醫管局 暨 政府 廢青討論區 37

一、簡介

醫院管理局(醫管局)係一個香港嘅法定機構，負責管理全港公立醫院及相關醫療服務。

醫管局致力確保員工態度積極及工作愉快，給予員工公平待遇及避免過勞，保持良好嘅work-life balance，有「全港最良心僱主」嘅美譽。

二、常見問題

發問前請先細閱下列問題，
否則後果自負

加入醫管局篇

以下內容部分圍繞行政助理(Executive Assistant - EA)職系，其中初級職位包括二級行政助理(EA II)及三A級行政助理(EA IIIA)。連同2019/20公務員年度薪酬調整(追溯期至1.4.2019)，起薪點分別為$17888及$14031，以有關人力資源通告為準。

申請手續(只適用於接受網上申請嘅職位)
1. 從以下網址進入英文版招聘站，按下圖紅色方格中顯示為‘link’嘅超連結
http://www.ha.org.hk/visitor/ha_visitor_index.asp?Content_ID=2010&Lang=ENG&Dimension=100&Ver=HTML

2. 進入求職網站後，可從左側‘Staff Group’篩選職系。行政助理(EA)及文員(Clerk)屬‘Clerical, Secretarial and Supporting’


問1：新入職醫管局員工係唔係公務員？
答1：唔係，新入職員工會以醫管局嘅聘用條款聘用，並非公務員，唔會享有政府向公務員提供嘅附帶褔利。

問2：新入職文職人員嘅薪酬會唔會因以往嘅工作經驗而有所調整？
答2：唔會，只會以該職級起薪點聘用。

問3：行政助理(EA)周年增薪機制係點？
答3：以薪幅制度支薪嘅職系，包括行政助理(EA)、病人服務助理(PCA)及運作助理(OpA)，冇所謂「跳Point」，取而代之係周年奬勵(Annual Award - AA)，即基本薪酬每年遞增2.5%，以頂薪點為限。

問4：公務員年度薪酬調整(Annual Pay Adjustment - APA)對人工嘅影響？
答4：醫管局僱員嘅薪酬會跟隨APA調整。因此，EA嘅薪酬會按①公務員年度薪酬調整(APA)及②周年奬勵(AA)調整。以2018/19年度為例，EA加薪7.12%(①APA=4.51%及②AA=2.5%)。

問5：行政助理(EA)同文員(Clerk)呢兩個職系有咩分別？
答5：兩者工作內容大致相同，但EA嘅增薪機制、褔利都比Clerk差，詳情可參閱下圖：

二級行政助理(EA II) v 初級文員(Clerk III)薪酬福利比較圖


問6：大學FG可以申請咩職位？
答6：FG可直接投考EA II，EA II亦有唔少有工作經驗嘅外人或現職EA IIIA申請。近年越嚟越多FG選擇先入職EA IIIA吸取工作經驗，再投考EA II或Clerk III。

EA IIIA分為以下兩類：
1. EA IIIA：非病房環境工作 (建議)
2. EA IIIA(Ward)：需要喺病房工作，入職半年後薪酬會加10%，做滿三年可以升EA II(Ward)

問7：每星期返幾多個鐘？
答7：每週工作時數為44小時總工時(連5小時食飯時間)。

問8：邊啲部門嘅流失率最高？
答8：OT三巨頭(Procurement、HR、Finance)、HIRD/MRO及QEH Q&S。但有人相信，以上部門提供較多嘅晉升機會，可以平步青雲、步步高陞。

問9：醫管局有冇晉升機會？
答9：醫管局冇自動晉升嘅機制，所有職位都要自行申請。一般而言，EA II可以投考Clerk III或EA I。

問10：邊啲部門有較大機會晉升至主任級嘅職系？
答10：主任級嘅職系泛指院務主任(Hospital Administrator - HA)、行政主任(Executive Officer - EO)等職系，主要設於行政部門，例如Procurement、HR及Q&S等。因此有志投考上述職系者，宜考慮入職部門。

開Post #1 Template
https://docs.google.com/document/d/1ZzfByAA0thfBQTx6FraF2tNnq039dvn_eeAgXXSlU1M/edit?usp=sharing
開Post #2 Template
https://docs.google.com/document/d/1OgpchFbfLt6fh2-r0al_Kk6EbuMJTSoCezBaJVneaJE/edit?usp=sharing

問11：有冇內定嘅情況？
答11：內定即係預留某個晉升職位予部門內嘅現職員工作提拔之用。由於HR政策所限，部門要經公開嘅遴選程序晉升屬下員工，所以會出現所謂「大龍鳳」嘅情況。上述情況喺初級職位，如EA II，中唔常見。

問12：申請職位後幾耐會安排面試？
答12：多數喺截止日期後一個月內以電郵通知面試。

問13：面試當日設技能測驗／筆試，會考啲咩？
答13：參考以往經驗，技能測驗多為中／英文輸入及一般商業電腦軟件應用，例如Word、Excel等；筆試則為實用文書寫。

問14：面試後幾耐會有消息？
答14：面試後兩個星期內冇任何消息，可以假設為落選。如果面試後HR安排體格檢測，喺程序上已被取錄，待通過體格檢測後正式取錄。

問15：體格檢測有咩項目？體檢後幾耐會有進一步消息？
答15：檢查項目包括度高、磅重、視力測試、小便化驗、胸肺X光及血液檢測等。不定，快則兩星期內，慢則一個月以上。

