飛燕在床邊扶起鐵仁察看其傷勢，並向他說出這幾天幫會內的變化。

「黑柴，我哋一定會為你報仇。」鐵仁說道，同時以雙手緊壓其傷口。

「飛燕姐，我哋有平仔嘅消息啦，收到其他幫會通知，佢被單獨囚禁喺廢車場，嗰度係機關平時濫用私刑嘅地方。機關仲放風話……」花拉衝進休息室說。