[Efootball]PES 2020 討論區 (7)21唔見人 777死全家 一年容易又一集 順便去等下一集

聽過，不過射空門真心手動射好過，如果唔係好易幾碼射出界

我覺得係你個陣問題
我完全無呢個問題
壓住對方係半場打
係兩隻閘好快紅血

呢隻GAME一定係森林FANS，呢隊波我每一集對住佢都係勁難打，攻防轉換超快，傳波超準，無論前鋒定翼都跑得勁快 (唔洗睇數值，就算75都放得甩人)，一對中場中防守超硬淨仲要助攻助守唔會扣體能，後面4個後衛勁緊密連遠射機會都冇乜

最緊要係，對親呢隊波，我果隊個AI就會痴線，控甩波、唔控波直接由個波出界、瘋狂轉錯人進攻防守、射空門射唔入(各種方式唔入)

屌真係對任何強隊都唔怕，對親呢隊都難打到仆街，我大概由2017開始就發覺呢隊波打ML既話，幾年內一定升到上英超，然後係唔會降班，仲要打多幾年就會係歐聯決賽撞到佢，肯撚定製作部係呢隊球迷，痴撚線勁到仆街

好難玩 玩慣fifa

正常
始終兩隻game

對上十年，一定係2013最好，而家外國仲有人整緊2013 patch，動作唔駛靚，最緊要係節奏明快無劇本。好可惜上次搬屋後唔見左隻PES2013碟所以之後一定係STEAM買GAME

玩慣咗FIFA,近期先入手玩，想問下點先可以防守好，依家成日打到好大比數

2013簡單黎講係順暢，2014之後去到2016都仲有盡力保持果個節奏感，但近幾集搞到控波帶波都窒窒下，搞到根本都投入唔到比賽

加埋隻game根本唔主張你慢慢組織，就算我傳黎傳去之後有空位，佢最後一下一定係屈到你唔入

例如二打一，你想窄位回入中路射，中路條友就會係咁縮後，走到離開埋禁區愈走愈遠

又例如我猜到射空門，個前鋒一樣會自己拗腰射出界，即使我只係瞄中間，佢一樣會自己拗腰射出界

又或者猜高波想高速落底，一係就長傳85既球員傳個腎虧波唔夠力，搞到落唔到底，一係就落到底減左速一樣on99拗腰斬出界

總之成隻game係好唔順手，但電腦啲波就後腳、炮彈精準長傳乜都有齊，果下先最冇癮

線上定線下？

線下

唔好標波，佢射波果下先埋去封

我搵左好耐都搵唔到PES2013二手，GAME舖好多都係得2011，2012，2014，2015係無2013而家啲patch都整得好靚，database又有update，想玩返都唔得

2013唔係ps3咩？定係你係電腦？

今集成日都做埋啲無謂野
明明冇人，你禁定大腳解圍，佢會用頭頂，就頂左俾對面前鋒
明明斬中，空哂，佢又無啦啦出倒掛射飛機，正正常常凌空抽射我都覺得合理啲呀
防守個陣個後衛先好野，明明你禁掣去防守追波，後衛係前鋒前面，你禁防守個掣佢會讓條路出黎俾前鋒過左之後先再去追波，大佬咁點守波？
同樣問題，後衛會因為對面大腳斬上自己禁區追唔到個前鋒而失波（bug 黎架？）
總之呢啲奇怪野多到數唔哂
仲會明明你拎住個波攻緊，你自己隊友會係你面前阻住你帶波推進，點踢？後衛明明拎住個波要大腳，另一個後衛又會上黎搶你波，隊友黎架喎！然後兩條友炒埋一碟，就甩左個波俾人射入啦。
對面啲地波冇力傳中波可以通個後衛坑渠而唔係控定解圍，咁我點防守都冇用。

冇左2013年個啲自動解圍，其實好難打，你以為佢會整到好合理，但其實自動解圍比今集呢啲白痴行為好好多倍。

PC，改野容易啲，限制少啲

琴晚我fd開左share play俾我睇fifa，其實我完全明點解fifa跑贏pes幾條街了

第一，fifa多open ball，爭得激烈啲

第二，fifa電腦係on9，但起碼組織到，pes班ai根本廢，組織廢、走位廢

第三，fifa既球員重心系統係冇既，呢個我覺得係最大缺點，但似乎因為咁而少左好多膠野

第四，臨場感比pes好太多，無論計分牌定球迷定草地定球場大小，都真實過pes

第五，球員既動作，pes既人仔你好多時撳x傳波，個波可以變半腰波或者彈地波，近既遠既一樣有機會出事，而且有時又無啦啦用腳趾尾傳，仲傳埋出界有時又無啦啦用腳面傳，又係on9，fifa幾善用掃把腳，好多pes球員會拗到腰斷之後傳失既波，fifa好輕鬆就用掃把腳撥走左

