我想問下情人之間成日鬧交有冇咩解決方法？

首先，你要知道係識朋友，唔係約炮。正常app上面D人唔會問你有冇男朋友。
其次，我發現絲打好純，我真係好驚你俾人呃，真係小心D語言偽術。
最後，當你真係識到個好過你依家呢個男仔嘅人，到時我相信你係唔會心軟。

搵到個愛你對你好嘅人自然開心美滿 但另一半對你唔好 可能自己一個更開心
你唔跳出呢段關係又邊有機會開展下一段關係
唔知你自卑原因係咩 但男女都好 對自己有自信愛自己 都一樣會搵到愛你欣賞你嘅人 加油

其實樓主你自己性格都有問題，你諗嘢個方式好唔知點講該硬嘅時候一定要硬，要俾佢知你係有底線有性格，唔係俾佢牽住個鼻行嘅人，你建立到自己性格，佢自然會尊重你，宜家你男朋友俾我嘅感覺係，你唔強硬所以食住你，我夠膽講你就算平心靜氣同佢坐低傾，佢都係發老脾收場，而之後只會變本加厲

所以樓主本身性格都有問題

識多D 人 識到個性格夾你嘅人就ok

就係學嗰幾樣嘢

理解自己在乎啲乜嘢
察覺同埋表達自己當刻嘅感受
嘗試理解對方感受同埋講出嚟
平衡自己嘅情感需要同埋對方嘅需要

聽落你地個相處方式真係好危險
真係唔好慣咗永遠佢啱哂你錯哂
尤其係會拍長拖諗結婚嘅話
咁樣會縱壞佢
越縰越壞直到你頂佢唔順

如果你清楚表達到自己感受同埋關心佢嘅感受
佢都次次無視你
又唔會有其他行動示意嘅話
咁可能係佢eq太低
你地幾個月啫
俾啲時間磨練下先啦

你要增加下自己嘅自信呀
你喺依段感情入面好似搞到你個人完全冇自信
佢想你點你就點咁
喺感情入面唔應該有高低之分架
你去進修下 去睇下書 鼓勵下自己 搵自己有興趣嘅事做下
等個人有返自信就會自然吸引到下一個好男仔架啦（好似係）

樓主對上一次覺得開心係幾時
我覺得你好似成日都有小小事就想喊嗰種人
成日都擔心呢樣擔心嗰樣

最緊要建立自己性格，要忍心企硬唔好心軟，慢慢試下啦，再係咁咪用其他方法識其他男人囉，只可以話你同佢唔夾，唔係你mr. right，唔係話鬧少啲交就會感情變好

咁上一次覺得開心係幾時？
可能問得有小小深入
你老母同你老豆的關係係唔係都好似你同你男朋友咁？
你覺得自己同老母似唔似？ 定係完全相反？

ching 問得非常好

大多數人嘅愛情觀都好受原生家庭影響，一個人識唔識去愛人（感知、表達 & 接納愛情），好受父母影響

分手。完

冇 分手