【突發】全球22市12國聯手！1.19 天下制裁大遊行短片流出！

我要攬炒 · 2020-01-14T18:40:39+08:00

【突發】全球22市12國聯手！1.19 天下制裁大遊行短片流出！ https://youtu.be/TpJADNug6XY 極權最大弱點係人民重新燃起希望、鬥志。依個就係民間集會團隊、攬炒團隊同世界各地組織籌備1.19 全球行動嘅原因。特別感謝香港教育電視義務剪咗依段1.19 宣傳片。謹此宣布 12 國22城市將會出手舉辦「1.19 天下制裁大遊行/集會」！已確認1.19名單： 1. 香港 - 香港島 2. 美國 - 波士頓、洛杉磯、華盛頓特區、三藩市、紐約、西雅圖 3. 德國 - 柏林 4. 英國 - 倫敦、格拉斯哥 5. 澳洲 - 布里斯本、墨爾本、悉尼 6. 紐西蘭 - 奧克蘭、基督城 7. 比利時 - 布魯塞爾 8. 加拿大 - 溫哥華 9. 法國 - 巴黎 10. 芬蘭 - 艾斯博 11. 日本 - 東京 12. 韓國 - 首爾關於1.19 港島遊行，我留意到有巴打提議應該去九龍搞，覺得低風險啲。其實今次分工明確，香港方面由「民間集會團隊」全力籌備，而「攬炒團隊」就專心協調，籌備香港以外嘅遊行集會。換句話說，我無參與1.19香港向東遊行籌備工作。話雖如此，我嘗試略略幫佢地解釋一下點解1.19唔揀九龍。以我理解，原因就係過往兩次思穎巴嘅九龍遊行喺路線上都遇到非常多制肘，而且九龍一樣會狂出水炮車；1224平安夜遊行，更俾黑警改成跳海路線，而被迫取消。時至今日，無論港島定九龍搞都有一定風險存在；每件事有無成果，關鍵始終在於應變能力。遠至本身有無不反、近至人數多寡、臨場反應、如何應對挑釁等都會影響每場行動成效。最唔送頭、最無代價，從來都係念力抗共。當我地無能力用念力捽死對家，就唯有繼續不分和勇行出黎。我地需要嘅係，盡力做力之所及嘅事，延希望之火，播改變之種。 1.19全球見。各地最新詳情，請留意 “Fight for Freedom. Stand with Hong Kong.” facebook 持續整合。