[扁平足絲] 求好嘅物理治療同鞋墊

我扁平足都有好多年，
細細個果陣，著Dr Kong 都仲頂得信
只係行超過一個鐘會極攰

而家一行超過一個鐘，
左腳（嚴重d果隻）就會痛到痴線，
拗哂柴咁，腳底內側一大力「禁」落去就好酸，右腳跟著就會開始奶奶地野

早幾年，有排一行路就痛，行一步痛一步
睇家庭醫生話我足底筋膜炎（但無照x光），開左消炎藥同半年exempt pe 堂假紙比我


今年開始叫做搵到少少錢，
試埋brikenstock 幾款鞋墊都覺得成效不大，都係日痛夜痛


跪求好嘅治療師，正正經經照返x光，同想醫好/斷尾/最少都痛少d budget 物理治療800蚊左右一次都afford得起

同埋如果有d度身訂做 用開好嘅鞋墊
都想問埋邊間

利申：唔小心行多左痛到hihi起身開post

叫佢REFER你去醫院啦
我好細個個陣就已比人REFER左去義肢及矯形部

用舊左可以不斷book新appointment整過對

係HA整鞋墊，定出面私人舖頭？

咁正？邊間醫院有無醫生名

Dr. Kong 有得訂造鞋墊架
有個以前造鞋墊嘅師傅話 覺得Dr. Kong 訂造嘅鞋墊其實唔錯

講緊睇政府，有咩咁正，梗係講緊每次appointment都要比錢

首先你去睇街症先，同個醫生講腳板底痛同埋扁平足，佢應該就會refer你去義肢矯形。

第一次去睇會幫你印腳型，過幾個星期就會叫你返去拎鞋墊。個療程會幫你整兩對，即係total四個appointment（睇-拎-睇-拎），一對大概用到半年至一年就會爛（當然睇你平時行得多唔多），療程完左之後你想繼續用就要自己打電話去義肢矯形部book。中間唔可以隔多過一年，如果唔係就要再搵醫生再refer過。價錢方面就唔係好記得，你當整一對$300內。



利申：整到第3對，開心使用中

仲有，平時係屋企無野做要多拉筋，你去睇果陣佢都會不斷叫你

其中一個最易做就係搵個網球係腳底踩住碌黎碌去，可以邊睇電視邊做，但係唔好睇tvb

想問你醫生refer 去義肢矯形，要唔要排好耐期？定即刻有得睇？

唔該哂

一時時，第一次排左兩三個月，試過最快果次個半星期就得

用腳指夾毛巾都有效，
夾上手放低再夾

竟然 巴打我個陣拎鞋墊都係就咁比60蚊舊症覆診費only🤡

佢覆完就唔會close case既 都會定期約你番黎睇下鞋墊岩唔岩你洗咁 視乎情況需要 close case講緊可能係你成年都冇事ok 咁就可能close 我個陣係十x歲好過一輪 跟住year1個陣復發過 然黎再去睇番好 到我家下master緊都冇番發了

youtube見到呢個拉筋聲稱可以幫一幫扁平足 https://youtu.be/TT2BJuMjff8 （1分59秒打後），想問你地睇醫生果陣係咪都係類似動作？

我其實係唔記得，諗住講大無衰
印象中好似兩位數字，但諗諗下又唔肯定

同埋無記錯睇同拎兩個appointment都要比錢

我個陣都係得捉網球同毛巾不過我都係冇做 就咁帶腳托都好番 佢會視乎你嚴重情況黎決定比包晒半隻腳掌到腳眼個啲腳托你or就咁比個墊你（當然個墊都係tailor made)

醫生無教，去到義肢矯形師果度先會教你做，有好多慢慢學

好似都係 但總之政府野點都平
我個陣嚴重個陣佢試過比啲包埋腳眼既托 後期好好多佢就就咁比個墊我

我定義係
真係由以前企五分鐘都累到企唔到 到我家下正常行得走得企得個足弓唔用墊都仲係度

巴打扁平足有冇好到？
我問矯形師，佢同我講其實過左發育佢矯唔到形佢話鞋墊只係輔助我唔好變成筋膜炎

可能因為我成個發育期都有帶呢啲腳托咁濟先好得番我都唔知

佢都係咁同我講
X腳同篇平足都玩完救唔返