男朋友唔肯送你返屋企係咪等於唔愛你？

佢唔送都算 叫你扮佢有送真係好撚戇鳩
咁樣講得出即係佢自己都知其實要送啦 只係懶到少少事都唔撚做
已經唔係送唔送返屋企嘅問題 係由呢件事睇得出佢根本唔太上心
呢啲男朋友都唔知要嚟做咩

咁佢有冇叫你夜晚返屋企小心啲個啲？或者有冇問你返到屋企未？

自我中心Lor , 未必唔愛既。只係佢愛自己多好多...

通常都係各自返到屋企就會自己同對方講

開埋聲都唔送都好垃圾 至少有個原因都好

冇時間啦25號截止，極度要人幫手!
https://lih.kg/1782422
- 分享自 LIHKG 討論區

你點解覺得條仔愛仔佢? 又點解愛佢又會唔錫佢??

要傾要有共識 你冇安全感喎

係 分手lo咁

如果男友個個都送返屋企，即係佢以前d ex或女性朋友，唔係淨係送你一個代表咩？

你夜左返到會唔會chur你先平時都緊張你嘅？

公仔個到好離譜下

咁我肯送你返屋企 係咪代表我愛你

未必既

我同女友拍咗7年拖
基本上出完街99%我都會送佢返屋企
(佢同我屋企大慨30分鐘車程)
送返屋企嗰陣大家都會keep住傾計
都係珍貴嘅相處時間

如果將送女友返屋企當做「交差」
其實都會幾辛苦

我同男朋友都係一個鐘車程
我住mk佢住元朗
但好多時都係佢就我出黎
因為佢屋企遠我冇要求佢送我番屋企 而且都知佢番工辛苦想佢多d時間休息
不過如果我開到口或者有樓主呢個攞重嘢情況
我都信我男朋友會主動同我番屋企
因為真係愛你嘅男人唔會想你辛苦
而且都會考慮你嘅感受

我覺得係樓主男朋友唔夠愛你
同埋佢人品都幾有問題 點解自己做得不足嘅地方仲要人講大話
而且當你講到屋企人對此有微言
佢都係咁嘅反應 其實呢個男人根本冇同你想行得長久
因為佢都唔在乎你屋企人嘅意見 覺得有冇好印象都冇問題
呢個男人靠唔過
樓主趁早分手啦

一齊一年都無要求過男朋友送返屋企
其實好浪費時間，又舟車勞頓...仲晒錢
星期六日都還好，閒日送嚟送去真係會好攰
（唔捨得男朋友咁攰仲走嚟走去）
但落車之後會打畀男朋友傾到入屋為止
除非病咗/要拎主嘢 男朋友都會主動提出送我

其實無男友之前咪又係咁返屋企 當然送係幾warm
但睇唔到送既必要性

係其他方便會緊張我，唯獨係呢一方面

我次次都送女朋友返屋企先自己返,我住沙田佢住坑口(次次都12點後)
今日病得好勁,佢無關心過我,淨係唔開心我出唔到黎陪佢
(尋晚開始作病都出去接佢食飯,送埋佢返去先走,差d暈低)

sorry有少少離題,我直接d講,我覺得樓主男朋友唔夠愛你
真心愛你既,點都會擔心你一個女仔返去會有危險
同埋都唔想對方屋企人覺得唔可靠
所以,我覺得你有需要同佢傾下,或者溝通下

懶姐 好小事

但你地溝通過咁多次 佢明知你因為呢件事而唔開心 都冇送你返屋企一次 咁唔介意你感受 有啲奇怪喎
認同上面啲巴絲咁講 佢似係唔夠愛你 或者咁講 佢唔係個稱職嘅男朋友