[人夫輔導] 係咪要離婚先解決到？

佢同得你一齊 嫁得比你 就預咗一世都同你一齊依靠住你
你覺得佢離開咗會舒服啲 都係你覺得
如果佢明知自己離開會舒服啲係事實嘅一早走咗 明知留底都冇好結果 洗比面你？
佢留低就一定有佢原因

So 樓主老婆癲都正常，個老公又 on99 又 sp， 仲成日嫌棄佢 自己返工返到勁大壓力，返到屋企又要對住依依哦哦+雞蛋挑骨頭+單單打打嘅老爺奶奶，仲要對住搞嘅唔聽嘅仔仔，好難唔爆燥
Btw裝cam喺屋企可能會搵到佢勁躁嘅原因， 帶佢去放鬆下重拾愛嘅感覺，之前睇過好多我的四大長老嗰啲page好多都係因為老爺奶奶+ 老公處事不公而離婚

你要帶佢去睇醫生

有時情緒病真係要踏出果一步去解決

脾氣咁差都同佢結婚? 係咪唔小心有咗結婚?

其實聽過好多人夫講
本身未婚都諗住就下
一齊住/生左小朋友/同埋家人住更多問題
所以本身兩個人已經有啲問題真係唔好諗住結完會解決到

已經請左工人唔駛湊仔，經濟收入都已經樓主包底
你咁受得無揾其他女人實屬難得
個人覺得應該要振夫剛
無可能比個老婆無理取鬧落去

哦，當我無講過
無安全感氹幾多都無用

假膠post還假膠post..
真唔真心post自己睇啦on9仔

睇黎你都唔係好愛你老婆
有咩事唔係諗點去解決
即刻就想離婚

你老婆係咪好想自己教好個仔又教極都唔好所以好大壓力先？

你要知道佢壓力嘅原因先，係作為媽媽太大責任定咩？如果係缺乏經驗，唔好一嚟就帶佢睇醫生=話佢有病，同佢講搵人幫手，例如問下老師意見可以點教而唔係鬧，例如講故仔教...

你用佢歷史否定佢之前，希望你可以明白其實唔係每個女人天性原此，作為媽媽嘅責任都唔係你想像中咁少，學下處理大家情緒同包容，加油

我同你個CASE好似,可能仲勁過你, 我比佢攪到有驚恐病, 一齊左8年, 唔出聲又屌出聲又屌, 一定要逼到你發脾氣, 發脾氣真係身心好累, 好難受, 最L攞命係佢每次都會即刻講SORRY, 過左一陣話我都講左SORRY你仲想點又再屌過, 你之後扮無事拿, 過幾日又黎過, 全部嘈交都係無意思無meaning個目的就係互相傷害, 日日睇到佢真係好攞命好似唔知要幾時爆講野又要小心佢發脾氣又唔想同佢頂, 屈住屈住真係好難頂, 我一直為左D仔女唔想係佢地面前嘈交, 但佢偏偏就要, 樓上話有無傾過諗辦法, 我同你講我咩都做過, 叫佢睇醫生又試過, 咩都試過, 佢係根本唔會同你配合, 佢覺得佢自己根本無問題, 之後同佢身邊既人朋友家人講勁多大話話我點唔好點唔好, 3姑6婆一齊數臭我, 佢就會話全世界都支持我就係你錯, 我一開始都有同佢地解釋根本無咁事, 之後就真係唔想理佢地, 覺得好L煩, 依個亦都係佢既目的。
日日返屋企好似困獸鬥, 出聲又死唔出又死, 上黎連登SEARCH下離婚搵下D自我安慰見到D個POST忍唔住要回復, 話樓主果D真係好表面, 都咁多年, 你估佢真係咩都無做過咩, 樓主我唔知, 老實講我咩都做過曬依家好迷網, 身心俱疲!