另外，有唔少人轉載，但請您唔好post個開頭，唔post埋第二部份。
讀完想再知多啲，不妨睇睇我嘅舊post archive：https://drive.google.com/drive/folders/16o5Xc_t72HBHhFC0ewfPsVQ9NAvknPUR?usp=sharing
大家有冇覺得有一班人好鍾意無限loop以下嘅論點呢？
遊行冇用，靜坐冇用， 連儂牆冇用，佔路冇用，衝擊冇用，勇武冇用，罷工冇用，黎明行動冇用，黃色經濟圈冇用，罷買冇用，換美金冇用，聯署冇用，起底冇用，外交冇用。
遊行人數減少，勇武已經被人拉曬，集會好無聊，連儂牆已經冇人理，食飯聽到好多反對聲音，民意開始逆轉。
畫面唔靚，會激嬲美國，會俾中共藉口，送頭，中計，僞勇武，僞港獨，係鬼，多謝黑警。
好攰，好悶，好煩，好想死；好嬲，好嬲，好嬲 – 等被天收。
遊行唔夠激進，激進入獄抵死，唱國歌係今天我，請願信係打飛機，絕食係自殘，出聲名係嘴炮，街站係柒，演講係無人理，街頭衝突係犯法，射laser係襲擊，圍毆冒警係襲擊，掉嘢係襲擊，撬磚係襲擊。
放火魔法一定係黑警，拎伸縮棍一定係黑警，有顏色絲帶一定係黑警，有肌肉嘅一定係黑警，有炸藥嘅一定係黑警，有槍嘅一定係黑警。
烈士有安家費，立法會死士全部都有絕症，得閒衝擊嘅都係無業人士，班細路仔一定係畀人利用，基督徒唔應該插手政治，一定係成班失敗人士先會想攬抄。
香港冇救，做任何嘢都係on9，大多數香港人唔buy你個套，你喺少數，你想做嘅已經做過而且冇用，唔好再發夢。
暫緩已經讓咗步，壽終正寢已經讓咗步，撤回已經讓咗步，全民大辯論已經讓咗步，成立檢討委員會已經讓咗步。
警隊已經開始內鬨，親中派政客已經開始內鬨，習派江派已經開始內鬨。
有消息指，有消息指，有消息指。
香港人係善忘，香港人係膚淺，香港人係自私，香港人係幼稚，香港人係廢，深圳上海已經超越香港，北京已經唔需要香港，GDP，GDP，GDP。
撤回條例冇可能，獨立調查委員會冇可能，雙普選北京唔會畀，外國登報會激嬲中共，提港獨會激嬲中共，好驚中共，好驚解放軍。
雙普選冇可能，港獨冇可能；搵外國嘅話人哋唔會理你，搵台藏合作亦都係人哋唔會理你；講願景就話你無條件，講條件就話你無計劃，講計劃就話你無願景；去外國避難就話你出賣手足，留港就話你弱智，文宣就話你聲明黨，入獄就話你抵死，起義話你有勇無謀，計劃話你有謀無勇，做任何嘢就睇唔到，或者行得太前，或者已經被香港人忘記，或者冇用。
要返工不了，好多人不了，好少人不了，天氣熱不了，落雨不了，天氣凍不了，冇錢不了，有錢不了。
精人出口，笨人出手。
窮撚生仔有害，有錢佬生仔都有害，中國人移民生成竇唔理。
老人家係廢老，中年人係廢中，年輕人係廢青，總之成個香港都廢。
快啲移民，香港冇救，留喺到係低能，好嚮往外國，人哋有樓你冇，人哋有錢你冇，快啲移民。
================================
1970年，蘇聯KGB特工Yuri Bezmenov叛變（無中譯，Google譯做 尤里·貝茲諾夫），投靠美國，並公開蘇聯情報部門顛覆敵對國家社會嘅方法。由意志崩壞（demoralisation）開始，令到整個社會感到無助，唔團結，冷感，撕裂，以致崩潰，不戰而敗。呢套理論有學名，叫「顛覆」Subversion，而達到顛覆嘅行爲，就叫做 active measures / активные мероприятия。
2019年，中華人民共和國依舊行使同一套理論，務求不需派兵嘅情況之下，摧毀香港。
Subversion有四個步驟：demoralisation破壞意志+道德，destabilisation社會動盪，crisis災難點，normalisation正常化。
以下係英文原版，RedDragon1會員詳盡中文譯本，以及Yuri本人嘅lecture（好詳細，但係暫時未有中文字幕）：
PDF link: https://drive.google.com/open?id=1AZBfKokD65LfA7e7g1gil-K_CcSrl0eS
https://www.youtube.com/watch?v=SZnkULuWFDg
如果你冇時間睇哂成段lecture，個圖最後兩個顛覆步驟冇講清楚：
「Crisis災難點」係指令到社會運作嘅機器失效，即係銀行停止發票，立法會停止會議，法院不能夠再審判。同時間，另類政府組織會冒起，如人民法院。
「Crisis災難點」未直接入「Normalisation正常化」之前有可能會走兩條路：國際介入（多國戰爭），or內戰。但係如果冇呢兩樣嘢發生嘅話，就會直接入最後一步：
「Normalisation正常化」，係指「社會動盪被入侵者完全制止」，蘇聯嘅例子係俄羅斯坦克車入城，將原本親蘇聯嘅內奸、政客殺哂（因爲已經冇利用價值），由外來嘅俄羅斯人清洗一切反抗聲音，「正常化」個動盪。
================================
大家發唔發覺，其實Yuri講過嘅伎倆其實有好多已經係香港實行咗？其實由1997年開始，已經逐步實行。
知己知彼，香港人係時候學下共產情報部門令到敵對社會崩潰嘅手法。雖然情況嚴峻，但係我哋仲未到不可收拾嘅局面。
其他我冇意見
