我有甲狀腺亢進症（大頸泡） 你問我答

最大轉變係咩？我考慮緊飲碘水

係會甩頭髮
我嚴重果時輕輕梳一下就甩十幾條
本身頭髮超厚甩到淨返一半
腸胃經常性唔舒服，肚屙

真係check 下好啲
有事冇事都要知

因為我本身甲亢都對我生活無咩好大影響
飲完碘水我都覺得無乜影響
只係換左粒糖食咁
但變左甲減我可以食返紫菜 好正

我記得你呀徐晃巴，之前係甲亢post都見過你
本身我唔考慮碘水因為醫生話如果有眼突飲完會仲突，我驚樣衰同肥，但而家覺得好困擾諗住飲喇

真係做晒所有野？呢個病真係要慢慢調養，唔你頭痛食藥止痛咁快咁簡單。

我唔知啲人食補充劑有幾舒服，
但我自己曾經有試過食甲亢藥食到甲低，
非常辛苦，個人會勁水腫，少少鹽都唔食得，肥左10+kg，呼吸困難，無食慾，就算食野消化都唔好，仲會有抑鬱，諗野慢，口齒不清。

我唔知呢啲對你黎講係咪真係比甲亢仲舒服，我返去公立覆診停藥指數正常個醫生都係會叫你食放射碘，仲話我嗰時食藥食到甲低係"低左少少咋嘛"覺得我啲甲低徵狀邊有咁誇張。

自己身體自己感覺最清楚，每個人反應唔同，但係無論咩都好我自己就唔想長期食藥/補充劑...

原來你係朋友妻咪走雞 我都記得你啦
咁醫生有無講有眼突係咪揀做手術比較好呀？

我都覺得真係每個人反應都唔同
我係考慮飲碘水前都上網睇過甲減人士既feedback
好似你咁嚴重既甲減反應我係台灣唔少論壇都見人分享過 但香港就比較少
絲打你如果對甲減反應好敏感或者真係要去搵下中醫or 另外啲控制甲亢既方法
都係因為甲亢控制個啲藥會傷肝 所以醫生先會建議其他方法去治療

我停左藥2年啦，指數好正常，眼突無左，頸都平晒，嗰10幾kg都減埋
啲醫生開頭會好擔心我體重下降以為又返發，但我所有野都正常，肝功能都無事。

我既經歷係初頭係公立驗血，食綠色藥敏感成身爛哂再轉左私家轉食白色藥
最初頭食左藥兩個星期就肥左廿磅同成個人腫到面目全非。so far而家食左兩年幾，指數一直都好反覆，基本上呢個病竹會有既野都中哂

醫生都有提議過做手術同飲碘水，只係佢提醒過我覺得指數未穩定之下做呢兩樣野會有機會眼仲突，未必縮得返入去，所以就繼續食藥。同埋醫生話私家飲碘水會計過個份量，公立就定左劑量冇得揀，所以好多人係公立一食就甲低。但私家就6000幾蚊食一次

本身二月覆診既，因為疫情我決定唔覆診住，依時每日食三粒白色藥，但而家好似緊張返啲情緒又黎返又熱返，真係有少少崩潰

你好犀利呀keep 住
可以乜藥都唔食就最好啦
我未試過停藥咁耐都無事 有得揀我都唔想飲
翻發過3次 每次停一年鬆啲藥又翻發返

放鬆啲，最近天氣又真係熱左啲啲，仲要又濕氣重，甲亢係會好唔舒服。
其實你知唔知自己壓力/緊張來源？


我唔知你有無睇埋中醫，我嗰時食西藥同時都用中藥調理，食中藥同唔食中藥差好遠，食中藥我會無心悸同埋心跳，個人唔會成日好易緊張驚驚青青，同埋嗰時眼乾都無埋...

上次覆診問左佢做手術，佢話做就應該遲早都要做架啦，但穩定啲先啦咁，唔穩定之下做手術眼可能仲突/效果唔好

有時我都唔知自己睇緊呢個醫生好唔好

我已知既壓力來源好多，都知自己有壓力盡量控制自己，但逼唔到不過冇得咁講啦，有得呢個病通常個人都比較緊張啲既

其實我由細都唔信西醫，我都食藥食到肝指數高，但奈何我真係揾唔到個夾自己既中醫，淨係有食川貝同完全戒哂海鮮同拉麵咁。

或者可唔可以講下中醫點醫甲亢？食啲咩藥？

懷疑自己都有，之前心悸、胸悶走去睇急症，醫生俾咗內科轉介信叫我去check下有咩問題，但嗰陣唔得閒無理。
而家成日無啦啦心跳得好快，又甩頭髮，個頸仲有少少大頸泡，諗住遲啲又去睇醫生，但想問樓主應該去樓下診所check叫佢俾轉介信，定去公家醫院睇急症？

有時真係外在環境令你放鬆唔到，我好明，當時我病發係屋企讀書同工作經濟一齊壓，嗰時自己都諗埋一邊，覺得咁都受唔住自己好廢，連自己都比壓力自己


中醫有度好係佢係跟你個人開藥，
所以人人都唔同。可能你熱既濕既虛既佢會跟返你體質開...但睇中醫要有耐性...我反而啲藥入面無川貝...(唔建議見人食咩藥就自己去配，人人條藥方唔同，真係去睇醫生把個脈啦)

我既做法係打電話預約屋企附近公立街症，同佢講病徵同懷疑自己有甲亢，再約第日去抽血，有野會好快打返黎俾你要你去覆診

你係咪飲完碘之後食海鮮都冇乜野？好掛住海鮮

同埋飲完碘你有冇隔離？返工影唔影響？

我未飲之前都無戒清忍唔到口
飲完碘無隔離呀 會有紙仔教你
基本上去廁所沖兩次 衫褲分開洗 唔好同人同床訓就得
如果屋企有大肚婆or小朋友就最好執嚴啲分開住 大人就無咩所謂
因為佢多數安排星期五飲 當日會開假紙 如果返shift 同佢講佢都應該會開多幾日比你
但如果返醫療工作or幼兒相關佢就有機會開足1-2星期比你
我當時星期五飲完淨係放左一日連六日 星期一照返工
依家海鮮照食紫菜照食 每日食一粒

我都食左碘131差唔多一年
So far而家仲調緊補充劑份量
一般食完普通份量放射碘其實可以即刻返屋企
佢會叫你自我隔離11日左右
期間去完廁所沖廁要沖兩次，同屋企人分開食飯等等
同人保持大概一米距離，
主要唔好接觸孕婦同埋小朋友

然後而家飲食真係食咩都得
最辛苦反而係食放射碘前兩星期同食完後一星期
因為要低碘飲食，基本上所有街邊野食同包裝好既野食都唔食得
慘過減肥

講既內容差唔多

我岩岩都睇到
我都好認同 有甲亢同甲減都無預備飲碘水前戒得咁辛苦
因為醫生話戒清啲效果會最好 唔係可能要飲第二次
嚇到我唔敢唔戒