點睇連載左一年既電鋸人？

但現實會怕槍既人其實唔係太多 平常人根本好少接觸到槍
更加多人會怕痛 怕病 怕死 怕比人鬧

美國槍擊案 以前手槍 依家用自動步槍掃射
槍之惡魔的誕生起因來自於13年前，因為槍械買賣盛行造成一般民眾恐慌

人地個世界觀係全球都比買槍
我地呢到就得美國

有無分析點解黑白兩道都想殺馬期馬同全世界惡魔都想要電次

有無講過惡魔係點樣喺人間出世？
同埋點解惡魔要做魔人弱化自己？

但惡魔有血唔係都會復原咩？
啵奇嗒同帕瓦飲血都會復原

個作者藤本好痴線套嘢好好睇
估唔到嘅劇情同埋電影分鏡
睇到一頭霧水但好想追落去

btw呢一話有一頁用斷手做分割

咁點解啲太空人全部都係雙手合十

呢一幕真好有feel

應該係上一話

啲分鏡真係好好

將揸波講到咁有深度

我就係睇到呢到覺得有深度
走左去睇條友其他作品-炎拳

咁佢呢？

你覺得佢係本能唔驚定後天克服

你係香港見既香港係咁啫，人地國外d黑幫個個用重武器，雜d既地方重嚴重d，成日話世界和平，但個世界仲有好多戰場，日日都有人被射死，係香港睇唔到唔代表少。

咁你覺得世界上盲人多定唔驚槍嘅人多

本能定後天克服都好，事實佢係唔驚，唔理用咩方法，唔令人害怕既恐懼唔係必要既恐懼lor。
假設係同一種情況下eg
一個珍惜生命又正常地怕黑既人， 1比槍指住 2係完全黑暗，一定係1 驚d
一個有恐黑症又珍惜生命既人，1比槍指住 2係完全黑暗，兩個都驚
一個有恐黑症但唔珍惜生命既人，1比槍指住 2係完全黑暗，可能2 會驚d
一個珍惜生命但唔怕黑既人，1比槍指住 2係完全黑暗，一定係1 驚d
一個唔珍惜生命又唔怕黑既人，1比槍指住 2係完全黑暗，兩個都唔驚
結論係驚1 既人多d，又同時你會發覺驚2 既人都係有病，係小眾，珍惜生命係種本能，我要表達既係暗既戰鬥力唔一定強，佢可以係超越者，唔會死，但我對佢係人間戰力有保留lor

驚槍既人多過驚暗，唔驚槍既人少過唔驚暗

依家計緊人數啊 鬼唔知美國個d人會驚槍咩
但好多地方和平根本成世人都唔會遇到一次槍擊
咁係咪全世界既人都會怕痛怕死啊？

盲人佔人口比例幾多？
仲有怕黑唔需要有病
是但掉你去一個陌生而全黑嘅環境都足夠嚇到你pk 想像下密森、洞穴、深海
梗係唔係指訓覺怕熄燈咁小兒科啦
同埋呢集提到一樣嘢
「冠有根源性恐怖之名的惡魔」
咩叫根源性？
黑暗呢種象徵未知嘅概念就係

如果用槍嚟講
槍嘅恐懼基本上係對死亡恐懼嘅衍生
所以死亡就係根源
所以黑暗同死亡呢類嘅惡魔
階級嚟講高過槍呢類一個層次

你前提係人類危機意識低既情況下，接觸唔到槍就唔會驚槍，
咁你要同時將呢個標準套落其他事物度先得嘎
你咁計係咪例如我驚蜘蛛，我附近沒蜘蛛咁當時個世界咪少左一個驚緊蜘蛛既人？
你要咁計咁可以話唔驚既就可以話係受傷，因為你未受傷？
你要咁計咁可以話唔驚既就可以話係死亡，因為你未死亡？

ps 我係怕痛怕死，呢d唔使接觸到都會有恐懼尬，槍都係

最近一話好震撼
d 分鏡已經電影級
營造氣氛同意境又高
詮釋空間又大
放係 jump 入面都唔知算係大材小用定係鋒芒畢露

咁和平嘅地方可能只有東亞同小部分歐洲地區 唔好講美國墨西哥呢D日日都有槍殺案嘅地方 淨係東南亞都成日有新聞係有人死係槍下 咁何況非洲 南美洲國家

你膽少怕黑唔代表所有正常人都怕黑怕到pk，係，你見到有個黑穴你唔會入去，因為冇必要，但如果你知裡面有財寶寶藏，你會帶電筒入去，唔會因為怕黑而放棄，因為現世黑暗係可以克服，從有火把開始人類對黑暗既恐懼已經減少左好多，除非你係原始人啦，深海都會有潛水艇可以用，因為科技令到人類係越暗既地方越想入去睇睇，暗有著誘惑力但恐懼就不是太談得上啦。

你真係好夾硬嚟
火把 電筒咪為咗驅除黑暗而製作嘅工具囉
唔好講乜廢話話冇必要去洞穴
總之當你處身喺環境入面會驚就係會驚
你舉一大堆例子都只係反證緊因為人怕黑呢個根源所以要靠工具克服