[人夫輔導] 係咪要離婚先解決到？

第一下見到你叫佢契弟都停一停

講講下又似係
似係個老公唔理佢，唔多care佢
所以老婆脾氣就越發越勁，情緒積埋積埋

佢第一個諗法都唔係搵根源去解決問題，直接就已經諗離婚

唔識教唔好生
個仔你有無份?

其實你會唔會都覺得自己太無問題
另一半情緒有問題 我睇字淨係覺得你死忍
個態度又係怪晒落對方身上
如果佢真係有情緒問題 你又覺得自己會完全無責任? 單純佢唔想解決問題?
邊有情緒病嘅人係想面對嫁大佬 想就唔係有情緒病啦
知你係好辛苦 但所謂傾又傾過呢啲完全BULL SHIT
傾兩句解決到就唔洗搵醫生啦
佢唔肯去咪試多幾次
用唔同方法 試到肯去為止 陪住佢一齊解決
係辛苦唔公平嫁喇 學你話齋 唔識做人老公 當初就咪撚結啦嘛

你係咪誤會左D野？？
我唔想教仔？？我而家情願晚晚自己教喎..
你都幾撚癲下，我邊句講過唔想教仔？

再講
你結婚之前都知佢閪脾氣嫁啦 咁你又結

我係叫過佢睇...佢唔睇...
你又唔追下POST....
我講離婚係咪好D，其實係唔想佢辛苦
佢講過係屋企好辛苦，情願返工...........

追下POST OK？
我有工人，同唔係同我家人住..........

巴打，睇得出其實你同你老婆都好辛苦

其實一個人嘅壓力嘅來源主要可以分為三類

第一類就係一啲重大嘅事件，例如話而家嘅中國肺炎，同時搞到成個香港嘅人都好憂慮

第二類就係個人層面嘅，例如話係工作方面太忙啦，例如話係冇錢洗啦，例如話係個仔成日扭計令到佢質疑自己有冇能力做好媽媽啦，又或者係啲朋友同佢政見唔同，走去杯佢啦？呢啲都係個人層面嘅壓力來源

第三樣就係來自於你所生活嘅背景，簡單啲來講就係你嘅日常瑣事，可能好濕碎，但係成日都要對住，壓力就會越積越多

有好多時，雖然可能好多人都要面對同一樣嘅事件，但係就住每個人對於嗰啲事件嘅理解同埋引申出嚟嘅聯想唔一樣，相同嘅事件可以響唔同人身上造成唔同嘅情緒反應，而呢一啲嘅情緒反應又會引發各種因人而異嘅外在嘅表達方式

影響壓力程度嘅因素，除咗係嗰個人對於嗰啲事件嘅理解之外，同埋佢哋賦予嗰啲事件嘅意義之外，亦都好關乎話佢響呢件事件當中，佢認為自己能唔能夠好好地去處理，如果佢覺得自己係冇能力處理嘅話，即使響其他人眼中係好小嘅事，如果踩中當事人一啲好着緊嘅範圍，都會觸發好大嘅情緒反應，再講多次，呢樣野係因人而異嘅

而佢哋會用乜嘢方向去估計自己能唔能夠好好處理呢啲壓力來源嘅事件呢，視乎幾樣野，例如話佢哋諗唔諗到方法去減輕問題啦，例如話佢有冇得揀定還是要硬食啦，例如話佢有冇足夠嘅資料去分析呢單事件啦，又或者佢諗到方法之後佢有冇能力去實行呢？

當然啦，響成個過程中，佢自己嘅性格傾向係點樣，佢由細到而家經歷過啲乜嘢事，識過乜嘢人，全部嘅因素都會堆疊埋一齊去變成佢而家呢一種結果啦

如果只係聽你嘅形容嘅話，的確係有可能佢嘅情緒反應係同佢生左小朋友有關，但係係唔係真係有情緒病，又係唔係真係同佢產後有冇抑鬱有關聯，呢樣野最好小心處理，即使你希望佢去睇心理醫生，亦都要顧及佢嘅主觀感受

因為，假設，只係假設啦，佢嘅情緒反應，佔好大部份係同佢處理親子關係嘅壓力有關，而你又響叫佢睇醫生嘅過程當中，俾到一種負面嘅感覺比佢，佢有可能會再進一步質疑自己做人媽媽嘅能力，變相令到壓力更大，情緒反應更激烈，呢樣野我相信你唔會想見到

