https://gogetfunding.com/free-hong-kong-europe-touring-exhibition/
各位手足，我哋係Free Hong Kong Exhibition團隊，由一班海外香港人組成，主要打國際戰線。我哋希望以巡迴展覧嘅形式，將香港人嘅聲音帶到海外。作為响城牆外面生活嘅人，我哋自覺有責任將港共政府嘅所作所為話俾全世界知。响西方民主社會，人民就係力量，政府嘅決策同立法往往都以民意為依歸，而展覽正正可以提供一個空間同平台，直接同市民接觸交流。我哋希望以普羅大眾為出發點，提高民間對香港事態嘅關注，團結國際民運陣線，希望响國際間有更加多迴響，間接向港共政府施壓。
由九月開始，我哋已經先後响德國三個城市自資舉辦咗三次展覽同一次講座，亦協辦咗一個sharing session，近期亦同其他歐洲城市聯絡緊，希望將展覽帶到更多地方，遍地開花，與更多外國人接觸，團結國際力量。經過三次展覽之後，我們團隊經已山窮水盡，所以希望透過眾籌籌集經費，繼續 [和你展]。下一階段我們打算到比利時、丹麥，我哋亦已同烏克蘭當地聯絡，希望响寒冬凜烈嘅十二月或一月直達基輔，同五年前烏克蘭革命人民接觸，連結國際民運陣線。
我哋今次眾籌目標係三萬歐元，折合大約為港幣二十六萬五千元，用作未來幾個月再舉辦展覧同講座嘅開支。巡迴展覧結束之後如有任何剩餘資金，將會全數捐贈星火同盟。
希望各位手足可以幫忙，課一課金，亦可以幫忙share，感謝大家。
兄弟爬山，各自努力
光復香港，時代革命
我哋團隊facebook page :
https://www.facebook.com/Free-Hong-Kong-Exhibition-110062053719239/
