突然要杜牙根，求救！

我打針都痛到喊

我都知要用牙線，但未養成習慣，同埋用牙線好kick，成日都覺得一抆就連牙飛起

如果保健計劃都係3,4千搞得掂都可以試下嘅，如果最後都係要3萬先搞得掂都唔爭在試埋個3,4千，我聽過有d症個病人經濟負擔唔到個醫生會轉介佢去菲臘牙科，個到係俾d未畢業嘅牙科醫生去實習，即係去做白老鼠，但我覺得係得香港應該都穩陣嘅，你可以問下，但一定係要排好耐，有機會排到你隻牙捱唔住都未排到你，至於痛唔痛，因為杜牙根係要分幾次去做，一星期左右番去一次，頭一次做有機會會痛，我見過有個大男人第一次杜痛到標眼水，但大部分人都接受到反應唔太大
戴頭盔以上意見只供參考

十分感激！
我book咗聽日去照晒所有牙，睇下仲有冇漏網之魚。我隻牙呢幾日除咗有啲鬆之外已經冇乜嘢，我覺得之前佢都應該痕過幾次而我冇理到佢
如果佢識痛我就唔會而家先知佢原來蛀咗

早整早享受 遲整貴唔知幾多舊

8,9年前整大牙 杜+牙套差唔多5000

啱呀，趁仲有保健計劃
都好貴呀

ching喺香港做？
我有fd喺大陸做先幾百蚊，連牙套都冇做，六七年嚟都冇乜嘢
有啲人仲話飛台灣整
點解香港睇牙可以咁貴

多謝提醒！
我隻牙好似神經已經壞死，之前都冇痛過，希望杜果陣都唔痛啦

磨牙諗起都覺得恐怖

牙科保健嘅牙醫... 手勢應該一般
我之前杜牙根一隻連牙套都係幾千，植牙2萬
如果就咁杜牙根都萬7又真係太貴，建議你問下朋友有冇相熟又好手勢牙醫介紹

利申：由細睇牙睇到大，杜過4隻牙，菲臘牙科醫院都去咗幾年，仲做過牙科手術

上年年頭

杜過牙根，無用，最後都要剝，仲要留住隻廢牙之後，因為難擦左，所以旁邊d牙都易蛀

之前門牙杜牙根，搵條神經線時堅係痛，牙醫仲要拎條線出黎比我摸下，質感好似橡根

經歷以上步驟，之後整牙套個啲都唔會痛