Fb見到9月先開 11月11，13有罷工
但可能荃灣店是新店 未加入黃藍地圖
位於大鴻輝16樓 前大鍋口嘅鋪位
1700開 當日1645去等 已經塞滿晒要等wall-in嘅人
網上訂位同訂壽司郎一樣 要早一個月訂
除非你訂九點十點之後佢同一鍋堂比較唔同就係 比貴啲會有更高質嘅肉你食 而最平嘅餐 肉就同一鍋堂差唔多 當日小妹本著試食心態就揀左最平嘅餐 但見隔離枱啲貴肉望落幾靚
首先要揀湯底同餐 鴛鴦湯要加$50 所以就單叫左鳳梨雞湯 個湯幾好飲 同一鍋堂不相伯仲
但自助配料區標榜台灣直送
蓮藕同芥末丸最好食 而粟米就唔甜 可以唔食我直接講有咩贏一鍋堂算 蝦同沙白好大隻 但兩個人點一份 只有一隻蝦 同兩隻沙白
點五份沙白都只黎六隻 睇黎海鮮成本比較貴仲有大量台式食品小食嗌 啲炸物仲熱嘅包括炸餐肉 鹽酥雞 台灣腸之類 因為一鍋堂食第二次就厭 無咩嘢好嗌 相對黎講牛大人就更多食物選擇
同埋連水蓮都有！但係追單兩次追到last order先黎一碟
睇黎又係貴嘅食材同埋佢嘅冷泡茶系列非常有heart 浸住大大包茶葉 個樽又靚
飲晒三款 個人排名 桂花烏龍>洛神花茶>菊花普洱
仲有各種汽水同紙包飲品 仲有台灣嘅蘋果西打 <-其實唔太好飲
Like&share fb仲送黑糖珍珠鮮奶 但驚太飽所以無要 飲完都唔洗食嘢啦
最完美嘅係 埋單後會有movenpick
當日有白黑紅三隻原始味揀 完勝一鍋堂無任何甜品 食埋甜品先係滿足嘅一餐
小妹覺得呢間邊爐性價比很好 甚至有唔少比一鍋堂更好嘅地方 所以向手足推介 打手死全家
聽日係最後一日荃灣店新張88折優惠 大家想食最好就五點前去wall-in等啦
無影相 所以求其cap幾張openrice圖 有興趣就自己上openrice睇啦
