點睇連載左一年既電鋸人？

最近開始好亂
但我相信會好似炎拳咁 突然就所有野通晒

結論：暗之惡魔被呃左忽肉

咁我想問埋 呢個即係點？

用一條友既人命就可以帶十幾人來往地獄同地面好似有啲屈機
有冇咩潛規則未交代

話時話炎拳個結局係想講乜
下面劇透

D人偶有D似hunter 希索加打團長咁

「導演係佢最好既朋友 但千百年後佢已經唔記得晒過去
而電影院入面佢睇返電影拍低「炎拳」既一生 反而先有些小搵返佢自己」

關於睇電影呢度 我覺得作者處理得非常好
導演在救主角既時候 有一段內心對白：
再活下去也只要痛苦，然而為什麼他還必須要繼續活下去？
導演冇講出答案 只係對主角說要活下去

到左主角入戲院睇戲，作者終於將導演既回答話俾主角聽
而且個電影係導演拍，電影彷彿係導演送俾主角既遺物同遺言。
對於主角黎講，導演係佢既人生老師

我覺得佢並唔係揾番自己，而係揾到活下去既動力。
炎拳既形象象徵人即使處於惡劣環境下都可以璀燦地燃燒自己生命。
主角係由炎拳中揾到活下去既激情

仲有，主角失憶後俾人叫老師
主角就好似老師咁，透過佢既人生，教識我地要點樣活下去

3個細路條命係畀地獄惡魔嘅祭品
1個係留返做人偶惡魔嘅新人偶，因為個阿伯同托里加準備用完即棄

作者比起漫畫家 更似一個小說家

BTW 巴打睇得通透好多

其實我覺得托里加一直唔係人偶
去到最尾寄佢落去先整佢做人偶

佢似電影導演

唔使覺得，劇情不嬲係咁講

見到電次最後果頁，這不大奸角才會做的手段，笑撚左，下一話肯定照斬到人偶碎曬

可以睇下
https://lih.kg/1949094
#25，29
因為自己真係同意係同卡諺的荒謬有關
再上面講生存需要自欺欺人都好合理
印度教都有講過神用摩耶創造世界都只係為娛樂
實則上要享受呢個世界，阿格尼都係自欺欺人用忘記來生存，成套野去到最後升到神都無講善惡個下更利害

「阿格尼問自己到底係唔係柴薪,家畜
個主教講阿格尼被人認識,被人賦予價值先開始變為阿格尼。」

我覺得呢度係解釋阿格尼點解要做番炎拳

作者首先由認識自我作切入：自己對自我既認識，同通過別人對自我既認識
阿格尼對自己既認識：可以為露娜不惜一切，甚至殺人
特娜對阿格尼既認識：善良，會為他人著想

然後再借導演講湯告魯斯，講出人有多面性。即係人可以同時有惡/壞既一面，以及善良同好既一面。即使你知道佢有惡既一面，但如果佢在你面前展示佢善良一面，你就會有種錯覺佢可能唔係咁壞
特娜就係有呢種錯覺

阿格尼清楚明白自己有兩個自我：炎拳同特娜眼中既自己。但對佢黎講露娜係最重要，所以佢最終選擇做番炎拳

另外，我覺得炎拳其實幾勵志
雖然世界好荒謬，人注定會死，人好脆弱，但由主角失憶後開始就好正面

的確係同薛西弗斯嘅推石頭好相似,
點樣係荒謬之中搵到意義

善惡作者都好多地方講係觀點與角度,
可能就同尼采d"超人"道德觀有關係,
根本無分善惡只有人可唔可以理解背後嘅理念

其實唔算得係啲咩 就好似會有人祭獻自己然後叫惡魔殺死所有人一樣 咁唔通淨係祭獻自己就足夠換取好多人嘅生命？

真兇係冰之魔女

唔熟尼釆 可唔可以講多啲？
關於善惡、價值觀既問題，我覺得更加似多元論/相對論

價值係沒有絕對既對與錯，有時係不可相容，但又可以互相理解。究竟德瑪當初應唔應該該殺主角條村？食人肉違反人性，殺村又殘酷無情。主角諒解德瑪，而德瑪又後悔咁做。

一開始我以為作者係批評緊謊言/假象：扮演角色，假宗教，以為作者覺得只有唔自欺欺人，要正面面對人生先可以得到幸福

但後來又講到食芋頭，妹妹信以為真而感到快樂，主角又因為咁而滿足，講出謊言既力量
我又重新諗番，導演都係因為扮演女性而可以忽視痛苦，桑又因為信神而可以渡過曾經作為薪柴既痛苦經歷。
所以謊言假象唔係得壞既一面, 仲有好既一面，可以帶俾人不幸，又可以帶來幸福

希臘神話入面太陽神同月亮女神係兄妹關係，結局唔止講阿格尼見番尤達,更象徵佢地再一次以假兄妹身份重逢。
雖然佢地唔係真兄妹,但作為兄妹一齊生活相處既感情都係真。難道只因為虛構既關係而否定佢地真實既感情？有時唔需要拘泥事實同謊言。

以前有班哲學佬覺得只要揾到真理，人就可以建立完美既社會，過得幸福美滿。但睇番阿格尼同尤達既結局，原來幸福可以好簡單，有對方陪伴已經足夠，仲要反而因為無知先可以得到幸福。

並唔係講無知就一定係幸福。無知都有弊處，德瑪既國家既愚民政策正正導致奴隸制度既悲劇。

所以善惡、真真假假、無知等種種價值觀都有各自既好處壞處，唔可以單純作比較，呢個就係作者所呈現出既世界觀，好正

但聖誕老人話得返半年命，仲留一個做新人偶好似怪怪地