男朋友唔肯送你返屋企係咪等於唔愛你？

我男朋友成日都唔肯送我返屋企，我唔係要求每一次，只係間唔中一次都得。其實我想佢送我返屋企只係想睇下佢究竟有冇心，係咪真係愛我。（如果佢好主動咁話送我返去我會叫佢唔使送，見到佢有想送我嘅心我已經好滿足好開心）

我同佢其實住得遠，大約一個鐘車程，所以我明白佢有時好遠或者攰唔想送。但係明明有時去嘅地方只不過距離我屋企係10分鐘嘅路程，佢都唔肯送。

最近有一次我中咗一隻巨形公仔，我估大約3、40磅到 ，（佢自己都嗌重嘅公仔），我希望佢可以陪我拎返屋企佢都唔肯（其實只係兩個站，不過之後要行10分鐘）。我聽到佢唔肯送我返屋企嗰刻其實真係好心淡，點解佢忍心女朋友自己一個拎住咁重咁大嘅公仔返屋企（隻公仔太大隻冇唔係好睇到路），完全唔會擔心下我。

平時通常都係我去佢屋企嗰邊，但係我從來都唔嫌遠，但係點解調返轉叫佢陪我返屋企佢就唔肯。

以前我都覺得呢個應該唔會係大問題，但係我慢慢發覺我越嚟越在意。其中一個原因應該係因為父母嘅壓力。佢哋對於男朋友呢個行為都好不滿，而家每一次返到屋企屋企人都會問佢有冇送我返屋企。果下我真係有啲唔知點答。

我有試過同男朋友討論呢個問題，但係佢聽到之後反而責怪我點解同父母講佢冇送我（利申：自己唔鍾意講大話）。而佢比我嘅答覆係叫我同其他人講佢有送我返屋企...（佢又話佢會改，但係講咗咁耐都唔覺有）其實我有啲唔明白點解佢唔真係我返屋企，而係叫我去講大話，將你塑造成為一位好好嘅男朋友（佢係其他人面前永遠都對我比平時好好多）。

我真心覺得自己係呢段關係上付出左好多，平時如果佢嫌貴我會買俾佢、為咗唔使佢出嚟咁遠我會去佢屋企搵去、成日都整甜品俾佢食等等。

為咗呢個問題其實我哋都有爭執過幾次，我依家都費事同佢嘈。因為我係重視佢有送我返屋企嘅心，而唔係送我返屋企呢個行動。如果逼佢佢先肯送就冇意思，因為佢根本上就唔係真心。

你地覺得佢係真係唔愛我定係我要求多？你哋嘅男朋友會唔會送你哋返屋企？希望你哋可以俾啲意見我唔係淨係叫我分手。因為除咗呢方面其他我哋兩個都好合拍，難得遇到一個適合自己嘅人唔想咁輕易就放棄。

記得要不推文！！！

男朋友付出唔夠多

係
可以分手

呢樣嘢真係睇佢自己識唔識做
要你開到聲叫 佢先肯送有咩意思
佢可能都送得唔情願

利申 雙方屋企車程半個鐘多啲 佢一年嚟冇送過 已睇化

我明白開到聲已經冇意思
我都希望自己可以慢慢睇化

前女友天水圍, 我旺角, 8pm後就送到佢屋企樓下, 8pm前就送到美孚西鐵站
佢識叫你講大話即係佢都覺得係要送, 但佢明知都唔願做, 如果佢連小小時間都唔願付出既, 你重留係佢身邊做乜?

一齊左幾耐？

咁近都唔送真係垃圾男朋友
利申，來回要兩個幾鐘，次次都送

就嚟一年半

呢啲垃圾一早要飛啦

唉但係如果淨係因為唔送返屋企呢個原因會唔會太兒戲

SOR 手快冇撳不推文

唔一定係唔愛你既 但你男朋友都幾自私

其實我想佢送我返屋企只係想睇下佢究竟有冇心，係咪真係愛我。（如果佢好主動咁話送我返去我會叫佢唔使送，見到佢有想送我嘅心我已經好滿足好開心）

我係絲都唔知你想點，你想人送但人地要送你又唔俾人送

有心自然會做多啲,呢樣野不能說要自己睇化
可能男友真係唔在意,都沒想過結果咁嚴重
但有時候有些事情有時不珍惜,失去時真的喊都無謂

大約一個小朋友重量啦 嗰隻公仔差唔多有我個人2/3咁大

利申：絲

可能我個人比較麻煩
我只係想佢有送我嘅心

真
就算是friend子都會幫