[大數據分析]深入淺出地教你用分析軟件R-Studio

本身我就唔係靠寫故食飯/谷人氣
嗰時都係咁啱有啲痴線idea 所以先寫故..

下次唔知幾時再有寫故嘅「動力」先至再寫喇

btw 多謝支持🙏🏻🙏🏻

巴打讀stat？

讀咩出身？ 社科撚表示好撚難睇得明

冇讀過大學啦

細個唔讀書，中五完咗失咗業一輪

之後讀完個展翅課程就出咗嚟做野到依家

btw 依個post 目的係for 任何背景嘅人都應該要睇得明

如果你係有邊度唔明，可以留個tg ，我會用secret chat 加你，解到你明為止

留名

今晚就研究一下for 迴圈喺R 裏面複雜少少嘅應用
依個我覺得亦係R 一個吸引我嘅地方：大數據模擬




有一隻叫做「我的學妹不可能那麼萌2」嘅手機game
之前我俾個friend 水咗去玩

咁佢個扭蛋系統就有指明概率
(三星：77.84% 四星：19% 五星：3.16%)
而要達成活動，就要喺活動期間完成500抽

但係喺500抽裏面，究竟會抽到幾多隻五星戰姬喲呢？
如果要同大數據比較，閣下又算係好運定係衰運呢？

於是，我就寫咗一個「模擬1000000玩家完成500抽活動」嘅程序



依個值得解下個邏輯：
(由所需結果向前反推)

1. 要模擬一個1000000玩家經過500 抽嘅過程
最簡單直接嘅諗法就係知道嗰1000000人分別得到幾多隻5星

2. 如果可以建立到一個長度為1000000 嘅vector，而vector 內每一個值都係代表住每一個玩家喺活動當中所得到嘅5星數目

3. 要知道每一個玩家嘅5星數目，可以利用之前教過嘅產生隨機數方法，按照已知概率產生依500抽結果，再將每一次嘅5星數入落去嗰個長度為1000000 嘅Vector 嘅對應位置

4. 首先要有一個長度Vector 俾你，你先至可以重新賦值

所以，第一句我就係用
rep(NA, 1000000)

rep 即係repeat，可以建立一個長度為1000000、值為NA嘅vector

第二步就係用sample產生隨機數
今次嘅概率prob唔再係NULL，而係對應返前面會gen出嚟嘅因子嚟配上相對概率

第三步，數5星數目、並入落去本身值為vector嘅對應位置

重覆1000000次..

之後你想點分析個大數據都得

將括號內嘅內容變成數值

rnorm 模擬normal distribution 個運作原理本身就已經係可以容許重覆

!= 即係not equal to

2 不等於1 是事實

所以邏輯值係TRUE

TRUE用numeric 顯示為1

多謝你認真做練習就真

已加

求指教
用開R, 覺得VBA慢到抽筋，但有時返工逼住用VBA

呢個好似係statistics 裏面嘅MCMC

你喺Sub入面最開頭加

Application.Calculation = xlManual
Application.ScreenUpdating = False

然後喺Sub完結之前加

Application.Calculation = xlAutomatic
Application.ScreenUpdating = True

幾萬個row就嗌慢嘅話可以用依一招。

巴打真係有心機，加油。
我係一開始係Python，R ，SQL一齊學，再學C++ 同 Java。
雖然R好慢，但係我都係鐘意用R做data manipulation, visualization，或者simulation。

因為行內好多CS人都唔鐘意用R，搞到得statisticians 推廣。睇到有人自學R真係好開心