5個月了。香城 Online 更新升級了。玩家係唔係應該轉GAME？勇武仲可以點升級？

香城 Online 是一隻咩野 Game?

過去5個月我會話係一隻FPS（First Person Shooter 第一人稱射擊）。各位玩家有唔同職業，有唔同岡位，有唔同能力，對手係一大班冇樣冇Number嘅NPC，手拿各種武器。香城ONLINE就好似一隻GTA，係一個罪惡城入面係咁接任務，爭取最大勢力。

但，對於班警察黎講係咩GAME？冇錯，係一隻RTS（Real-time strategy 即時戰略）. 各位玩家同警察有咩分別？除左武器，仲有指揮系統，仲有平時的隊形訓練同戰術訓練，上空有直升機體地圖，有無線電溝通，有指揮官下達命令。呢個係無辦法彌補的差距，玩家係流水，唔單止冇大台，連士氣都方向都向自獨立。玩家唯一的優勢係數量，唯一的武器係Be Water令對家指揮系統被擾亂，令對方士兵疲於奔命，令對方犯下道德錯誤。

經過理大一役，各位玩家係唔係仲想繼續玩 GTA？在GTA的世界無論你受幾重傷，無論你殺死幾多警察被捕，都可以10秒鐘就重生返出黎，只係唔見少少錢。但現實世界係唔係咁？

大家睇翻理大一役？面對圍城，城內守軍無咩選擇，一係集中突圍，一係分散突圍，一係棄城投降，一係華麗殉城（死守）但城內嘅人一直難以形成共識，而城外人無法攻城營救（星期一晚何止2萬人，但都沒有成功攻入，亦無法趕走察黎），又難以裡應外合（因為任何可行逃走路線都會被發現）就係因為冇大台。最後變成雷霆救兵，救1命、失8命。。。。無辦法，哩個就係「武裝政權」與「非武裝人民」的差別。

咁我地係唔係冇機會贏？非也！大家係唔係忘記左，整個「香港」真真正正係一隻咩GAME？冇錯，係一隻「大富翁」！係一隻 「文明帝國」。最少都應該當係一隻「三國誌」咁玩。玩呢D Game, 戰爭只係其中一部分，仲有好多因素影響勝利。經濟、資源、生產、外交、機會牌，環境、時機等等。

勇武相信己經見盡頭了。我唔係當勇武手足係Condom，相反勇武仍然係最重要戰力，但已經唔足夠！我意思是民間武力已無法再升級，並不是應該停止勇武抗爭的意思，而係時候要升級，但唔係向「更高武力」的方向，而係向「非暴力抗爭」的方向升級。

我知咁樣實比人屌我泛民。容我先定一定性，我所指的不是泛民那種「唱歌跳舞叫口號投票」的非暴力抗爭，而是「阿爾伯特研究所」的「非暴力抗爭手冊」系列 （ https://www.aeinstein.org/free-resources/free-publications/chinese/ ）佢地從事非暴力抵抗的相關研究，研究現代社會多次不經過全面戰爭而推翻政權的案例，歸納出六大類，共198種抗爭手段。 之前已經有師兄貼過，希望手足參考一下： https://lihkg.com/thread/1555207/

我地要思維模式上重新定性一下，真正的非暴力抗爭並不等如過去泛民那種和平抗爭：

1。「非暴力抗爭」並非比「武力抗爭」弱的抗爭手段，反過來說是「無武裝者」對「武裝政權」的有效衝擊行動。我地無可能有槍、有催淚彈同其他武器，面對有軍備嘅敵人，用武裝衝突不可能勝利。相反， 各種經濟手段、理念宣示、不服從運動、抗議活動、干預及干擾行動，有無限的升級空間，可以愈戰愈勇。

2. 「非暴力抗爭」唔係同勇武割蓆，勇武手足嘅行動已可歸納到「佔領」一類。我哋應該理解「非暴力抗爭」為「不用武器的戰爭」。勇武抗爭一定要堅守Be Water的最高原則，來如風去無影，不要再堅守任何陣地。堵路也可以流水化，不用堵一整天。規模小但流動性高，比大規模但定死的行動殺傷力更大。

3。「非暴力抗爭」同武裝戰爭唔同，未必會係一兩場戰役，或者一兩個行動能夠迫政府就範，而係全方位全階層的不合作反抗，每個小行動，每次小事件加起來才會發揮巨大力量，所以應該改變以往「鬥多、鬥大、鬥強悍」嘅思維，放棄即係遊行鬥多人、全民乜乜行動等等號召，要用「鬥煩、鬥堅持、鬥長命」的心態去玩。

