我想問下情人之間成日鬧交有冇咩解決方法？

我想問下情人之間成日鬧交有冇咩解決方法？

事緣我同男朋友拍拖幾個月之後，開始成日鬧交，每次鬧交，每次鬧交佢都講好難聽嘅說話同俾出好厭惡嘅嘴臉，而我每次都會喊。一開始佢見到我喊都會收斂下，到依家佢見到我喊只會無視，而最後每次都係我低聲下氣同佢道歉（無論我認不認同，都係我道歉），因為我覺得同佢冷戰嘅痛苦辛苦過堅持自己嘅諗法，而且如果我唔道歉佢永遠唔會搵翻我。我自己都好嗲，所以鬧交當中都有嗲下佢，但係有時真係好嬲，重點係當我真係唔覺得自己有錯嘅時候。

其實每次鬧交之後，我都有做返相應嘅措施去嘗試解決問題。例如：佢覺得我地見面太多，妨礙佢，咁我地後來見少左。又例如佢唔鍾意花錢，我地每次食飯都係一百幾蚊兩個人嘅飯，生日情人節都唔會有禮物，雖然偶爾我都有少少埋怨，但我一直沿用呢種拍拖方式。

但係我仍然感覺到佢對我嘅耐心越來越少，自問自己都係願意解決問題同埋聆聽別人意見的人，希望各位俾少少意見我，可以點樣解決！

樓主咁樣拍拖開心咩？

你太好 分手吧

雖然感情問題我一律建議分手但講真我曾經都試過拍幾個月果下鬧交好多 成日鬧
最後係慢慢磨合先開始唔會鬧 最重要係如果你真係想認真拍落去 覺得對方真係愛你的話 大家要對對方坦誠 數曬自己對對方有咩不滿 好好坐低傾下
咁拍拖大家其實都辛苦啦 其實你呢度都有講好多你唔滿意嘅地方 例如鬧交嘅時候佢嘅嘴臉 咁你可以嘗試問下佢可唔可以改變下 好認真咁講佢聽
同埋可能佢感覺唔到你改變緊 你試下話佢聽囉

想問下見其實係咪見少d就可以減少鬧交？ 平時冇見面時候反而好地地

如果唔係迫於無奈都唔想分手 畢竟分手係一件好心痛嘅事......

按我個人經驗 係嘅 因為見面真係大啲機會會鬧交但我覺得咁只不過係逃避 無解決到點解你地會鬧交嘅根源 所以遲早爆出黎會仲大獲
同埋WhatsApp 電話果啲其實同真實接觸有啲唔同我覺得可能唔見面唔鬧 只係因為見面嘅時候比較容易觸發到你地鬧交嘅某啲導火線

你地幾歲？學生或者再諗下。
你拍過幾次拖？O1?
你外貌體型又點樣？因為男人睇呢樣先。
有無因為拍拖就放pea左？

對你投入，見到佢慢慢減少，
首年生日、情人節、聖誕節通通都唔重視，
要得到你既愛真係好廉價，
廉價到揮之則來又有咩好珍惜？

你太 chur，做人重心放係感情上，
顯得你無咩世藝做，自我價值好低，
似乎等男人養/憐愛先生存到咁，
當然人地會嫌棄
都睇得出你轉向其他男性投懷送抱機會低，
如果出現埋將你同其他女性比較，咁就100%無得救。


其實你聽唔明佢講咩嗎？
因為你成日搵佢出現既關係，佢少左時間同其他異性相處。

有第二個啦人地，咁都唔醒水。

拍過幾次啦
外表正常啦 冇因為拍拖放pea 次次見面都化妝

異性朋友的確係少 近乎冇 但係我係覺得拍拖就唔應該識異性朋友....... 應該一心一意對佢

我都係比較看重感情 你都講得岩

平時有咩不滿可以即場講出嚟，但語氣唔好差亦都唔好冷淡，姐係可以打情罵俏咁既語氣抱怨下，對方唔肯改先開始用認真tone講
你而家可以同佢坐低講清楚佢啲語氣會好hurt人，鬧完交都會有條刺係個心度，想佢認真改
但我諗佢唔會改嫁啦，比人寵到屌完人老母仲會轉返頭比人氹，on9先會改啦，下個更可愛呀

我朋友都覺得我對佢好好 但係佢又話佢d朋友覺得佢對我好好 唔知係咪我講嘢有偏見唔得客觀 我已經嘗試比較客觀咁講說話

佢有佢嘅優點嘅 我都有不足之處..... 我依家諗緊係咪要再見少d

我都覺得自己太依賴 但唔知可以點改善

佢咩星座？

射手座

睇下嘈既內容係乜野
如果係小事（送番屋企、送禮物、一時態度唔好）
就可以試下磨合下
時間耐左會ok的
（過來人

如果關係到政治、價值觀、人生觀
咁就要諗下分唔分了

最後每次都係我低聲下氣同佢道歉
--> 既然你一定會認衰 有時就算係佢錯 佢都唔會認 大大聲推落你到咪得囉

例如：佢覺得我地見面太多，妨礙佢，咁我地後來見少左。又例如佢唔鍾意花錢，我地每次食飯都係一百幾蚊兩個人嘅飯，生日情人節都唔會有禮物，雖然偶爾我都有少少埋怨，但我一直沿用
--> 提出咩問題你都照單全收 咁我唔客氣啦 挑剔一樣到第樣 有冇諗過點解佢唔中意嘅野你就每樣都為佢改 咁你冇唔中意嘅野咩？佢又會唔會為你改？

但係我仍然感覺到佢對我嘅耐心越來越少，自問自己都係願意解決問題同埋聆聽別人意見的人
--> 就係因為你乜都會聽佢講 咁梗係無耐性啦 你平時即刻改架嘛 要求梗係越黎越高

結論：你俾佢食住 太就佢 好似老母湊仔咁 個仔點樣發老母脾氣都好 老母最多嬲一陣 最後又係煮餐好俾乖仔食 咁個仔點會珍惜老母嘅好

又例如佢唔鍾意花錢，我地每次食飯都係一百幾蚊兩個人嘅飯，生日情人節都唔會有禮物，雖然偶爾我都有少少埋怨，但我一直沿用呢種拍拖方式。

分手啦 搵個有錢仔就唔會有「唔鍾意花錢」的煩惱

多數都係小事來嘅
不過有時候都有d價值觀分歧 但係我都願意就佢嘅...... 但係都係成日鬧交

係呀俾佢食住 但係我都唔知分手之後就冇得識到第二個啦 而且佢都有佢嘅優點.....

我淨係想知道點樣可以避免鬧交 令大家相處和善d

唔係想分呀

價值觀邊有得就
接受到就接受到 接受唔到就接受唔到
你拍拖為乜？
人拍我又拍？
定係想將來一齊生活 白頭到老
係的話 咁你接唔接受到將來都要過呢種生活
而且而家都未係一齊生活
一齊生活必定有更多磨擦

唔係想分嘅 係真心求解決方案

可以試下減少d見面次數/縮短傾電話時數
咁樣唔係逃避
而係比番d私人時間大家
有多d經歷同對方分享又減少衝突
又會掛住對方珍惜相處既時間
試過真係work

價值觀如果分歧唔太大
其實唔洗勉強就佢
都可以和而不同既

斬腳趾避沙蟲

以前有傾電話 依家已經完全冇傾 唔見面嘅時候大家好似唔識咁 完全唔聯繫
至於見面 已經見少左 但係因為我會好掛住

結左婚可唔可以唔見面