[廣東話]香港人可以係書面語同口語之間自由轉換其實好犀利

其實一直都想知，點解台灣人d台語真係好屎咁，係咪平時通常都唔講
見佢地成日要轉台語都諗好耐，有d詞語甚至係轉唔到，台語對佢地究竟係一個咩存在。

好似話中南部啲人台語會好啲，如果真係翻譯問題，香港人又好似冇呢個問題，就算你比簡體字嘅書面語我睇，我腦海入面都係浮現岀廣東話嘅口語

之前CCTVB套街坊財爺有句對白好乖，但係唔記得咗句對白係點

唔係要佢地譯報紙變返做台語文法，
只係要佢地用台語讀音讀返份報紙，
好似你叫香港人用廣東話讀份書面語報紙，應該大部分人都冇問題
所以問題台語啲字覆蓋率唔夠高，平常對話唔能夠100%用全台語去表達，就算台語達人遇到某啲字都只能用國語去表達

後生一代台灣人母語變左做國語，好少後生可以講到流利台語同客家話，真係多得國民黨呢個外來政權以前推崇拜北方話，打壓本土語言

打飛機嘅部份佔一半啦，後半部份都已經唔係講點香港人廣東話點勁
見過南部講台語非常好嘅老人都會有間中一、兩個詞語唔識用台語表達。只能夠話之前強推國語做法太成功。

套戲都好耐之前

其中一個原因係香港以前一直都係用廣東話教中文（雖然依家可能好多學校轉左普教中）,所以香港人就算睇書面語腦入面都係用粵音去讀出黎，從而令香港人識用粵音讀大部書面語

而台灣人學中文用國語，對佢地黎講國語=中文，佢地係有d難掌握到用非國語去讀書面語

我自己有個台灣人朋友，當佢知道香港人學中文係完全唔需要靠拼音/注音兼且係用廣東話學佢覺得成件事好神奇

台語冇字，唔同香港語

古代文言文，咩口語嘅人睇文章都會自己腦譯，
書面語同胡普口語一樣係清末嘅事

中文唔係音素文字
學中文本來就唔需要靠注音/拼音
用注音教只不過係方便你知個字點讀
反而可能變咗淨係記得注音 而唔記得個字
但廣東話其實都有拼音方案可參考
耶魯式廣東話拼音仲比較易入口添

台語唔係台灣嘅口語，你搞清楚未

用台語個情況同廣東話比其實有類似問題出咗嚟
就係當年台灣受日佔嗰陣佢哋可以講台語 亦都可以講日語
但後來國民政府去到台灣嗰陣就強制要學"國語"
喺學校唔講國語嘅人會比人督灰
要戴個狗牌示眾
社會性去歧視你
長而久之啲長輩唔會再同細路講台語
所以已經出現咗文化斷層
雖然而家已經開始喺教育入手
規定一定要選修一種原住民語言
但其實實際出街都唔會用到
讀完真係無實際作用

想講嘅係 香港情況真係好似
中國一路推普 其實香港一路失去緊廣東話
失去嘅並唔淨係識講嘅人
而係失去咗演化嘅能力
語言係會自己演化 不斷吸收其他文化嘅嘢
就好似6 70年代香港人講嘅廣東話
同而家嘅廣東話差別都好大吓
就係因為有人講 有人用
會不斷造新字 新意思
就好似台語 而家基本上已經無新字出現
要用台語描述新嘅科技基本上係無可能
好多時都係直接用國語去講
例如之前有單新聞係講捷運報站
有個站叫巨蛋 , 但原住民語無呢個概念
只可以直接用國語講，變咗同一個站報站幾次
如果我哋一路漠視呢個問題
有朝一日 廣東話將會變咗少數人講嘅語言
廣東話就會慢慢自己毀滅

好耐之前有份報紙訪問一個在港日本教授
佢都覺得香港人可以極速轉換口語書面語好厲害

語言作為文化嘅載體，如果有一日無咗廣東話嘅話，香港人就真係一齊擁抱大灣區做支那人

台語唔係冇字 而係同書面語既用字都唔同 好難睇住書面語字咁即時譯 就好似睇住中文即時譯做日文咁 係好難

即係你冇諗住類比啦，但用其實香港人切換兩者都係有難度

冇錯，但依家台灣同大陸都係教左小朋友拼音先再教漢字，反而得香港保留到傳統