突然要杜牙根，求救！

事源右邊大牙牙痕咗幾日，仲有啲鬆動，諗住年幾冇洗牙就去book牙醫睇下。點知牙冇得洗，醫生話我隻冇乜點痛嘅大牙其實已經由補牙部分下一直蛀到落牙根，神經壞死哂，要杜牙根！
我平時都好乖刷牙洗牙，冇理由會輪到我喎！
利申我用緊學校牙科保健計劃嘅，醫生話建議我去專科做，佢只可以係試下，如果失敗都係要轉介專科。
然後我第二日再睇第二個醫生，都係大同小異，不過個醫生話都係建議睇專科，佢都係試下，成功率最高八成。佢有講多啲話因為我牙根個位已經打開咗，下面骨已經侵蝕咗，所以有啲複雜，唔保證可以成功。
身為窮l學生，人又虧又冇米，佢哋推介個專科齋杜牙根已經萬七，未包牙套，我根本負擔唔到T T
各位巴絲有冇咩經驗或建議可以分享下？
不過p牌post都係聽沉

當香港人仲掛住排口罩 搶廁紙 討論邊個邊個ig女神
https://lih.kg/1887691
- 分享自 LIHKG 討論區
幫手推下啊唔該

你依家幾歲先？
我都杜過牙根嘅

杜完牙根之後食硬嘢有機會咬碎牙，十幾廿年之後會成隻裂開

利申過來人

恭喜你，我同你講，真係痛到仆街

係咪因為專科所以先要萬7咁貴？睇下你重唔重視牙呢樣野囉，因為唔杜就等於無左隻牙，無左就係無左，之後點鑲番都同真牙係兩回事，同埋你杜得就一定要做埋牙套，因為隻牙杜完已經係好脆弱，唔做番牙套笠住佢會好易咬爆牙，咁就前功盡廢，當然到之後做左牙套都係要好好清潔番，如果唔係係裏面蛀番一樣都係無用
利申做緊牙科

我其實冇諗過會箍牙。首先貴，又驚剝牙。而且我排牙其實算整齊，但好似有啲哨，似係骨哨導致成排有啲凸。唔係好樣衰我都諗住由佢！但經此一役真係學識襯有優惠照多啲x光，原來平時牙科檢查都係好hea，講咩睇咩……
巴打唔介意可唔可以講多啲你對箍牙嘅睇法？

就grad大學生

我都好驚，有朋友都係一直驚呢樣
但係咪有得帶牙套
我個x光見到牙根下面已經有陰影，牙醫話係侵蝕到牙骨，除咗杜牙根之外就係由隻牙自生自滅

巴打係指杜嘅過程？唔係打麻醉咩？

極級建議你去杜牙根。。。
因為牙真係好珍貴 唔會再生返
無咗大牙會好難咬野
久而久之仲會臉型開始變 上面嘅大牙亦會開始變長
因為下面無野頂住佢 雖然話終有一日都會壞/碎粒大牙 但係你仲後生 唔想你到時植牙

有錢就做，一定要做牙套，如果唔係晒錢。冇錢隻牙唔要得就要剝，遲d有錢而你又夠骨可以種返。不過等得太耐d牙會移位

發炎先杜嘅話麻醉藥未必落到去，有機會會痛

大神出現！！！
我都唔想放棄隻牙，尤其係第一隻！
當時醫生仲話好可惜，默哀咁款
目前有保健計劃就$1600+$1700（牙套），我想做但佢話都係試下，如果唔得要轉介專科再跟進，咁我又有啲猶疑……佢介紹個專科保守估計起碼全套要三萬，真係賣身都唔掂
請問如果仁濟定咩工聯會（唔太識）果啲有牙科嘅會唔會好啲？

睇完超驚
我有心做，但專科應該做唔起
係咪只可以祈禱呢個牙醫救到我粒牙

我超怕痛！

專科一定貴，要平你可以再搵下有冇普通科同你博，不過風險你自己承擔。專科重杜個價再上同埋人地未必做

P牌仔無以為報，正皮都冇得㩒
感謝各位巴絲回覆！
8ching
真ching
Cching
Dching
吳ching
起ching
蕉ching
感激不盡！

明白唔該哂你！

上次去劉家聲度睇10k埋單
剝牙+牙套+杜

唔該你
係最近嘅事？

我杜牙根個陣真係痛到喊😂