獨裁政府最鍾意噤聲，因為民望從來都冇喺佢哋嗰邊，而且佢哋仲要呃班警察，呃佢地以為「正義喺佢哋嗰邊」，所以連儂牆會被拆，驚落嚟嘅大陸人同藍絲見到；遊行會被腰斬，驚200萬人齊上齊落到上曬國際頭條。
但，香港人創意無限，點會畀呢啲卑劣手段嚇到？政府迫我地智取，一於出呢一招 => 【流動連儂牆 / 全民文宣】
大家有冇發現，每逢和理非活動 (e.g. 和你LUNCH / SHOP…) 及大型遊行，都會有人手舉文宣、背囊掛上標語、用手機展示訴求/叫人加油。沒錯，這個很對，而 99% 的香港人都認同，我地而家嘅方向就係【抗爭日常化】。
點日常化呢？最好每次出街，日日舉文宣。
如果你認同連儂牆係有用，可以有效表逹民意，發放資訊畀街坊，咁流動連儂牆絕對更有用。試想想，旺區/商場/朗豪坊/時代廣場/銅鑼灣東角道/中環LUNCH條街，條街咁迫，個個舉文宣，香港人真正打造【流動連儂牆】。
如果成條街都係文宣，記者咩角度影，點都上國際新聞啦！表達訴求，唔使等民陣搞遊行，唔使等大時大節，總之Every Day文宣！
咁當然就要講，點樣實行呢？你知，香港人心理關卡莫名地高，所有計劃都要循序漸進，由Safe Mode開始，再慢慢行動升級升Level。如欲一步登天，成件事只會胎死腹中/連登討論沉底，或者惟有再等民陣搞活動再俾黑警腰斬囉。
Safe Mode建議操作：
1) 時間&地方：黎明時段 [返工期間] + 返工繁忙街道 & 港鐡MTR
2) 時間&地方：LUNCH + 商場/食店
原因：人多做合法野最安全 + 黑警如果為左捉人舉文宣而入商場/食店/港鐡，咁要多謝哂佢地幫手[黎明行動/和你SHOP]，Thank you very much-ch!
Safe Mode 舉文宣：
1) 真係揾隻手舉 …
2) [和你SHOP時見過] 揾張文宣，黏喺水樽，拎住水樽行街
3) [搭巴士實測過] 搭巴士，揾張文宣，黏喺窗到，Bluetape最好，可重用
4) [和你SHOP時見過] 掛口號去背包
5) [人鏈時見過] 揾張細文宣，黏喺口罩，戴口罩行街
6) 大家再Brainstorm啦 (有咩時尚造型？)…
原因：Blackbloc遇到黑狗，走唔切，換唔切衫；但上述方法，和理非細膽的，見到狗即可收埋，得左 (話明Safe Mode)！
Safe Mode 文宣：最好係老少黃藍咸宜的口號 – e.g. 成立獨立調查，止警暴，還我公義
!!! 提一提 !!! 記得d字大大隻啊… 粗口果d留番大家Level-Up先，再慢慢X人全家啦
我真係好期待，日日成條街個個人都話要查警暴，你仲想呃邊個？
和平遊行都捉成400個細路仔，仲等遊行先五大訴求？！
唔理大家做唔做啦，聽日開始，我會拎住水樽周街走 … 希望遇到同路人 [其實早前SHOP時代已經見到d ]！
抗爭，唔係要揀日子呀嘛？！
抗爭日常化 全民文宣
多你一個好多
