[Efootball]PES 2020 討論區 (7)21唔見人 777死全家 一年容易又一集 順便去等下一集

中堅縮得太後 似乎係跟對面中鋒而定位
個中鋒如果企到好前 中堅都會on99跟埋落去mark佢而唔係佈越位
好on9 現實既中鋒點會成日企到咁前
輸位越都輸死 而且中鋒都要回後拎下波 唔係一味頂到最前
中堅又點會傻到陪佢癲 佢企咁前就跟住佢縮後 完全唔識變通
搞到前中後三線都好似各自為政 企到鬆曬
最慘係縮後又mark得唔夠緊 已經縮到入自己禁區都仲可以比空間人輕鬆轉身做野
於是有唔少情況係可以中場直接傳比中鋒 中鋒背頂住個中堅轉身就射到

唔明 就咁睇張雷達圖 係白色控住波攻緊藍色
白色攻緊 仲有4個藍色係白色後場一字排開

我好似發現左帶波過人果度有星既話好似用緊密盤球果陣cup會呃到電腦，我隻細哨得一星都呃到

唔關事 果D星星係影響隊友嘅走位
當然有星即係果方面勁

咁帶波過人既星有咩用

到依家都唔知

就係球員盤球時，隊友會走位配合囉

無錯，正常藍色防守嗰時，鋒線應該會退到去中場幫手防守壓迫
就算進攻嗰時越位都只會一兩個，同埋唔係被快攻反擊情況下，應該都唔會越太多

依家就好似喺街場串對面，話自己半隊都夠守死你咁

官方簡介大概係話帶波過人有星既球員係有波在腳既情況下 隊友會行開少少創造空間佢發揮skill 比佢solo
短傳有星就係隊友會靠近d比佢短傳 長傳就相反
理論上呢樣野係咁樣運作 透過有呢d特性既球員去影響其他球員既走位
但實際上我feel唔到明顯分別
至於話會好扭d 我覺得純粹係因為本身個別能力值達到一定既數值就會有1，2粒星
詳細計法係點我唔知 但呢d野其實好多球員都有
我覺得呢樣野背後既設計理念係ok 但隻game表現唔到出黎 亦唔夠獨特

咁真係唔知我隻老馬盤球、短傳、長傳都兩粒星，D隊友點走位好

我都有諗過
不過唔講到咁複雜先
就算一個球員只有其中一項有星 我都睇唔出隻game展示到個獨特之處出黎
更何況如果有齊三項 理論上仲造成互相矛盾
長短傳都有 咁隊友點反應好 想靠近你比你短傳定行開d比你長傳
扭波又係 應該比空間你solo定其實想你比短傳
又有可能結果係呢三樣野互相抵消 變左平庸
今集睇黎就係呢個系統未成形 就算得一項有星我都睇唔到個獨特之處
同時令我諗起出左n集既情緒系統
都係d表面野得個知字 玩落feel唔到
就算有都覺得係劇本，handicapped之類既野

所以我想知佢點擺陣 點解可以做到咁
隻game本身係有呢方面既問題 但我未見過極端到咁

長短傳唔係隊友臨波嘅距離
係當有星個球員傳球時，隊友嘅走位

7仔買GOOGLEPLAY 有禮包代碼

咁姐係會有咩分別呢

我估係影響隊友對傳球&接球嘅反應

好空泛 總之玩落留意唔到同個情緒系統差唔多

見佢而家百零蚊有啲心郁
但係見完大家講到咁垃圾又有啲卻步
一句講晒俾你地揀要fifa定pes

有閒錢有時間 why not both
係到問都冇用 PES區答PES區既答案 FIFA區答FIFA區既答案 有咩意思
自己係鍾意玩足球game自然會有自己既決定

窮西學生而家仲要冇兼職返好難both

咁咪純粹睇你有幾鍾意玩足球game 玩開邊隻 鍾意邊隻多d囉

完全唔覺有用

隻game既咩情緒、耐力我全部都唔覺有咩影響，特別係電腦根本係冇影響

電腦打442根本無敵，守果陣係640，攻果陣424

其實我地唔係做唔到，而係會好消耗體能，但電腦拎住班65-75體能既人可以全場跑同迫都唔見紅

單機pes，連線有隊友就fifa

其實pes劇本問題係咪真係好嚴重

我覺得係

今集我覺得係最難進攻既一集，好多場我根本射唔到五腳但會贏到，可能射六球入三、四球，但如果我射十幾腳既，一般都係攻唔入要焗攻（所謂攻唔入一般係講緊中楣中柱）

今集由於難攻左，所以係其他方面都要注意，例如體能方面，以往75體能以下既球員基本上未完場就謝哂，但今集體能消耗速度都好取決於球員係球場上既跑動，如果你係咁撳屌對手，就會消耗得好快，所以我上半場頭幾分鐘就燒味，之後縮後打反擊，30-45分鐘就攻

我大概係咁，今集算係整體戰術佔75%，扭波佔25%左右，基本上都冇乜機會扭到人，遠射又冇乜空間射，當然我依家都研究到有更多機會對電腦遠射既，呢個之後再講啦

新手分享

試下試下，今集對電腦要入遠射基本上就係要咁拖下拖下再假射扣入大位先得，帶球過人最少有一星會比較好，如果唔係就要帶近啲先呃到電腦

同埋射波果刻要即刻撳多一下正方，同以往一樣啦，咁先會變勁ban

呢球入波係杜凡(泰奧雲)，74射門力，帶波過人一星

我試過用泰利斯卡同昆迪路都唔太呃到電腦，佢兩個都係0星