有無人喺carousell比人呃過錢？

上星期喺carousell想買兩隻switch games，開頭賣家覆得好快，當日就已經打算安排面交，但之後因地點同時間問題所以改左順豐到付，我就payme左佢先。

過左一日，佢就話自己去左順豐寄件，仲講左成段野話自己幾點收工幾點去寄，寄到幾點咁。過左兩，三日左右，正常應該會收到順豐嘅郵件了，但我仲未收到，所以就搵賣家問佢攞個順豐運單號睇下郵件去咩位置等等，然後佢就開始九唔搭八了，又話自己病左又話入錯左收件人電話，又話晏少少會比運單號，又話已經到左青衣，又話聽日就會送到等等。

見到佢非常奇怪嘅行為，所以我就立刻要求佢退款了，佢就開始拖拖拉拉講一堆廢話，跟住就無再覆過我。最後到左今日佢個carousell acc 亦都del晒啲野了。

我知自己都有問題嘅，應該直接約面交或者收到貨先比錢，所以依$300當係買個教訓。不過心有不甘同埋唔想愈黎愈多受害者，因為近排都聽唔少人講有喺carousell比人呃，所以開個post，睇下有無人都中過招share下經過或者討論下有無咩方法可以懲罰依堆賤人。

根本唔關係唔係CAROUSELL事
任何先錢後貨既買賣 都會俾人呃錢嫁啦
唔好曬心機
一係你就起到佢底
否則無人會理你

經payme其實告得到?

有戶口 唔怕煩就去狗局備案

第一日上網買野？
要比錢先99.99999999%呃
呢d騙案已經發生左幾年
但每過幾日都係會見到
無論你買乜野 演唱會飛 玩具又好 廚具又好
game又好 condom都好
唔係面交先比錢就99.99999999999%呃
仲有唔關carousell事
呢啲人係y拍 fb ig都會出現

俾人攞過我戶口係carousell 呃其他人錢

3唔識7竟然都比晒錢...真係服左樓主

最後我個account俾認定同個個帳號係同一個人 俾人ban 咗

要畀錢先都肯

買過好多野、都搵評價高既買、暫時味比人呃過

試過買盒Lego
點知入邊係通粉黎

係啦, 最好係咁, 如果全部都先貨後付款
到時又有一堆賣家苦主出POST話比人呃, 或者到貨後比人用唔同理由壓價
睇佢評價外, 最好就係面交

啲對話係點㗎

我記得個post笑到仆街

次次呢啲呃錢post
啲人唔係檢討平台機制
或者香港網購/消費者條例
唔成熟、無保障
而係屌人做乜畀錢先

唔畀錢先ok吖
如果學台灣咁 棄單可以告嘅話

面交都高風險自己承擔，所以唔好過千

點解我買咩賣咩都係錢先都未俾人呃過

無面交就不了

我都預左比人屌，我明係自己傻嘅，可以約面交去預防比人呃錢。不過自己喺carousell都有賣過野，好多買家都會過數比我，我再郵寄。咁我就覺得講個信字囉，所以比人呃我當買個教訓，開個post係希望唔好再有更多受害者，同埋大家討論下可以點處理。

開頭賣家好有交帶，好正常，覆得又好快。不過我Payme左賣家一日之後就開始奇怪，喺payme突然間收到退款，問返賣家咩事，賣家突然間話咩同女朋友鬧交，對方鬧脾氣所以退左款(我都唔明??)，我已經覺得好怪，但退款的確過左入自己戶口，所以就無理會了。然後賣家叫我重新過返數入佢戶口，所以我又再payme返佢。(有check過係無重覆比左兩次錢)

過左一日，佢就話自己去左順豐已寄件，仲講左成段野話自己幾點收工幾點去寄，寄到幾點咁。

過左兩，三日左右，正常應該會收到順豐嘅郵件了，但我仲未收到，所以就搵賣家問佢攞個運單號睇下係咪寄錯地址等等，然後佢就開始九唔搭八了，又話入錯左收件人電話，又話晏少少比運單號，又話已經到左青衣，聽日送到等等。我就立刻要求佢退款，佢都話okay，退比我等我安心啲，收左件先比返錢佢咁。但講完退款又拖拖拉拉，又話咩細佬先有payme，但佢訓左點點點。最後就係無再覆了，完。

面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交面交

其實你都明，就好似賭錢咁，你諗住會開大，亦都知有機會開細，結果真係開細，咁輸左咪輸左囉，有咩好講？
我知比喻不當，呃錢既亦係仆街，但重點係你明知有風險都去做，即係代表你都預左會奶野，咁何苦事後又係度呻？

利申 無比人呃過/呃過人，如非必要或可信既人，我一定唔會先比錢，寧願貴啲去另一度買