第六，龍門撲波動作真實過pes幾倍左右啦，仲要fifa龍門會出迎，pes個on9龍就算進攻型個波斬到面前一樣唔撚接我完全唔覺得進攻型有乜咁進攻

第七，pes平均每兩、三分鐘就派一次膠，例如控失、自己人撞埋一齊、硬直、射空門出界等等，但我睇左兩個中fifa其實整體唔見有乜膠，攻防轉換好快，長傳反擊都有效，起碼長傳落點合理過pes好多，pes你明明l1三角咁傳俾翼，佢都只係將個波放落翼前面幾碼，好多時仲要好早個波落地，迫到個系統又要減速控，控完又要收哂油修正，修正一腳又唔夠，又要幾腳成件事完全唔順暢仲廢過街場技術


當然我都見fifa有明顯缺點既，例如重心系統係冇，啲人好易轉身，會比較冇癮同低技術性，仲有就係防守球員太hea，個波成日漏過又唔出腳

我覺得改善埋防守問題既話fifa應該刺激好多

Fifa防守真係幾膠
要下下落鏟

有冇重心都係你玩落既手感 控制球員既重量感
實際上 PES你依加用美斯/伊巴都唔係好感覺到佢地頂得住d後衛 至少冇以前果種球星體驗咁明顯
如果能力值唔係好反映到出黎 咁個重心系統就係變到得返你自己控制既手感
fifa就算冇你所謂講既重心 控人有d輕飄飄
都比pes更加表現到能力上既差距 球星明顯屈機
至於整體上係咪低技術d我就唔敢講 我呢d casual玩家評論唔到兩隻game既技術要求
冇癮我就唔係好明 你屌pes硬直/多餘動作/解圍都用多成秒去做等等
fifa轉身易你又屌 咁好難岩你口味姐
不過算 你真係去玩fifa就會有更多體會
但都知你只會留係到一路屌一玩落去根本唔會踏出果一步

唔係啊 禁x或者撞撞下都會搶到波
打ai黎講我覺得仲易過pes 同埋唔會咁on9中左波都當你foul

難啲囉用身位

我咁都叫屌佢重心系統咩

pes個重心系統根本就要重寫，好簡單一個解圍波，個球員會硬直到等佢彈幾下地先判斷到個落點，而佢硬直個原因係個系統想佢左右前後咁郁黎判斷個落點，結果因為咁就定左格

而且pes個重心系統根本就唔公道，電腦就算60身體質素一樣可以撞走中堅再拗腰抽掛網，我就係用伊巴都勁難轉到身，下下護個波，電腦從後一掂就成個伊巴飛走左

fifa冇重心系統其實令好多人會易上手，加埋出腳勁快其實都唔太似真實足球，但正因為呢啲因素，大家先覺得可以輕鬆玩，你睇下pes，連一個五碼波都要踏順步韻再窒一窒腳先肯傳，有時就出腳果下見人拍埋黎就縮腳由得人搶個波，有時就睇定望空，80短傳都照大大力傳出界都唔知做乜鳩，隻game又唔係整得真仲加咁多on9野落去，好撚煩，完全睇唔到刺激

電腦落產就識兜住個波唔出界，我啲人落產下下就係唔清脆，踢中波之後中人=foul，踢中波唔中人=75%電腦可以繼續去而你個人訓左係地下，踢中波唔中人=出界電腦繼續攻，所以我依家一般從後踢佢老母就算，佢夠膽俾得益我就產鳩佢冇拎波啲人，產撚到佢吹foul為止，但電腦產極都唔會傷，而我對親利記都最少傷兩件

我唔係話你屌個重心系統 我係見你講開 順便拎出黎講比較兩隻game
其實你都認同就算fifa冇重心系統 控d人輕飄飄 相對冇咁真實
都好過pes有重心系統但只係自己既手感 球星能力根本體現唔到出黎
以前既winning都係易上手,輕鬆玩
以前冇360度轉向 得8個方位
球員都係轉身快 好多都可以即時90度轉身 出腳快 動作好順 冇乜重量感
以前你就接受到 依加fifa又比你嫌棄 我又唔明你仲攬住pes做乜
你已經講曬pes d衰野出黎 但就係始終都唔試下fifa
而fifa果d你認為既缺點有d係以前winning盛世果陣都係work冇乜問題

其實係，以前舊機年代轉向好快，特別係盤球90以上，會順暢好多，如果得87,88盤球就要等狀態斜上或紅態先出到，當年都係無意中發現，用迪馬利亞果陣

因為易轉身，所以對攻既場面好多，其實睇翻個gameplay好似以前winning

就算新手都有方法組織、進攻

坦白講下集我會好好考慮轉，我真係受夠，上fb屌佢老母，結果我個留言最多like

你就知隻game根本玩撚完，大家都係得個情意結，大家都知gameplay係屎

我幾個朋友隊波都爭個中場指揮官，都邀我去，所以下集會好認真考慮，行出呢一步

唔知係隻game改過嚟定玩耐咗
今日打myclub連贏咗6場之前都未試過
個感覺好似易玩咗，但都係有試過派膠輸

幻覺黎㗎姐
總有一場延遲就斷連勝
啱啱我都5連勝

有無巴打教下點樣簡單扭人
打pro用沙拿文尼都好難爆贏啲人