我同老公結左婚兩年一直都好幸福, 上年我有左BB, 佢都一直好比心機咁照顧我, 仲成日話好想快啲睇到BB出世
我上個月終於生左, 係男仔黎, 我同佢都好開心, 但係估唔到係我噩夢既開始
一開始果陣佢已經係咁同我講覺得個仔好似佢, 我望真啲都覺得似, 但係個仔係生得一啲都唔似我的, 越大就同我個樣差得越遠
女人既第六感話俾我聽: 有野唔對路
之後我有試過試探佢, 話: 阿仔一啲都唔似我,會唔會唔係我架?
佢聽完之後都係笑笑口唔講野, 完全冇諗過答我問題
如是者我成個禮拜不斷係佢身邊暗示試探, 問佢果條問題
有一次佢頂唔順,問我發咩癲, 我啲眼淚即時忍唔住流左落黎
我問佢: 個仔係咪你同出面個女人架?
佢呆左唔識答我, 個樣心虛到不得了, 跟住佢同我講左句"痴撚線"
佢以前從來都唔會對住我講粗口的,由呢一刻開始,我知道佢變左了
我十月懷胎咁辛苦生個仔出黎, 估唔到換來既係老公偷食,自己仲要幫人生埋仔都唔知
但雖然係咁, 我都好錫個仔, 我唔可以俾佢同個女人搶走仔仔架
各位巴絲,我點做好?