現職員工篇

問16：我現時職級係EA II，轉職Clerk III後薪酬會有咩變化？
答16：Clerk III薪級為醫管局一般職系薪級表(HGPS)第2點至第9點，另享有隨薪級遞增嘅每月津貼。現職EA II轉職Clerk III，會根據基本月薪，定為最接近而不低於轉職前水平嘅薪級點。假設轉職前基本月薪係$16994，薪級點將會定喺HGPS第6點($17855)，另享每月律貼($1482)，總額為$19337。

問17：我申請咗醫管局其他職位，現任部門會唔會知？
答17：每個遴選程序都會保密，因此部門唔會知悉屬下員工申請其他職位嘅資料。如果成功獲委任至其他職位，現任部門會喺申請人簽署應聘書後經由HR通知，以安排調職手續。

問18：如果獲其他部門委任，調職需要等幾耐？
答18：由簽署應聘書日期起計，委任為不同職級最長需8個星期；相同職級嘅調任要先喺原部門服務18個月，及後最長需12個星期。申請人嘅現任部門可同意較早嘅調職日期。

問19：我可唔可以從事有薪嘅外間兼職？
答19：僱員須事先得到醫院行政總監(HCE)批准，才可從事有薪外間兼職。有關申請表格可從HR索取。根據《人力資源政策手冊》第H7.10.1條，僱員如未經事先批准下擅自從事外間工作，將會受到紀律處分。

問20：乜嘢係SDR？
答20：SDR全寫為Staff Development Review(中文：職員發展檢討)，係醫管局嘅appraisal system，每年進行，分為6級：
⑥ 超卓 Outstanding
⑤ 優良 Superior
④ 良好 Good
③ 有成效 Effective
② 尚可 Marginal
① 低於工作的要求 Below-standard

問21：會唔會唔續約？
答21：續約與否，將視乎有關員工係咪受聘於有時限嘅職位。此外，工作表現惡劣者可被縮短續約年期，甚至或不獲續約。

問22：可否轉為常額形式聘用？
答22：新入職醫管局員工起初會以合約(Contract)形式聘用。按照現行嘅人力資源政策，工作滿三年及達到指定SDR評級，可申請該職級轉為常額(Permanent)形式聘用。

三、參考資料

聘用條款／福利

新入職合約全職行政助理(EA)、病人服務助理(PCA)及運作助理(OpA)

試用期
6個月

約滿酬金
合約期內每月底薪總額嘅5%

年假
1至少於3年：10日
3至少於5年：12日
5至少於10年：14日
10年或以上：21日

病假
第一年：24 日全薪
第二年：48 日全薪
第三年及其後年份：48 日全薪

醫療福利
僱員及其合資格家屬均享有免費醫療服務，包括門診及住院服務

終止服務
試用期嘅第一個月內（唔需通知或支付代通知金）
試用期嘅其餘時間內（2個星期嘅書面通知，或支付2個星期嘅代通知金）
試用期滿後（1個月嘅書面通知，或支付1個月嘅代通知金）

臨時全職

試用期
無

約滿酬金
無

年假
按《僱傭條例》提供【7日。受僱滿3個月後方可放取】

病假
按《僱傭條例》提供【每服務滿1個月，便可累積2日有薪病假。病假不少於連續4日，可按累積嘅有薪病假領取疾病津貼。疾病津貼嘅每日款額相等於每日平均工資嘅五分之四】

公眾／法定假期
按《僱傭條例》提供【受僱滿3個月後方可享有假日薪酬】

醫療福利
享有免費醫療服務，包括門診及住院服務

終止服務
7日嘅書面通知，或支付7日嘅薪酬代替通知

唔小心中左1001

如有意申請加入HA巴絲Telegram 群組，請PM下列TG並註明LIHKG稱號/／現任部門
https://t.me/soulofocean

想問一問本身如果到驗身通知，body check結果正常係咪已請你？
因為本身佢話驗身要2次，但我第一次去只照左肺，跟著叫我再約時間來，
到後尾佢比左個時間我，我來唔到，到我再改左做23/1 再去第二次，
咁樣的話係咪冇問題的？

KCC offer?

港西

感謝巴打，依家安心d

想問一問本身如果到驗身通知，body check結果正常係咪已請你？
因為本身佢話驗身要2次，但我第一次去只照左肺，跟著叫我再約時間來，
到後尾佢比左個時間我，我來唔到，到我再改左做23/1 再去第二次，
咁樣的話係咪冇問題的？

好似話驗身同收到通知返工要1個月，
我個陣有問hr。

都好快姐

唔好意思，都想問一問HIRD/MRO、QEH Q&S即係post？

Lm

有冇人知道ea2入財務部做乜
本身讀嘅嘢同數字無關
好耐無掂過數

Lm

你個咩問題嚟? 睇唔明

HIRD/MRO、QEH Q&S即係乜？
有冇長寫？

ea2 finance?

愛HA LM

呢d流失量都大？

其實冇話流量大唔大，只有老細惡唔惡頂
惡頂咪大，晉升機會咪大
唔惡頂咪細，但你又冇位上

係呀

你interview時應該有話你知入乜team架？

我in various department ar
Offer果時先通知我邊個department

有冇人知TMH EA3A HR 請幾多個人

囧，我一interview已話我知係payment team

收到QE Q&S ea1 interview 係咪大伏位? apply左2個星期就有interview

呢個位上一次出interview 係9月定10月，QE Q&S EA 2, EA 1長期請人。QE/KCC Q&S 好出名