事緣:朋友們 (3名年輕男子) 在海港城認真地逛街,被黑狗查截 Stop N Search,而且被查了足足3次。
然後,忽發奇想:中共最叻就係搵臥底扮黑衣人,正所謂:故弄玄虛,真亦假時假亦真。
所以,Clean slate手足 (不論和理非定勇武都可以) 絕對可以大搖大擺地 “和你Shop”,博黑狗注意同 Stop N Search,當然事前自己背包/手機要做足清潔。唔好以為無用,反正黑狗點都係亂Check人 (我朋友真係去行街),Check中真手足仲衰,果日無勇武任務在身/需要休息的可以幫手被 Stop N Search,分散注意。
如果被查師和前線合作無間,其實仲可以有無限著數,自行想像。
當然,任何職業都有風險,自行衡量,面皮啊/被罵啊,但做足準備被查 點都安全過 真手足被突查或拘留。Not to mention 經常咩都查唔到的挫敗感。
想親親狗狗,又唔想下下郁手裝修,可考慮此職業。
關鍵係,點先可以博取注意?根據朋友經驗,年輕男子,黑風褸,背包,3人行,實BINGO。外表異常朋友可能例外。
另一關鍵,點先可以保障安全?既然有被查的打算,大家識架啦,開Live Cam/ FB 直播/ 朋友中距離Live/ 記者附近/ 阿爸阿媽前面等緊我/ 外國老細等緊我開會/ keep張附近消費單/ keep張附近店宣傳紙/ 優先考慮多遊客區/ 裡應外合/ 帶部Nokia去 …
另二關鍵,既然係 Buy time,大家拖得就拖,大家打份工啫,咩都慢慢 …
嗱,行街無話過無風險。我其實真係去行街,買名牌,飲星巴克,吸新鮮空氣,唔抵得朋友咁受歡迎咋!
同埋,和理非要進化啦,增加參與度,先感受到 Christmas Shopping 的氣氛。
都係果句,有第一個先有第二個肯做,多你一個好多架啦。