觀塘獸醫推薦

我多數係佢到買開RC所以唔太清楚

貓仔第一年要打3針
之後就每年打一次
之前去過東九打一次200幾

兩間都唔得
街x獸醫診所
我隻狗13歲左右屙尿發現有血，帶左佢去呢到睇醫生，醫生幫佢照左x光驗血個啲，跟住同我地講話見到可能膀胱有石，跟住就講到好嚴重話如果粒石落左尿道可能會急性尿道炎會死，跟住又話睇到佢睾丸一大一細（無做絕育），話遲啲有機會有病變，建議絕埋育，聽到佢講到咁嚴重會死我地就話做手術啦，之後做手術個日放底左隻狗係診所我地就離開，跟住幾個鐘後就收到電話話已經麻醉左佢，再照x光發現原來睇左錯，原來無膀胱石，但已經麻醉左咁唯有做埋絕育再算，去接返隻狗個陣診所又同我講既然唔係膀胱石可能係癌細胞，又建議我做化驗個啲，呢個診所完全噏得就噏，想賺錢都唔係咁樣亂咁話佢有病，我隻狗做手術前雖然屙尿有血但行得走得食得好精神，做完手術之後兩隻後腳都無力，行唔到，之後開始失禁完全行唔郁，做完手術無兩個月就走左，本身呢個手術根本就可以避免，佢照完x光唔清唔楚就危言聳聽會死又話最好即刻做手術，麻醉完先話睇錯，之後仲想呃多筆錢又話咁可能係癌細胞

東x龍寵物醫院
新養左隻貓幾個月大，隻貓自己跳落床整親隻腳，跛腳行，搵到觀塘仲有另一間診所就帶佢黎呢到睇，醫生幫佢照左兩張x光檢查完，話睇唔出骨裂定甩骹，就咁開左止痛消炎藥就算，等左兩個幾鐘1千幾蚊最終都唔知隻貓咩事，睇完醫生第二日隻貓隻手腫哂，之後發現佢隻手仲要有傷口就帶佢覆診，今次係另一個男醫生睇，佢睇左兩眼同我講要有心理準備隻手可能救唔返，我？？？，跟住話幫佢洗傷口照x光驗血，報價3千幾，我就話唔駛驗血啦，咁佢之後就話要種埋菌，咁就2千幾，我就話無問題，之後接返隻貓個陣佢就話張x光片又係睇唔出啲咩啦，就話叫我去骨科睇，咁我就問佢種菌結果幾時知，佢就答無種，我就問點解，佢就話無拎樣本，我唔知佢係懶定唔想做，我都廢事再問，跟住佢抱返我隻貓比我，我隻貓成手血水，心口都濕哂，完全係不負責任，今次收我1千幾因為無種菌，洗左2千幾蚊影左3張x光，最終乜都唔知，隻貓仲要成身血水咁比返我