數據同我地講
1. 你唔投票就肯定輸
2. 社會集體黃移
3 選民年齡與支持建制成正比 (2016)
重點
1. 投票唔一定係想泛民贏, 而係要建制輸. 無論果區有咩泛民/本土/熱狗, 含淚投黃包生仔
2. 傳統選舉智慧覺得老人票(60+)多係錯誤的, 只係年輕果代(18-30)唔投票
3. 如果今年年輕人投票率能夠回復16年立法會的數字(55%), 甚至更高 (expect 70%), 那麼從今日開始, 區議會就係黃營既天下
4. 中立既人既投票傾向真係好中立. 佢地愈出得多嚟投, 對泛民主派其實愈不利。
5. 地區工作對選舉既影響其實唔算好高 (20%). 相比起嚟, 能唔能夠叫到自己人出嚟投票, 由其係年輕一代既人投票先係重點
6. 種票係以小區計既, 並唔係全港性咁種。而且今年種票好可能只能補回建制派呢四年流失左既民意
策略
1/ 想嬴既話，理得佢係熱狗/民主黨/素人，總之有撚就含
2. 你果區有兩條撚既話，上vote4.hk / 選舉事實處 望一望先，望下真黃定假黃先投，兩個都真黃既話建議自己區既選民集中票源只投一個
3. 對於中間派，除非你肯定佢會投黃營，唔係你叫佢唔好投票
----------------------
仲有少過一個鐘就區選，雖然實際上大家都知區議會係殘廢機構，但而家全香港甚至全世界都關注緊區選，呢場選舉，我地只許勝不許敗。對於想含撚既大家，都好想知道一個答案，就係我地點含先含到區議會過半出黎呢 ? 為此我地成team人呢幾日將全香港各大民調以及選舉事務處既統計做左一次全面分析同埋modeling，推算一下我地今次選舉可以拎到幾多席。
坊間好多時會覺得用民調去估計區議會數據係唔合理既, 佢地主要係建基於「地區工作比起政見重要」呢個迷思. 但係事實上, 以前泛民明星落去選既區一般而言都係深藍區 (e.g. 長毛多次參選區議會)，而事實上好多名不經傳既人反而可以響區議會贏到建制派.
分析方法
我地將會用到PORI (https://www.pori.hk/) 同香港研究協會(http://www.rahk.org/) 既數據做一次自逃犯條例修訂以嚟香港社會整體既民氣變化, 同埋佢對選舉結果既影響。PORI主要有兩組數據， 一組係每個月公佈、有原始數據既林鄭民調， 另一個就係「我係香港人」前導計劃， 其中附錄入面被訪問者政治傾向既數據會幫到我地理解到香港人既政治傾向。我地同時引用親建制既香港研究協會民調，主要係用以交叉檢驗PORI既民調。
結果
香港整體受眾既政治傾向係咩?
PORI既民調指出香港政治傾向正大規模泛民化, 呢個結果響早前中大既民調都出現過.
平均嚟講, 香港社會有大約10%既人係鐵桿藍絲, 呢樣野響唔同「比分數」既民調都要見到同一個trend (Source: https://www.pori.hk/s/6th_round.pdf), 就係永遠有10%人響今日呢個社會環境比10分港共/中共政府
有唔少人擔心所謂中間派同無政治傾向既人係咪其實係隱性建制, 我地查左一次PORI既原始數據, 假設比0分係深黃, 10分係深藍既情況下, 中間派其實真係幾中間，平均50%投泛民， 50%投建制, 而無政治傾向就係55%投建制，45%投泛民。總括黎講，佢地只有少少藍而無大家想像中咁藍。
同一個結果響親建制既香港研究協會都出現左, 經過一部份既數據整合, 我地將香港研究協會既分數改換埋去PORI既比例:
相信唔需要解釋都知道林鄭已經低無可低
政治傾向點樣影響區議會選舉?
