啲中醫撚真係痴撚線，講咩陰陽五行就學人睇左醫病

中醫依d野間唔中睇下陶冶性情就算啦

上面反中醫人其中一個論點係中醫理論問題
唔科學或者解釋唔到之類

但係成效唔一定要由分析基礎理論開始
有成效就係好
其實就係咁
有成效之後想再搵出點解同求真
當然係好事
其實西方科實實驗都係有結果之後再搵番點解

中華文化一直都唔講求科學分析頭腦
無一個好科學化既架構係好正常
不過呢個都係進步唔到既原因之一
但一直以來，想更加醫到人呢個心係有人有既
會鑽研
但係無科技，想研究點解真係無可能

暫時無一種醫係萬能啦

或者咁講
如果單純講A藥草醫A病 B藥草醫B病既話
中醫真係全世界草藥學既權威
但因為中醫套理論實在太ON9
而最ON9既係真係有中醫信佢套理論去應用
例如:假設A藥只能治療A病
中醫睇完A藥性質(味甘,性溫,入肝腎經,入手足、少陰、厥陰經.....)
中醫:根據我既理解A藥其實都可以對應F病H病......
咁就仆街了

我係西醫代言人

西醫成日都推翻自己以前既結論架啦
今日啱都唔等聽日啱
唔好太迷信西醫

最多可以信佢係進步中

人哋所謂嘅推翻係大多都係更新研究或者有一個更加完善嘅報告
即使嗰啲俾人推翻嘅研究本身就已經存在咗一啲漏洞
講到尾都係有一套邏輯系統
唔係迷信

中醫又好西醫又好
好似一種語言咁
個語言有自己一個系統

你問既係
點解中文要叫一張枱做一張？
點解要有量詞
英文無架喎 A TABLE 就得
點解有量詞咁鳩
個系統就係咁
你可以話佢鳩既

我有提過，陰，係物質營養
陽，係新陳代謝
咁好奇怪咩？
五行係特性特質
比如水，水係下沉而流動
代表活動中 (滋養身體中) 既營養
土係潛藏既營養之類

任何東西屬性唔係話佢只係果個屬性
係佢以該屬性為主
例如腎屬水，係佢以水為主，但係一樣有齊五行係入面
而佢係主理水，即活動中 (滋養身體中) 既營養
你問點解腎係水，咁點解膀胱係儲尿唔係儲屎？
咁佢係咁既功能呀嘛，無得點解架喎

黑芝麻，入面既氨基酸抗氧化物同營養啱啱好對腎功能有幫助
咁咪養腎囉

我都算有心機喇答咁多
你要我解哂你聽我唔制架喇
有心自己研究，無心咪繼續當中醫鳩吹囉

我同意西醫既推論取證研究等係好過中醫
但係係咪等於要推翻哂中醫全部野
兩回事

即係暫時唔可以一味話西醫好
因為西醫未完善
兩者咪當互補下囉
到西醫好撚掂當喇
唔要中醫都無咩所謂

魔法黎

四氣唔係中醫療法

按摩原來唔係中醫療法

長知識了，，，，






柒夠未呀你，捨得搵窿捐未啊

笑死，唔要中醫

不過算啦，小學雞多數都係今天的我打倒昨天的我

月經post

巴打好明顯唔太熟中醫
我當你個a病係感冒
感冒已經可以有好多種辨症
有寒有熱有濕...etc
所以你睇下中醫開比感冒病人都唔會個個一樣啦
你估好似西醫咁hea 個個都收鼻水 抗敏 消炎咁開咩
你講既a病就食a藥有用 係三姑六婆style 既巫醫
你覺得伏係好正常
西醫唔敢用herbal medicine 係yes and no
大把外國研究開始搵藥材既化學成份去用啦
全世界都知再咁玩抗生素會冧球鏟
再者中醫補既醫法 西藥都暫時做唔到啦
唔信你問下用西藥調經果d人停左藥後又會唔會斷到尾同生唔生到仔
西醫係diagnostic test上係勁
但好多病搵到原因都冇得醫
識好多例子 中醫反而搞得番
仲有西醫有個term叫idiopathic
我用中醫又反而解釋到個病係咩事 又有藥醫到
咁係唔係都要全盤否定中醫係垃圾先
次次醫好 你都話好彩
小小肝腎問題就話好耐之前食過中藥所以中毒 其實個個都可以咁亂吹 但係唔係真相又有邊個知
身為香港人接觸到中西方既知識真係好幸運
點解唔好好研究點利用兩方長處去互補不足呢
用陰陽五行係難接受到理解
但你唔識既野 係唔係代表錯先

奶嘢嘅人多數邊度睇中醫？
如果我去公立醫院嘅中醫部門睇會唔會好啲？

屌你醫生都係人黎架咋
唔靠儀器你估用金睛火眼啊？
用儀器同佢有冇醫術冇衝突囉好唔好

中醫補身其實補緊嘅係乜嘢？
係咪其實只係補咗啲營養素
要補木營養我去consult 營養師設計一份餐單
食到我體質健康返唔好

其實中國古人好迷信，所以為咗使人信服，好多嘢都會用陰陽五行去解釋，古籍其實有記載用藥其實古時係用人直接做臨床測試，得出黎的數據再去鑽研同改良藥方。藥方其實都有不停改進，現代中醫有科學去研究同支持，響藥方方面都有改進，因為保育問題，有些中藥藥方響現在科研下已經研究出使用其他草藥去取代熊膽……等等不人道的藥物，其實中醫都有自我去改良。

現代人唔信中醫就係響呢度，有大學研究過一碗中藥的成份，點解可以改善體質，發覺碗藥分解到幾百種唔同的物質出黎。問題就黎喇，研究係邊幾種物質加起黎的化學作用可以得到改善體質的效果呢? 如果要研究，投放的資源係天文數字，加上中藥藥方咁多種，跟本唔可能有人出咁多錢去攪研究，所以到依家中國都有絕對的科研去解釋得晒啲藥性。

同cc台4大法師一樣 9up都有人信

現代人唔信中醫就係響呢度，有大學研究過一碗中藥的成份，點解可以改善體質，發覺碗藥分解到幾百種唔同的物質出黎。問題就黎喇，研究係邊幾種物質加起黎的化學作用可以得到改善體質的效果呢? 如果要研究，投放的資源係天文數字，加上中藥藥方咁多種，跟本唔可能有人出咁多錢去攪研究，所以到依家中國都沒有絕對的科研去解釋得晒啲藥性。

功夫一樣

咁你可唔可以出嚟指點一二？
小弟真心想學啲嘢非引戰

FYI
西醫未有細菌學前都係玩火水土氣平衡學
更on9仲有放血之類
中醫係停留左係古代trial and error學說
唔等於佢唔work

未有細菌病毒學說前
歐洲人都係觀察出 傷風來自Bad Air
同亞洲 「風邪」同義
咁係有顯微鏡先知係病毒搞成架姐

未有抗生素呢隻神藥出現前所有「藥」都唔係殺死病源體而舒緩病徵
以前西醫仲痴撚線用水銀試殺病源體

西醫用近代科研提取有咩化合物可以有效臨床測試証明有效
中醫其實都係臨床測試 但佢以千年經驗得出有效定無效

點可以一口咬定佢冇用？
個草藥有某種active ingredients有效
所以中醫會用
要將佢「西化」就係抽果樣野出黎
19 20世紀西藥都係咁做

陰陽乜春學說係古時試解釋點解會咁
現代聽落咪覺得做乜鳩
病毒就病毒啦下話？
其實又駛乜咁執著？
佢整得走你病徵就OK