【語言學】如何以專制手段控制語言

前post: https://lihkg.com/thread/1904516/page/1

先前講到語言政策嘅「專制/放任」程度，我整咗呢張圖，比較各種手段，可以幫我哋明解中文世界依家嘅處境。


注意，呢度「專制」、「放任」係相對概念，而且冇褒貶意思，專制唔一定壞，放任亦未必墮落，視乎你點搵到個optimum。

原始部落
想像喺原始部落，乜嘢政府官僚都冇，文明禮教未出現，冇人會管束你講咩寫咩，呢個就係混然天成嘅語言狀態。

文明開端
到文明發展後，社會出現唔同階層，有各自語言習慣，就係禮教嘅雛形，比起原始狀態就變得專制一啲。

到咗孔子言傳身教，有教無類，其實就係將貴族禮教強加於其他階層，專制程度就再進一步。

公共教育
到咗現代，由政府主辦嘅公共教育，其實亦係專制手段，將一套政府認可嘅語文灌輸畀學生。

再仔細睇，中文教育又比英文教育專制一啲。呢個同中文嘅封閉性質有關，暫且唔講住。

簡化字、白話文運動
睇落去，就係簡化字呢啲動用國家力量推行嘅專制手段。而白話文運動，雖然好似少受批評，但佢專制程度係不下於簡化字。

普通話運動
再進一步，就係用國家制訂嘅「標準語言」取代原生語言，即推普運動。

人工語言
到終極專制，就類似1984嘅new speak咁，人工語言成為所有國民嘅唯一語言。

呢個就係語言政策由放任到專制嘅一啲例子，希望我冇講到一舊舊。

結論係，中文世界已走向過於專制一極，尤其係標準漢語喺「專制〈=〉失去創造力」嘅惡性循環之中步向死亡。

下post我會再解釋點會咁講。

留名

ching 淨係講中文s同埋1984 newspeak會唔會狹隘咗少少

留名

啲post可以詳細少少深入少少

你一係就打埋佢
但淨係講一啲 仲要例子咁窄
點討論

留名

當年走曬啲 linguistic 堂

超過五百字嘅學術post係冇人會睇。
如果你有高見，歡迎提出顯示你嘅廣闊。
或者參考我之前講關於粵語同漢語、壯語嘅比較。

唔係幾明ching點會覺得啲例子窄。每個例子都夠開個lecture，問題係有冇人會睇啫。

好似白話文教育對中文世界嘅摧殘，罪大惡極。

講緊你世上眾多語言入面淨係cherrypick啲例子出嚟呀

到咗現代，由政府主辦嘅公共教育，其實亦係專制手段，將一套政府認可嘅語文灌輸畀學生。

再仔細睇，中文教育又比英文教育專制一啲。呢個同中文嘅封閉性質有關，暫且唔講住。

其實除咗英文呢，歐洲大部分國家都有相關機構去規管佢嘅國語，負責起新詞、檢討正字法同文法咁
咁係咪佢哋都同中文一樣封閉、一樣專制？你都冇論證嘅

又例如你話公立教育教國語就係專制，係由出發點定結果（冇人識講地方語言）去睇件事？法國搞公立教育淨係教法文，結果啲地方語言消失得七七八八。但係瑞士德語區同意大利學校都係教標準德語同意大利文，但瑞士德語同埋意大利各地嘅地方語言依然生勾勾喎。

留名繼續睇

不過比較片面同分析嘅語言太過少

留名

法國嘅君主專制係大把人知，但語言專制反而係共和國達到頂峰，一直到上世紀中先有保育嘅左派聲音。但國內嘅多數地方語言已經救唔返。

呢個可以以對照中文世界。大清帝國冇壓制地方語言，反而係共和之後陸續蠶食毁滅。當中就以白話文運動為主要標誌。

但中文嘅專制顛峰，係超越法文嘅顛峰。呢個係因為中文本身封閉性質嘅緣故，同埋中文世界體量太大。

瑞士德語嘅例子，我之前有個post已經同另一個ching討論過。佢不約而同用瑞士嚟反駁我嘅觀點。而我睇法係，瑞士係歐洲中世紀封建嘅活化石，唔可以同法國比，更加唔可以同亞洲比。

當你比較唔同語言，應該以恰當嘅比例嚟對照。

意大利嘅地方語言，應該對照於粵語嘅廣州話、梧洲話、欽洲話、防城話、四邑話。

中文世界，應該對照歐洲拉丁字母世界。

白話文運動，相當於成個羅曼語族以標準法語為書面語，其他語言為法語方言。