尤其是係華人社會，媽媽呢個角色，已經要背負好多嘅責任同埋期望，如果再進一步去打擊佢嘅，講到好似係（只係）佢有問題咁樣，就算未出事都會變有事

要紓緩壓力，有幾點可以參考

第一點，就係情緒上面嘅支援，例如關心，同理心，俾佢感受到自己係受到重視，有人願意去理解同埋照顧佢感受

第二點就係培養佢嘅自信心，多啲對佢所做嘅嘢表達感謝，找出當中做得好嘅部份予以讚揚同埋鼓勵

第三點，響佢忙碌嘅時候，希望你可以多啲提供實質嘅幫助，包括係幫佢搵相關嘅資訊啦，甚至乎你落手落腳去幫佢分擔一部份工作，呢樣野師兄你話你已經做緊，係好嘅，請繼續

之後，就要透過社群嘅幫手啦，例如話佢身邊嘅朋友啦，佢屋企人啦，不過千萬千萬小心，佢而家情緒已經比較低落，萬一佢誤解你周圍唱佢有問題，就唔係咁好囉，如果我係你，我就會停一停，諗一諗

樓上有師兄提議去搵婚姻輔導，甚至乎去見中醫師，你會唔會考慮下？有時有啲嘢對自己親密嘅人講唔出口，對街外人反而比較能夠敞開心扉

聽你描述嘅話，你老婆已經有好明顯嘅壓力爆錶嘅症狀，包括係情緒上面有時會自己都控制唔到自己啦，包括係對身邊嘅人好容易會採用負面嘅態度啦，如果佢同時表現出其他方面嘅問題，例如話做嘢Hea左，例如話頭赤赤周身唔聚財，例如話做好多嘢都冇心機，瞓又瞓得唔好嘅話，希望師兄你可以更加快做決定唔好再拖

我無話過我無責任咁
我陪左佢一年，用過好多方法
我無講出黎姐
可能佢都忍緊我架，佢對住我好辛苦都唔出奇
咁所以我咪同佢傾
咁傾佢又唔肯，如果我講睇醫生，佢又發癲
咁我應該點做？
睇你都係專家黎，教下小弟OK？

即係b？
佢唔想面對做父母嘅責任？定係你冇一齊分擔呢個責任？

師兄希望你唔好介意我把口比較說，其實呢你講嘢呢所用嘅字眼呢，可能會導致佢對你有誤解

你一開口就踩住佢條尾，佢梗係唔高興啦

帽已戴

咁響未確定情況之下，就不停用「情緒病」呢個字眼，去加強樓主對於「老婆有問題」嘅主觀感覺，又係唔係真係幫得到件事呢？咁樣只會更加強化樓主嘅主觀偏見

對相關範疇有認識嘅人，按着佢哋嘅知識提出佢哋嘅觀點，原來係廢物？正視聽都唔得？

回想一下當初令你同佢走埋一齊結婚既原因

定係會唔會係響屋企有一啲濕濕碎碎嘅事令到佢覺得好煩，但係又濕碎到唔知點樣表達呢？

你哋去旅行嘅時候，有冇帶埋個仔？對於教仔，佢嘅理念同你相唔相同？佢對於佢自己嘅要求，又會唔會好高？

誰對誰錯都好，我擔心師兄你後悔姐

咁不如你講吓你同佢係點傾先
語氣態度都好重要 DETAILS啦

第一, 聽講過產後抑鬱可以係生完之後過1-2年先發出黎
第二, 如果佢真咁唔想同你生活落去既話, 應該連同你講野都廢時,
唔會係度係咁爆, 爆完又算
佢唔肯傾,其實會唔會係以前/更耐之前,
佢係有同你講過一D野佢既困難/對你既不滿,
(同一件事由出現過唔止一次)
而你又覺得其實係好小事,所以無理/好返2日又再重覆?
佢呢D情況其實可能係對你唔夠信心...

睇到呢度最擔心係小朋友
其實她唔愛自己仔女點解要生? 生仔這個決定係點黎的?
如果佢根本未準備好去接受仔女的生命做一個母親，那個壓力真是每一刻都會爆，如果加埋更年期就更可怕
小朋友同母親的關係是不可取代的會影響成個人格建立，唔係有工人照顧就得，如果感受到母親忽視自己，自然就可能會用喊來嘗試取得母親的注意力……
唔係長期觀察唔會睇得準，揾專業輔導傾下啦，當是你自己都要釋放下

佢鬧你係鬧D乜