我有甲狀腺亢進症（大頸泡） 你問我答

我之前試過生過好大粒 但排政府專科之前就已經散咗

心跳快係徵兆黎，我一開頭仲要食控制心跳嘅藥添
btw，我食咗綠色個隻十幾年都未試過皮膚有問題
但佢負作用真係多

甲狀腺素影響 唔關心理事啦

請問係如何服用？
切除甲狀腺後 幾耐飲一次 一次飲幾多？

正常的 我甲亢果陣成個人情緒、習慣全部都出現變化

媽媽以前都有反覆食藥
最後做手術切左

我都有食控制心跳隻藥
有時食到頭暈眼花

綠色隻藥除咗糖衣真係諗唔到有咩好處

希望幫到有呢個病既朋友，呢個病可以話影響左我一世，分享下自己經歷。

中二開始有甲亢，果陣唔知咩叫甲亢，朝早早會會無喇喇暈左（血糖唔夠），之後check到有大頸胞，驗血comfirm有甲亢，之後開始食綠色藥丸，由一日三次，每次2粒，慢慢降到一日一次，每次2粒，食左差唔多10年，期間有試過停藥，再復發，又再食，又停藥，試左4，5次，最後都係覆發，點解咁試？因為可能唔會覆發，咁就慳返唔洗一世食藥（但機率好低）

前到三年前，醫生建議飲碘水，咁飲左一次，未破壞得夠，咁飲第二次，變左甲減（大部份case都會咁），之後每曰飲甲狀腺補充劑，每朝1.5粒，咁樣食左3年，so far so good，初期每4個月抽一次血調藥，之後就每年抽一次檢查，依家指數穩定，Graves' disease都減退曬（眼乾眼突，展望下年半都可以咁控制到喇。

個人比大家既建議：
1）唔好信咩中藥，無乜科學根據，同西藥一齊食混亂左甲狀腺素。剩食中藥，無西醫抽血驗指數更不能控制。反而剩係食綠色藥，由驗血報告決定加藥定減藥，勿自己去亂食中藥。
2）唔好因為要一世食補充劑，而怕飲碘水，benefit ＞ cost，無錯飲完碘水破壞曬甲狀腺要一心50食藥，但食補充劑可以好容易穩定地控甲狀腺素，好過綠色藥丸（有副作用），補充劑好似維他命咁，無乜副作用。

希望大家盡早脫離甲亢

甲亢左大大話話都10年
好絕望

我係唔夠訓會情緒特別唔好
但冇頸腫

好睇個人
有啲人唔會有
有啲人會特別明顯

我做手術切左
但做完手術都有後遺症 好撚煩
個人又係易燥底、記性差、易攰、怕凍、體重上升、水腫（肥腫難分）、便秘、甩頭髮、皮膚差左、眼係縮返但都係突（我本身係Graves Thyroid)....仲有好多

如何服用？
同飲水一樣。

切除甲狀腺後，幾耐飲一次，一次飲幾多？
首先，有甲亢既人，目的係破壞甲狀腺，有兩方法
1）以前係切除，用刀切走甲狀腺
2）依家係用幅射破壞（碘幅射）
所以正常唔會又切除又飲。依家通常係飲碘水，唔係用刀切。

咁幾耐飲一次？
通常飲兩次就會完全破壞，每次隔離一年左右。

一次飲幾多？
碘元素會溝左水，通常溝一啖水，用飲管理
飲，25cc左右。

唔清楚你情況點，但係加油，俾個攬攬你

唔係話有大頸泡要食多啲紫菜同埋魚嘅咩點解你介晒？

感謝解答
食左咁耐白色藥丸
我都諗緊飲唔飲

我老婆都有，係咪壓力太大？
好難斷尾同易復發架屌