過去既選舉因為有太多既自動當選, 同時泛民本土一般而言係響內鬥狀態，令到大家既投票意欲相當之低, 尤以著重意識形態、從來唔用地區服務既年輕人最甚。故此，響過去既選舉年輕人既投票率(35%)係遠低於年長選民(~60%)。但係呢班年輕人一去到立法會就會出番曬嚟投 (55%)，同年長選民(~57%)既差距並唔係想像中咁大。
其實大家想知道結果，vote4.hk 有一個簡單版既總議席估算器，大家可以上去玩下。 但係我地考慮到民意響過去幾個月係改變得好快，所以我地自己做左個建基於2016年(民意運動後未逆轉)同2019年(民意運動後逆轉, 即圖一)政治傾向既選舉模擬模型(已計算民調誤差)，得出全體民主派可能得到議席既分佈: (x-axis代表民主+本土議席，y-axis代表機率)
事實上只要大家唔射票落海, 跟返2016年超區既投票傾向去投, 咁樣既話連出曬名最難光復既觀塘區都係會民主派贏大半數 (11建制, 26民主, 3新增). 而呢度既關鍵正正就係30歲以下選民。如果30歲以下既選民既投票率係高於全香港平均, 就算係返去2016年, 全港十八區區議會我地都光復到十七個(除左離島, 因為佢地係10席民選8席當然議員)。
而今時今日既社會氣氛只會有加無減. 我地詳細睇左林鄭月鵝十月既評分數據同年齡既關係, 發現基本上比林鄭月鵝零分既人係異常既多, 而且愈後生, 愈極端
但係偏偏後生果一批響過去20年都唔係好投票, 咁樣區議會緊係藍到出汁啦......
港共會種票, 造假, 引果啲民調去估選舉準唔準架?
咁呢啲可以響model上面改既. 過去20年建制派響兩個選舉既票數係穩定增長既, 從1998年既四十萬左右升到去2016年既九十萬左右. 我地可以假設今次會有二十萬既種票. 呢個數字係一個極為激進既估計, 因為
2012年到2016 年建制先增長左十八萬票
2016年到2019年新增選民先有~四十萬, 而30歲以下佔左一半.
以下呢張圖係講緊建制派
就算真係種票, 建制派都攞唔番佢地響反送中運動前既得票數, 所以大家冇野好擔心。
香港既人平均對警察/示威者既睇法係點?
終合咁多次PORI既民調, 我地見到兩個月既滾動民調都有同一個結果: 如果係警察就係8成反對2成支持, 而示威者就會係一半一半. 我地假設緊呢個世界上冇人係同時支找警察同示威者既, 咁香港對於今次反送中運動既理解就係如右圖. 呢個數字同政治傾向果度既比例差唔多, 亦擁有差唔多既數字比例, 故我地可以大膽估計, 泛民主派既支持者大約就係而家同時反對警察既一批人.
結語
如果想單靠區議會制度同佢既職能去改變香港無疑係天方夜譚，但縱觀歷史上成功既抗爭(例如1918年既英屬愛爾蘭大選新芬黨大勝直接引致兩年後既獨立戰爭)，一味政治潔癖只幻想靠體制外抗爭去改變社會同樣係畫地自限。和勇不分呢四個字講既除左係不割蓆不篤灰外，仲指任何有助勝利既方法都會去嘗試，不論當年G20登報，817維園百萬流水遊行，舉美國旗定而家區議會選舉。只要行動有成功既希望，我地都應該嘗試，願榮光歸香港，大家煲底相見。
立場同時連載:
https://www.thestandnews.com/politics/%E9%A6%99%E6%B8%AF%E4%BA%BA%E5%96%BA%E5%8D%80%E8%AD%B0%E6%9C%83%E8%B4%8F%E9%81%8E%E5%8D%8A%E8%AD%B0%E5%B8%AD-%E5%A4%A7%E6%95%B8%E6%93%9A%E8%A9%B1%E4%BF%82%E5%BE%97%E5%98%85/
搞到小弟都好想學stat