香港人唔該進化啦！唔好剩係識感情呼召啦！

有冇發覺由黎明行動開始到而家市民開始反感？黎明行動本來好成功。第一星期的黎明、破曉、晨㬢、旭日、曙光，令香港停罷左5日。唔好唔記得，其實主因係因為周梓樂同學嘅死！香港人就係咁，只會因為情感，因為悲憤而衝，但最後變成衝動。黎明初期，大部分市民雖然扮返工，但心中支持手足堵路，偏偏一班手足係到屌人地排隊，屌人地係奴工，人地內心會有咩感覺？

理大攻防戰又係，理大外面圍左2萬人，大家都唔知可以做咩，然後一大班手足係到屌人「救人呀，你地係唔係由得入面啲人死呀？」老實講，黑警唔係大晒，但勇武都唔係大哂。所以有冇發現文宣號召力都開始下降？D文宣出係唔係少左人Share?少左人行動？今個星期的黎明行動的人數已急速下降，港鐵全日停罷亦不復見，除左因為理大一戰我地輸得慘烈，歸根究底係市民開始厭倦。

唱歌跳舞叫口號唔可以改變政權，但係單靠憤怒，屌人唔做嘢，屌人唔罷工亦不可以。如果手足淨係識得因為憤怒而行動，因為情感而抗爭，我諗只會愈來愈多人Offline。

現代社會無數個軍政府政權最後都因一連串「非武裝衝突」式的抗爭手段拉下台，「阿爾伯特研究學院」係研究左無數現代極權政府倒台的非暴力抗爭手段，而歸納出這一系列歷史上有效的方法。個人認為呢編文入面詳細列出的不合作運動先係出路。行動需要升級，但係不是向武力方向升級，而係向公民不服從方向升級，比勇武更需要智慧及團結，勇武行動宜應定格在流水式示威。全民不合作，才是對政權最大殺傷力。

手足，我地要轉GAME了。大家比心機睇多次攻略，其實好多已經做緊。好似之前人鏈咁樣，我覺得可以歸類為「集體行為藝術」一類，一樣可以感動大眾或者羞辱政權。集會、勇武行動要繼續、但打狗應堅守Be Water原則，不宜再玩堅守陣地，停留在持續不斷的快閃勇武是最頭痛的。罷工及被罷工都係好事，但太長久變相等於堅守陣地。其實快閃式罷工，不時癱瘓某地區一個朝早，喺經濟數據層面已經會反映出嚟，足夠動搖商界高層。

希望手足游說更多唔同團體/角色去分擔唔同抗爭工作。例如學生有學生做，醫護有醫護做，黃色商戶老闆各有各做，消費者有消費者做，藝術家可以創作、Youtuber可以拍片發聲，唔同角色自己用唔同嘅抗爭方法，唔需要下下全民勇武/全民罷工。（屌因為香港人本來就唔團結，好嘅角度睇係多元化，香港本來就等於一整個國家縮到一個城市咁細）有機會再同大家討論細節。

堅持，最後都係呢兩個字。烏克蘭Winter On Fire 廣場運動93天，到第92天人民都不知道明天會勝利，而我深信香港會勝利，但是愈接近勝利會愈黑暗，我們要有心理準備。

而勝利的準則是什麼？不單單是五大訴求，而是真！普！選！記住，只要一日特首唔係全民普選，立法會唔係全議席直選，我地都仲未贏！

就係咁，手足，加油！我地一定會贏。香港一定會有普選！一定可以還所有手足一個公道！

香城 Online
一位微小的 Game Developer 上



攻略 Links:

【論述】絕密流出！唔使需再流血，「和理非」聖經
https://lih.kg/1555207

「阿爾伯特研究所」「非暴力抗爭手冊」系列
https://www.aeinstein.org/free-resources/free-publications/chinese/

主力探訪放工曱甴同埋高官，冇嘢效益高得過呢兩樣。

值得慢慢細咪嘅長文

細味

18-11-2019 (原片）香港警察踩示威者頭部
https://lih.kg/1737274
- 分享自 LIHKG 討論區

你好我係拍片嘅本人，有冇人知道個手足點樣？可以幫手retweet 比多啲人睇到,想推到出國際記者報道，謝謝 Twitter link

https://twitter.com/Ng18607704/status/1196632031314137094

推

推

講得岩 值得推

幫推好文分享

爭取共識: 1124 8:30am排隊投票
- 分享自 LIHKG 討論區
https://lih.kg/1745055

好文推

推

冇錯，轉Game唔代表輸，同佢鬥長命！

推唔郁

pishhh

push 好用心

On

推

有人罷工先算啦港豬係大多數根本無法反駁
中環友集體罷1日工，根本香港玩撚完

提提大家唔係要報仇，係要堅持

推

推

推